Fifth Responsibility Intro - Hidi / Urdu

Musalmano ki aur duniyan key har insanon ki is duniyan main khushali aur Marney key baad ki kamiyabi key liye buniyadi Zimmedariyan kya hain? 

Qudrat ney is duniyan main har insan ko qudrati taur par khushal banaya hai, lekin ye khushali tabhi milti hai jab insan duniyan main khushali key liye qudrat key taraf sey bataye gaye zimmedariyon ko pura karney wala banta hai. Isi liye duniyan key sarey mazaheb aur aqal ki kitabon main in zimmedariyon par bahot zor diya gaya hai.

Is baat ki sachachi yeh hai key sirf islam key paanch satoonon tak mahdud rahney waley musalman hon ya sirf ibadat aur charity tak mahdood rahney waley wale dusrey mazaheb key log hon sabhi key khandan, moashray aur mulkon key khushali kay halat hamarey samney hain. 

Quran aur  duniya ke sarey khas mazaheb aur philosophy, psychology, sociology, science aur aam mantaq ki madad sey bhi Musalmano ya dusrey mazaheb key logon key liye bhi is duniyan main khushali key liye sabhi key buniyadi zimmedariyon ko bahot mokhtasar aur aam zaban main bataya jaye to panch buniyadi Zimmedariyan bantay hain, jinmain panchwi zimmedari sab se aham hai.

Panch zimmedariyon key naam ye hain:

Point 1. Apne banane wale par yaqeen rakhna aur is yaqeen key liye taleem key kaam karna         Point 2. Achchai ki taraf bulana. 

Point 3. Burai sey rokna.      Point 4. Mushkil waqton main ek dusrey ki madad karna. 

Point 5. In charon Zimmedariyon ka mahol  apney ghar, ayeteraf moashrey main aur sari duniyan main bananey key liye, Irada rakhna aur apney wasat key mutabik koshishain kartey rahna. 

Zimmedari no 1 ka talkuq ruh ki khushali sey hai,  aur Zimmedari no. 2, 3, 4 aur 5 key talluq is duniyan main khushali sey hain.

Aksar Insan, musalman hon ya kisi aur mazhab key hon woh Zimmedari no.1 ka hi mahol bana kar is duniya mein khushali talashtey hain jo key namumkin hai, kun key iska sabut hum sabke samne hai.

Ye pach Zimmedariyan khussusan panchwi zimmedari key barey main Quran key ayeton main sey char aham ayetain ye hain: 

1. Khilafat - Surah Al-Baqarah 2:30: "Aur jab tere Rab ne farishton se kaha, 'Beshak main zameen mein aik khaleefa banane wala hoon.”

2. Neki ka hukm aur burai se rokna - Surah Aal-e-Imran 3:110: "Tum behtareen ummat ho jo logon ke liye nikaali gayi hai; tum neki ka hukm dete ho aur burai se rokte ho."

3. Jamat ban kar bhalai karna - Surah Aal-e-Imran 3:104:"Aur tum mein se ek jamaat honi chahiye jo bhalai ki taraf bulaye."

4. Ek dusrey ko haq ki talqeen - Surah Al-Asr 103:1:"Zamane ki qasam, beshak insaan khasare mein hai, siwaye un logon ke jo imaan laye aur nek amal kiye, aur aik dusre ko haq ki talqeen ki aur sabr ki talqeen ki."

Ye hain char aham ayetain waisey to insan ko pahli ayet sey hi apni zimmedari ko samajh lena chahiye is liye key duniyan ka khalifa ka matlab sari duniyan key insan chahey woh kisi bhi mazhab key hon sabhi ki zindagi mei khushali laney key liye bhar pur koshishain karney wala.

Yad rahey mazhab ki sari kitabain sari duniyan key insanon key khushali ki baat kartey hain, chahey insan us mazhab ko maney ya na maney.

Ab Janety hain key:

Kis tarah key Insan in khubiyon ko nahin apna patay hain:

Surah Al-A'raf, 7:179 “Aur jin aur insano mein bohot se aise hain jo dil aur aqal rakhte hue bhi (haq ko) samajhte nahin, aankhon se dekhte hue bhi (haq ko) dekhte nahin aur kaanon se sunte hue bhi (haq ko)  sunte nahin. Yeh log jaanwaron ki tarah hain, balke insey bhi zyada bhatkay hue hain. Yeh log hi asal mein gafil hain.”

Agar koi is halat main hai to unhain jald sey jald issey bahar nikal aana chahiye, kun key ab haq un tak pahunch chuka hai.

Aaj mera in baton ko aap key samney laney ka maqsad ye hai key ham sab jantey hain key ham apney apnon aur payaro ko bebas aur tadapta nahin dekh saktey hain. Is bebasi ki shurat ho chuki hai aur ye har ghar ko dastak dey rahi hai. Yani world war aur Atomic war, iskey ilawa aur bhi tabahi key halat hain. In sab ki wajah hai key ham apney mazhab sey sirf pahli zimmedari ko hi letey hain baqi key charon zimmedariyon ko chor detey hain. 

Yani ham is duniyan ki khilafat ki zimmedari ko chor detey hain. Jab insan ko pahli baar khalifa ki zimmedari di gai thee to is jalan main aakar iblis shaitan ban gaya, agar ham apney is zimmedari ko nahin nibhaye to shaitan jit jayega. Ham har jayengey ham is duniyan main aur marney key baad bhi barbad ho jayengey.

Yaad rahey qudrat key taraf sey insaniyat par jan dey kar app ko sabaq deney waley aap key mazhabi rahnuma aap key liye sirf ukey yaad mananey, ya un jesa libas pahanbey ya unkey naam key julus ya majlis laganey key liye nahin hain. Wo sab ap ko un jesa kaam kaney key liye hain.

Yaad rahey duniyan ka har insan masum paida hota hai aur masum hi hota hai. Ghalat usey shaitan banata hai. Hamain ek dusrey ko isi masumiyat ki nazar sey deikhna chahiye aur aur aur ek dusrey key saath masum bartaw hi karna chahiye. 

Aaiye ham sab milkar is duniyan ka Khalifa honey ki zimmedari ko dilojan sey nibhatey hain, shaitan ko hara kar apney rab key samney surkhuru hotey hain. apsai nafrat ko khatam kartey hain, ek dusrey ko tahey dill sey maf kartey hain, mill jull duniyan main khushali laney waley zimmedariyon apnatey hain. 

Panchwi zimmedari ki shuruat aap apney gharon sey aur apney ibadat key gharon sey karain. rab ki ibat key baad insanitat ki khidmat bhi ibadat hi to hai.

Ab tak main ney jo batain batai In ka tahqeeq karwana aap ka farz hai, ye batain sach niklay aur aap ney in ko apney zindagi ka hissa nahin banaya to aap duniyan main to insaniyat key mujrim banengey hi is key ilawa qayamat key din aap sey bahot sakht sawal ho sakta hai. 

Meri in baton main koi kami hai to baraye maharbani meri rahnumai kijiye.

Aap ka bahot bahot shukriya.