Halkan waxan ku faahfaahin doona safarkaygii iyo nolosha qurbaha,

ATHENS

dalka Giriiga waa dal noloshayda samayn wayn ku leh, waa halkii aan soo maray kolkii an usoo sahay qaatay safarkaygii aan kusoo aaday qaadarada Europe, sanadii 2016 ayaan dalkaasi kasoo galay jasiirada lesbos oo markaa ahayd halka qaxootiga ugu badan kasoo galayay dalka Greece, dooni bac ah oo xeebta markaanu tagnay lagu biifiyay ayaan ka soo raacnay mid kamida xeebaha turkiga oo an magaceeda aqoonin,

waa xili habeen ah dadkii ayaa doonida la wada saaray waa ay dhaqaaqday si tartiib ah, kii doonida waday ayaa bilaabay sharxaad iyo tilmaamo ku saabsan halka aanu socono iyo farsamooyinka an adeegsan doono inta lagu guda jiro safarkeena sacadaha ah qaadan doona , waxa ugu wayn ee uu nagula dardaarmay ayaa ahayd in nalka inaga soo hor muuqan doona ku aadino doonida, waana halka aad u socotaan ayuu yiri, markaa ayaan shakiyay oo iswaydiiyay tolow yaa waye qofka nagu kaxayn doono doonida, daqiiqado kadib ninkii biyahii ayuu isku tuuray CIAO ayuu nagu yiri,

Dadku inta badan ma siifcan uma saldhigin qof walba boos ku haboon ayuu salka la raadinaya, cabsina waa jirtaa lama oga cida istuurtay yee tahay yaasa na sii wadi doona, isla markii waxa matoorka gacantiisa qabtay mid malaha ay ku balansanayeen in uu nasii gayn doono, inaga ma fahansaneen arimhaa oo idil ma wadi taqaanaa ayaan waydiinay haa ayuu na yiri inagoo fiigtaalsan ayaan is eegnay aniga iyo laba dhalinyaro oo ila socatay,mudo waxa indhaha ku haynay doonida iyo habka ninkan uu u koontoroolayo xooga kadib ayanu fahannay in ninkani yahay nin tababaran oo loo soo xil saaray safarkan, si degan ayuu noo waday laabta ayaa noo qabowday maadaama shakigii naquude la,aanta naga baxay, saacad iyo xoogaa ayaanu ku nimid xeebta LESBOS oo ah jasiirad kamida jasiirahada Greece, wax dhibaata ah eebe nama tusin balse intaaba wadnahaa farta lagu wada hayay safar bad ciyaar ciyaar maaha iyo dooni bac ah, hadii aad is moogaysiin lahayd cabsiida safarka baroorta dumarka iyo caruurta ayaa ah waxa ugu horeeya cabsida kugu abuuraya iyo naf jacayl aanan kugu jirin kahor soo racistadii doonida bacda ah,

xeebta Lesbos kolka aanu kasoo degnay waxaa noo yimid ciidan boolis ah iyo dad ka socday hay,addaha gargaarka bixiya, meel xeebta kayara duruqsan ayaa nala geeyay, buur dusheed ayaa nagula siiyay cabitaano iyo cuna fudud dhar la xidho, saf dheer gala iyo tirin ayaa halkaas nagula bilaabay, gawaari waawyan oo bus booliisku leeyahay ayaa noo yimid, waa nagula soo qaaday, toos ayaa naloo keenay kaamkii waynaa ee qaxootiga lagu kala sarayay , in mudo ah ayaan ku noolaa kaam Moria oo noloshiisu aad u adkayd ,

