Візітоўка вэб-квэстА
Мэта і задачы вэб-квэста
Мэта - засваенне відаў сінтаксічнай сувязі слоў у словазлучэннях. (кантралюемая самастойная работа па тэме "Віды сінтаксічнай сувязі слоў у словазлучэннях").
Задачы:
1. Умець адрозніваць асноўныя віды сінтаксічнай сувязі слоў у словазлучэннях.
2. Засвоіць разнавіднасці кожнага віду сінтаксічнай сувязі:
- дапасванне: поўнае і няпоўнае;
- кіраванне: прыдзеяслоўнае, прыйменнае, прыадвербіяльнае; прыназоўнікавае і беспрыназоўнікавае; моцнае і слабое;
- прымыканне.
Прадметная галіна і міжпрадметныя сувязі
Прадметная галіна: беларуская мова.
Міжпрадметыя сувязі: руская мова, методыка выкладання беларускай мовы
Узрост удзельнікаў
Студэнты 3 курса педагагічных спецыяльнасцей.
Інтэрактыўная гісторыя
Прывітанне! Я спадар Сінтаксіс. Многа стагоддзяў у маім царстве жывуць мае любімыя Словазлучэнне і Сказ. Ёсць у мяне яшчэ і Свабодная словаформа, і Складанае сінтаксічнае цэлае. Жывуць яны дружна і мірна, сябруюць адзін з адным. Але вось у апошні час сталі мне скардзіцца Словазлучэнні, што пасля таго, як хто-небудзь няправільна з імі абыдзецца (не ў той форме выпіша, памылкова від сінтаксічнай сувязі вызначыць, сінтаксічныя адносіны не ўкажа і г.д.) яны доўга хварэюць, а разам з імі і ўсім астатнім сінтаксічным адзінкам нездаровіцца. Я доўга думаў, што мне рабіць?! І вырашыў звярнуцца да вас за дапамогай! Давайце засвоім віды сінтаксічнай сувязі слоў у словазлучэннях, каб у Словазлучэнняў больш нічога не балела.
Этапы веб-квеста
этап 1. «Трэба разабрацца!»
Заданне на адрозненне відаў сувязі: дапасаванне, кіраванне, прымыканне
Практыкаванне "Пазлы"
Этап 2. «Смачная морква» ці «гора-повар»
Заданне на вызначэнне відаў дапасавання: поўнае і няпоўнае.
Практыкаванне "Знайдзі пару"
Этап 3. «Што трэба? выбірай!»
Заданне на ўменне вызначаць кіраванне прыдзяслоўнае, прыйменнае, прыадвербіяльнае.
Практыкаванне "Сарціроўка малюнкаў"
Этап 4. «весела з хвастом», бо «падарунак сяброў»
Заданне на адрозненне прыназоўнікавага і беспрыназоўнікавага кіравання
Практыкаванне "Устаўце прапушчаныя словы"
ЭТАП 5. «ПАТРЭБНАЕ ЎМЕННЕ! РАЗУМЕЕШ?!»
Заданні на ўменне вызначаць слабое і моцнае кіраванне.
Практыкаванне "Уставіць прапушчаныя словы"
ЭТАП 6. «ДАРУ ДАРАМ!»
Заданні на выдзяленне прымыкання як віду сінтаксічнай сувязі.
Практыкаванне "Храналагічная лінейка"
ЭТАП 7. «СМА-А-А-ЧНЫ ТОРТ!»
Заданні на выдзяленне дапасавання як віду сінтаксічнай сувязі.
Практыкаванне "Віктарына"
ЭТАП 8. «ЛЫЖКА З МЁДАМ »
Заданні на выдзяленне кіравання як віду сінтаксічнай сувязі.
Практыкаванне "Хто хоча стаць мільянерам"
ЭТАП 9. «АСАЛОДА ПЯТАЧКА!»
Заданне на вызначэнне відаў сінтаксічных адносін у словазлучэннях, звязаных пры дапамозе дапасавання, прымыкання, кіравання.
Практыкаванне "Крыжаванка"
ЭТАП 10. «УСЁ РАЗАМ! »
Зборныя заданні на падагульненне таго, што было разгледжана на папярэднік этапах .
Практыкаванне "Крыжаванка"
ЗАКЛЮЧНЫ ЭТАП
Запаўненне анкеты фіналіста.
Неабходныя пачатковыя веды, уменні, навыкі
Удзельнікі вэб-квэста павінны:
Ведаць: асноўныя тэарэтычныя пытанні сінтаксісу як раздзела граматыкі; характэрныя адзнакі і ўласцівасці словазлучэння; віды сінтаксічнай сувязі слоў у словазлучэннях.
Умець характарызаваць: асноўныя адзінкі сінтаксісу; асаблівасці слова, словазлучэння і сказа; асноўныя віды сінтаксічнай сувязі слоў у словазлучэннях і адзначаць іх асаблівасці ў параўнанні з рускай мовай.
Валодаць навыкамі: вылучэння з тэксту асноўных адзінак сінтаксісу; поўнага сінтаксічнага разбору словазлучэнняў; валодання вуснай і пісьмовай формамі літаратурнай мовы; самастойна асэнсоўваць і тлумачыць розныя моўныя з’явы; карыстацца моўнымі сродкамі беларускай мовы ў практычнай дзейнасці.
Матэрыялы, неабходныя для правядзення вэб-квэста
Абсталяванне
Планшэт, ноутбук або камп’ютар.
Праграмнае забеспячэнне
Аперацыйная сістэма Windows 10, праграмы для: кіравання файламі, апрацоўкі тэкстаў, стварэння прэзентацый; кліенцкія праграмы электроннай пошты (e-mail); магчымасць выхаду ў Інтэрнет.
Матэрыялы на друкаванай аснове
Падручнікі і дапаможнікі, якія ўтрымліваюць неабходны матэрыял (тэарэтычны і практычны) па тэме «Даданыя члены сказа».
Іншыя прыналежнасці, калі неабходна
Неабходнасць у іншых прыналежнасцях можа ўзнікнуць у працэсе праходжання вэб-квэста. На дадзеным этапе мы не можам гэтага прадугледзець.
Інфармацыйныя крыніцы ў Інтэрнэце
Паколькі мы толькі распрацоўваем праект, то плануем, што спасылкі на інфармацыйныя крыніцы, будуць з'яўляцца падчас напісання праекта.
Web-сервісы
КРЫНІЦЫ ІНФАРМАЦЫІ
Аўтар вэб-квэста
Лапкоўская Алена Мікалаеўна
Вітаю вас, паважаныя ўдзельнікі вэб-квэста!
Запрашаю на чарговы адукацыйны вэб-квэст. Буду спадзявацца, што вам спадабаецца тое, што я тут прыдумала. Поспехаў!