About Pax عن باكس

Pax مبدأ قبل ما يكون اسم

Pax كلمة لاتينية معناها السلام، والثقة، والهدوء، والنية الطيبة. وإحنا ما اخترناهاش مجرد اسم؛ سمّيناه كده علشان المكان يبقى بيت تلاقي فيه السلام وتقدر تثق فيه.

رؤيتنا

إن عياداتنا تكون إضافة حقيقية ورسالة حقيقية للمجتمع، وإن الناس لما تسمع اسم Pax تعرف إن معناه الجودة والثقة.

رسالتنا

إن المريض يخرج من عندنا أريح وأحسن مما دخل، ومتعامل بكرامة ونية طيبة، وواخد علاج بجودة عالية وشفافية.

بنؤمن بإيه

العلم

كل علاج عندنا مبني على أسس علمية، وبخطة مدروسة من أول يوم. بنبدأ والنهاية في دماغنا، وكل خطوة بتسلّم اللي بعدها.

الوضوح

هتعرف حالتك وخطة علاجك وخطواتها قبل ما نبدأ، وهنقول لك الحقيقة حتى لو مش اللي مستنيها.

التعامل الإنساني

اللي قدامنا إنسان، مش حالة. ومش هنكون حلقة في دايرة تعبك.

الجودة

الجودة حقك، مش ميزة إضافية. وهي اللي بتدّي لشغلانتنا المتعبة معنى، لينا إحنا قبل ما تكون ليك.

الثقة

الثقة مش بتتطلب، بتتكسب: بالصدق، والشفافية، ونفس المستوى في كل فرع ومع كل دكتور.

قصتنا

لما بدأنا Pax، ما كانش هدفنا نفتح عيادة أسنان كمان في السوق. كنا عايزين نعمل حاجة أكبر من إننا نعالج سنان.

إحنا بنقابل كل يوم ناس من كل فئات المجتمع، وكتير منهم جاي شايل تعب يومه كله. فسألنا نفسنا: إزاي يدخل المريض عندنا ويخرج أريح؟

والإجابة كانت في الاسم: بيت، والكل فيه عيلة واحدة، الفريق مع بعض والفريق مع المرضى. ومن أول يوم الفكرة دي كانت ماشية في كل حاجة: إزاي بنستقبلك، وإزاي بنشرح لك، وألوان المكان، والمزيكا اللي بتسمعها، ولحد المتابعة بعد ما تمشي.

النهارده Pax في مدينة نصر، ومصر الجديدة، وحدائق حلوان، والمنشأة في سوهاج، والرسالة في كل فرع واحدة.

About Pax: Pax is Latin for peace, trust, calm and goodwill. Our vision is to be a real addition to our community, a name that stands for quality and trust. Our mission is for every patient to leave more comfortable than they came, treated with dignity and cared for with high quality and transparency. We believe in science, clarity, human care, quality and trust. Today, Pax is in Nasr City, Heliopolis, Hadayek Helwan and El Menshaa (Sohag).

PAX Dental House — We help, we care