Kaamka waxa ku nool in ka badan 7,000 kun ruux , lanbarkaasi sedex jibaar ayuu ka badan yahay dadkii loogu talagay in lagu haayo kaamkan, mararka qaar waxa dhaca dhibatooyin isugu jira kufsi dil dhac iyo iwm, sidoo kale dagaalo koox koox iyo jinsiyad jinsiyad u abaabulan sida ( laba dal ama laba qaarad dad kasoo kala jeeda ) ayaa laysku dagaalaa, habeenada qaar dadku in banaanka jiiftaan ayaa dhacda iyadoo laga baqaayo dagaalka markaa kaamka ka dhex socda in dhibaatadiisu soo gaarto, qof walba tooreey mindi wixii uu heli karo ayuu hoos ku wataa, waa naftaada ilaasho furin dagaal nin jooga wax ma dhaantid, soomaalidu waa dadka ugu tirada yar, wax dagaala ma sameeyaan iyaha ayaa dhowr iyo toban ah oo naftooda la baqa, waxasa sameeya marka dagaal afrika iyo carab dhex maro in labaduba ay dhinac kale ku tiriyaan ,

Doonida aan tukiga kasoo raacnay waxanu ku saarnayn 60 lixden qofood rag dumar iyo caruur isugu jira, sadex dhalinyaro oo soomaali ah ayaan ku saarnayn, kaamka waxan ugu nimid sadex dhalinyaro oo iyaguna markaa noo sheegay in laba dumar soomaali ah ay magaalada degenyihiin, diiwaangalinta kadib waxa nala siiyay teendho bac ah oo 2 qof ah , adinka ayaa barxadaas ka dhisanaya teendhadiina yar ee aad jiifan doontaan , waxa suuragala hadii 2 laba qofood ee agtaada isku dagaasho in sida kartoon lagugu dul istaago waayo halka aad ku jirto waa teendho kuwa lamida bacaha xeebaha la dhigo ee qoraxda laga hoos galo,

Cunada waa mid aad iyo aad u liidatay oo aan dhadhan iyo dhiican ba lahayn, saf dheer ayaa subaxii loo galayaa koob shaahi iyo xabad rootiiga quraasaanka ( kurasan) loo yaqaano. duhurkiina bariis cad jaay ah iyo baradho biyo lagu kariyay, xabad liin, ama muus, iyo hal caagad 1L biyaha ah ayaad soo qaadanaysaa, galabtiina sidoo kale. safka aad galayso waxa kula taagan ku dhowaad 5 shan kun oo qofood, suuragal waxa ah in aad saacado badan taagnaato ilaa aad ka gaarto halka cunada aad kasoo qabsanayso kaaga darane ma ahan cuna macaan oo aad sifiican u cunidoonto, sadex jeer hadii aad qaadato waxa hubaal ah in aad daadinayso adiga oo weli gaajadii ka go,in , maalinkaaga dhan waxa uu kaaga dhamanayaa cunada qaadasha saf u gal, mararka qaarna jaakado dhaxan iyo busto ayaa la doontaa iyadana saf dhaadheer ayaa loo galaa, fowdada iyo dagaalada meelahaas safafka laga galo ayay ka bilowdaan hadii laba is dagaashana waxa uu isu bedelaa dagaal kooxo kooxo ah oo ay dad dhibaato kasoo gaarto.

Magaalada ayaanu u tagnaa indha indheen lugtu waa saaacad iyo xoogaa bus ayaa isagana laba euro lagu raacijiray intaanu cusbeen ayaan ku habsanaanay kadib lugtaanu daa,inay, maadaama cunadii aan la qabsan waynay waxaanu markii dambe ka iibsan jirnay cunada kantiin kaamka dhinaciisa ka dhisnaa jiray, hal jeer oo cuna fiican ayaan maalinkii noo qorsheysnaa in aan iibsano, subaxiina halkaa ayaan cofee iyo rootigan sooqadanay isku cuni jirnay, kaamku noloshiisa oo aad u adkay kadib midowga European ka ayaa bilaabay bishii 90 Euro dadka la siiyo, kaarar bank ayaa naloo sameyay, mudo bil ah kaidb waxa laga dhigay 45 cisho hal jeer 90 Euro la qaato taasoo ka baxsan hishiiska warqadaha aanu saxiixnay. ma jirto meel loo cawdo iyo cid xaquuqdeeda garan karta meel ay ka jirto, hadii ad xanuusato biyo ayaa lagu sinaya iyo kaniini bilaash ah oo ay bixiyaan dhaqaatiir kaamka dhex degan oo subaxii ilaa duhurka shaqeeya , xanuunkaaga haduu daran yahay waa in banaanka doctor magalada lagu geeyo taasina howl dheer iyo iska soo daba laabasho badan mid u bahantahay, dhibta ugu badan waxa darema dadka cudurada gaarka qaba ee aadka u jiran,

