Mes de abril, concretamente o 26, último venres do mes! E novamente puidemos gozar dunha actuación musical! Nesta ocasión dúas alumnas de 1º de bacharelato, Rita Rogina e Lara Bazar, deleitáronnos coa súa voz, intepretando varios temas. 

Un ano máis tivemos a sorte de poder escoitar a guitarra de Xandre González Pombo, que este 22 de marzo, estivo acompañado por Alex Costa Costa e por Johan Yanez Machado co seu trombón. 

Parabéns aos tres pola boa actuación que nos regalaron!! 

Este curso iniciamos os venres musicais nunha data moi significativa. Hoxe 23 de febreiro, ademais de ser o último venres de mes, tamén conmemoramos o Día de Rosalía de Castro, e contamos coas actuacións de Uxía Blanco e Lucía Sande. Así mesmo, o alumnado de Oratoria recitou varios poemas da nosa escritora.