Lingua Latina

Cum arti mathematicae operam non do, placet latine discere, legere, scribere ac loqui!

Hic colloquium audire potestis de Cursu Æestivo Latinitatis Vivae Matritensi (sive CÆLUM): https://youtu.be/4ncHOGn15KA

Singuilis hebdomadis docebam linguam latinam parvam discipulorum gregem nisus libro cui titulus Familia Romana.

A.d. III id. Julii «magister» artis mathematicae fui in scholis antiquis Oxonii habitis.

Inspicite paginam amicorum Oxoniensium! https://www.oxfordancientlanguages.com/

De Cartesii Meditationibus

Termine Sancti Hilarii huius anni (sc. MMXXV) Oxoni scholas docui de Cartesii Meditationibus. Ecce parva recensio cum indice textuum:

Cartesii Meditationes de Prima Philosophia pandunt viam qua quisquis suo solo fretus intellectu perveniat ad veritatem. Inclita perlustrabimus argumenta de rationibus dubitandi, de Dei existentia, de natura mentis humanae suaque a corpore distinctione, atque causis errorum et essentia veritatis, ut tandem firma et inconcussa fundamenta locemus cum veterum tum novarum habitarum opinionum.

Septimanis singulis singulas meditationes legemus. Quo penitius consideremus Cartesii rationes et argumenta, interdum locos selectos respiciemus ex objectionibus in Meditationes coniectis, necnon ipsius Cartesii ad eas responsionum. Prorsus, quamque meditationem cum aliis locis conferemus e Sexto Empirico, Augustino Hipponensi, Platone et Aristotele, inter aliis.