Dhinaca xariirka familkaaga iyo asxaabta aad ayuu u liitaa sababtoo ah qadka intenetka bishii 10 euro ayad ku shubanaysa sifiican kuuguma shaqaynaayo meelo gaara in aad istraagto mooyaane, dab lagu charger gareesto telfoonada waxa heesta dadka kuwooda ugu horeeyay kaamka soo galay ee degan teendhooyinka waawayn geeesaha kaamka kawada dhisan ,kuwaa ayaad kasoo baryeeysaa in kuu jaarjar gareeyaan telfoonkaaga, in aad ilaashatana waa kugu qasab il iyo aragti ayaa laysaga dafaa mobile-da, mana jiro booliis arimahaas wax ka qaban kara iyaga ayaba carara marka dagaal dhaco.

warbaahinada kala duwan ee caalamka ayaa imaada meesha oo doonaya in ay xaalada kaamka Moria oo halis ah dunida u gudbiyaan warbixintiisa, balsa looma ogola in gudaha usoo galaan. waa meel suuliga xitaa saf saacado ah loo galaayo, qubayska biyuhu adigao oo suuliga ku jira ayay ka go,ayaan, dadka qaarkii dibada wadooyinka tubooyin ku yaala oo la jabiyay ay ku qubeestaan , xaajada duurka ayaa lagu soo gutaa,

Cariiriga noloshaas waxa mararka qaar isaga mashquulinaa dabaasha oo bad qurux badan ayaa ku tiilay magaalada dhinaceeda , saacad ayaan ku tagi jirnay galbahii xiliga xagaaga meeshaas ayaanu kusoo dabaalan jirnay wax-yaabaha kaliya ee an ugu jeclaa intaa ayay ahayd.

Dhibaatooyinka ugu xumaa ee aan meesha ku arkay waxa kamid ahaa, reer kurdi ah oo teendho wada deganaa ayaa qabowga ka daartay dab iyagoo teendhada dhex jiifa, dabkii ayaa is qabsaday, inaga oo u jirna meel 15 talaako ah ayaa mar qura aragnay teendhadii oo kor ka holcaysa, intaanu gaarin waxa maqalanay qaylada iyo baroorta reerka, waxa laga soo saaray hooyada iyo laba canug oo midi dhaawac daran noqday, waxa geeriyooday ayeeyadii gadbadha caruurta leh dhashay iyo canug yar oo markii dambe madaxiisu qarxay dhawaqa aanu banaanka kasoo maqalany, ilaahay ha u nxariisto dhacdadaasi aad baay argagax noogu wada reebtay.

Sida caadiga ah qofka soogala jasiiradan waaraqado ayuu ka qaataa kaamka oo athens ku tagi karo taasina waxa ay u bahan tahay interview marto kadibna laguu aqoonsado qaxootinimo iyo oqf mudan in uu magangalyo helo,

Dhowr bilood waxa ay inooga baxday suga interview ayaad galaysan, mudo kadib ayaan ogaanay in meeshu tahay cidii fowda samaysa aya howlahooda loo fududeeyaa, dhaqanada iya yaabiyay ee aan kusoo arkay meeshaa waxa kamid ahaa, tusaale ahaan suuriyaanka ayaa buuq sameenaya iyaga ayaa la bilaabaya howlahooda, maalma kadib dowlad kale ayaa buuq sameenaya iyaga la bilaabaya interview qaadista ,

inagu dhowr iyo toban soomaali ayaanu nahay ma awoodno in an buuq iyo fowda samayno, dhamaanteen hadii an isu imaano oo qaylino waxa suuragala in aan shaqada na loo joojin, maalin maalmaha kamid ah ayaan isu imaanay inagoo dhan . masuulka ugu sareeya meesha ISO qolada waraysiyada qaada ayaan la hadalnay, waxanu u sheegnay in soomaali nahay meesha ku daahnay. wuxu inoogu jawabay , meesha fowdo aya laga sameyey marka aanu dib u dhisno kunteenarada gubtey ayaan idin yeeri doonaa, taasoo ah hadal naga dagi waayay, sidii baa meesha u sii taagnayn markale ayuu soo maaray waanu la hadalnay , waxan u sheegay in dad kooban aanu nahay, markaas ayuu yiri iga raali noqda ma haayo qof idiin tarjuma, sidaa daraadeed waxad sugaysaan ilaa tarjumaan soomaali ah uu ka yimaado, taasina kama qaadan meesheenii ayaa sii taagnaanay mudo . waxa uu soo maray xili casir shaqada laga sii baxayay, sidii ayaan usheeg inay nagu adag tahay waqtigaas fog, ugu dambayn waxa uu yiri maxa xal ah cid idiin tarjunta ma haayee. waxanu u sheegnay in aanu carabiga iyo english kuhadalno, wuxuna yiri waa okay, waxan idin sinaya balan, maalintii xigtay ayuu nasiiyay balan bil kadib ah oo waraysi ah,

Balanteenii maalin kahor ayuu dagaal dhacay oo meeshii dhamayd ayaa la gubay, kolkii dib loo dhisay ayaanu u tagnay waxa naloo sheegay in dib naloo dhigay bil kale, bishii ayaan markale dhamaysanay, markaanu tagnay waxa naloo sheegay in xiligan qabow soo dhowyahay oo caruurta iyo dumarka la boobsiinaayo inagana aan jaanis naloo hayn, intaa kadib go,aan ayaanu ku qaadanay in xal kale raadino,

Waxaanu isku dayi jirnay in gawaarida jasiirada alabaha keena marka ay laabanayan in aan dekada horteeda ka raacno, gawaaridaasi wa tareeloyaal 40ft markab ka ayay raacaan sidaas ayay caasimada ku tagaan, inagu gaaar ahaan afrikaanta waxa isku dayi jirnay ku dhex dhuumano, maaliinkii 10 qof ayaa gasha 10 baabuur kala duwan dhamaantood baritaan ayay maraan dad yar ayaa badbaada kuwa badana wala soo qabtaa, isku day halis ah oo dhib badan ayuu ahaa mana noo suuragalin inaga,

intaasi kadib waxa marki dambe helnay qorsho qurux badn oo an marki dambe kusoo raacnay diyaarad athena u socoto. qolyo afrikan ah ayaa warqadaha nooga dhaqay stamp ka na looga dhajiyay ee cadeynaya in anau safri karin, lacago konton doolar ah ayuu qofkiiba nooga qaatay, waxanu tagnay garoonka diyaaradaha, booliiska ayaan soo marnay oo naga koontoroolay kadib ayaan ticket ku goosanay, inaga oo afar ayaa kusoo baxnay diyaaradaa sadex kalena diyaaradii naga dambeysay ayay soo raceen wixii intaa ka dambeeyey soomaalideeni sidaa ayaa uga soo baxnay,

kahor inta inaga aanu imaan kaamkaasi dadka saacado ayaa lagu siin jiry warqadan aanu bilooyinka ku rafaadnay, sababtuna waxa ahay ahayd maadama 2015 dad fara badan soogalay yurub in dadka halkaa lagu soo kala saaro, go.aankuna waxa uu ahaa in qofka uu meesha ku cadeeyo qaxootinimadiisa kadib lasoo siiyo waraqadaha uu markabka ku raaaci karo,

Dhibaata badan kadib kadib waxa ii suura gashay in an tago Athena oo ah caasimada dalkaasi kuuna fududeyn karta in aad safarkaga hore usii wadato, athena waa meel dadku ku qasbanyihiin in uu qof kastaa is dabaro, waxanu raadinay guri aanu degno, habeenkii koowaad gurig nin oday ah leeyahay ayaanu seexanay, maalin kadib ayaa xaafad cusub oo ay gabar kireesatay helnay inagoo dhowr ah ahalkaas ayaanu degnay , kirada iyo cunada waa iska 120 doolar meelahaa, magaala joogaagu uu kuu dheeryahay, qaboow ayaa bilowday, waxanu maqalnay saxbiibo aanu kaamka daris ku ahayn oo u dhashay Pakistan iyo Sierra Leone ku geeriyoodeen iyaga oo dhex-jiifa teendhada kadib markii uu qaboow baraf ku dul da,ay, caasimada athena ayan iskala qabsanay, waxa meesha jooga muqalasiin kuu sheegaya beeno kala duwan qorshooyin aanu socon karin, inaguna wali dad safar ayaanu nahay waa ku qasbanahay in aan wax dhegadhegeeno oo aan raadino habkii iyo halkan looga sii bixi karo dalkaan gaajada cariigi badan.

Laba bilood iyo xoogaa kadib u soo gudbo dhankaa iyo dwoladaha balkanka oo yurub xaduud la leh, tasoo ugu dambayn ii uragalisay in aan dhankaa iyo Hangry markale kasoo galay xaduuda Europe,

*qaabki safarkayga balkaniska aan kaga soo gudbay ayaan ku xijin doonaa *()().

sawirkani waa xagaagii 2021, dib ayaan ugu laabtay dalka giriiga gaar ahaan caasimada Athena, fasaxayga oo kooban dartiis ayaan go,aansaday bal in aan soo arko mar kale halkii an soo maray, xiiso gaara ayay ii lehayd tagista athena ,waxana halkaasi kusoo arkay soomaali badan kuwaa oo iyaguna soo maraya waddadii an dhowr sano kahor soo maray. qof walba iyo damaciis kartiis iyo didaalkiisa waxan eebe uga baryay in uu dhamaan eebe u fududeeyo safaradooda kala duwan, waxasa aad ula yaabay in dadku aad uga badanyihiin sidii hore, waqtigayagii laamiga Akhirnoon 5 soomaali ah hadii ay kulanto waxa ay ahayd tiro badan, balsa hada marka aad laamiga istaagto waxa aad arkaysa dad soomaali oo raxan raxan isula socda maqayadaha fadhiya kuwa adeeganaya, sidoo kale markani waxa aad u fududaayay in dadku xaafadaha kala duwan guryo ka kireystaan, waxa arkaysa dad boosteejada taagan oo bus raacaya kuwaa oo xafadooda u socda, magaaladii oo camirmatay ayaan tagay iyo ganacsiyadii oo bateen xoriyad fiicanna dadku ku haystaan athena, asxaab badan oo an garanayo halkaa kula kulmay kuwa cusubna waa kusoo bartay, farxad gaara ayay ii ahayd in meeshaa mar kale tago oo an xasuus gooniya nafteyda uga dhigo bal isbedelka dunidu siduu yahay, si nabad ah ayaan uga soo duulay, waxan kusoo laabtay halkaygii iyo noloshaydii caadiga ahayd, farxad badan ayaana kala soo kulmay safarkaygii gaabnaa,

dadka qaarkood ma jecla safarka balsa aniga waxa ay ii tahay farxad in an soo barto dad iyo dhul cusub, xasuus gaarana naftayda u reebo waa ii muhiim,

sixid iyo qoraal ayaa wali ku socda sheekadan.........