Pax Dental House

باكس دينتال هاوس — We help, we care

باكس دينتال هاوس (PAX Dental House): فريق أطباء أسنان بكل التخصصات، في مدينة نصر ومصر الجديدة وحدائق حلوان والمنشأة (سوهاج). رسالتنا خدمة طبية إنسانية مبنية على العلم والثقة وراحة المريض. اسمنا Pax يعني السلام والثقة والهدوء والنية الطيبة، وهدفنا إن عياداتنا تبقى بيت تطمّن فيه.

Pax قبل ما تبقى اسم لينا هي مبدأ، وبيت قبل ما تبقى عيادة. كل تفصيلة عندنا معمولة علشان تريّح المريض، من أول الاستقبال، وأثناء العلاج، لحد المتابعة بعد العلاج.

PAX Dental House is a team of dentists covering all specialties in Nasr City, Heliopolis, Hadayek Helwan and El Menshaa (Sohag). Our mission is humane care built on science, trust and comfort. Pax means peace, trust, calm and goodwill.

الحجز بميعاد مسبق في جميع الفروع: 01222204364 — احجز على واتساب

فروعنا ومواعيدنا

فرع مدينة نصر

العنوان: 4/4 شارع أنور المفتي، الدور الأرضي، خلف طيبة مول، مدينة نصر، القاهرة.
المواعيد: من السبت للخميس، 4 العصر لـ 10 بالليل. الجمعة إجازة.

فرع مصر الجديدة

العنوان: 75 شارع المنتزه، متفرع من ميدان هليوبوليس، النزهة، مصر الجديدة، القاهرة.
المواعيد: من السبت للأربع، 4 العصر لـ 10 بالليل. الخميس والجمعة إجازة.

فرع حدائق حلوان

العنوان: 27 شارع حسن حسني، أمام أولاد رجب، حدائق حلوان، القاهرة.
المواعيد: الأحد والاتنين والتلات والأربع 4 العصر لـ 10 بالليل، الخميس 4 العصر لـ 9 بالليل، السبت 5 العصر لـ 9 بالليل. الجمعة إجازة.

فرع المنشأة – سوهاج

العنوان: شارع سعد زغلول، أمام المحطة، بجوار حلواني لافوار القديم، الدور الأول، المنشأة، سوهاج.
المواعيد: السبت والاتنين والتلات والأربع والخميس، 1 الضهر لـ 9 بالليل. الأحد والجمعة إجازة.

خدماتنا

• زراعة الأسنان (Dental implants): زراعة سنة واحدة أو أكتر، وزراعة الفك الكامل، بخطة واضحة ومتابعة بعد الزراعة.

• الفينير وتصميم الابتسامة (Veneers): فينير كومبوزيت أو إيماكس، بابتسامة طبيعية تناسب ملامح كل مريض.

• علاج العصب والجذور والحالات المعقّدة (Advanced root canal): إعادة علاج الجذور والحالات اللي اتقال عليها «لازم تتخلع».

• التركيبات والجسور والكراونز (Crowns & bridges)

• تقويم الأسنان (Orthodontics): التقويم الثابت والتقويم الشفاف، للكبار والأطفال.

• طب أسنان الأطفال (Pediatric dentistry): في جو هادي يطمّن الطفل والأهل.

• تبييض الأسنان، الحشو التجميلي، تنظيف الجير والتلميع، وخلع ضرس العقل.

طرق الدفع: كاش، فيزا/ماستركارد، إنستاباي.

أسئلة بتتسأل كتير

الزراعة بتاخد وقت قد إيه؟

غالباً الزرعة محتاجة من 3 لـ 6 شهور علشان تثبت في العضم قبل التركيبة النهائية، وفي حالات ينفع فيها تركيبة مؤقتة في نفس اليوم. المدة بتتحدد بعد الكشف والأشعة.

لو الفك كله من غير أسنان، ينفع أركّب أسنان ثابتة بدل الطقم؟

في حالات كتير أيوه. بنعمل تركيبة ثابتة للفك كله على عدد من الزرعات، وفي حالات ينفع تركيبة مؤقتة ثابتة في نفس اليوم. عدد الزرعات ونوع التركيبة بيتحددوا بعد الأشعة المقطعية وتقييم العضم.

إيه الفرق بين الحشو التجميلي والفينير الكومبوزيت والفينير الإيماكس؟

الحشو التجميلي بيصلّح جزء من السنة (تسوّس، كسر صغير، فراغ بين سنتين) بلون السنة نفسها. الفينير الكومبوزيت (Direct) بيتعمل على السنة مباشرة وغالباً في جلسة واحدة، تكلفته أقل وسهل يتصلّح، بس محتاج تلميع ومتابعة لأن لونه ممكن يتأثر مع الوقت. الفينير الإيماكس (Indirect) قشرة سيراميك بتتعمل في المعمل في جلستين أو أكتر، لونها ولمعتها أثبت وعمرها أطول. الدكتور بيساعدك تختار حسب حالة أسنانك والنتيجة اللي عايزها.

التقويم الشفاف بيبان؟ ومناسب لمين؟

التقويم الشفاف طبقات شفافة تقريباً مش باينة، بتتشال وقت الأكل والتنظيف وبتتغيّر كل فترة. بيناسب حالات كتير عند الكبار والمراهقين، بس محتاج التزام بلبسه أغلب اليوم. الدكتور بيقولك بعد الكشف هل حالتك مناسبة للشفاف ولا التقويم الثابت أنسب.

سنة عاملة حشو عصب قبل كده وبايظ أو فيه أداة مكسورة، لازم تتخلع؟

مش دايماً. إعادة علاج الجذور بنعملها في كل فروعنا، وفي حالات كتير بتنقذ السنة من الخلع. ومع التخدير الكويس معظم المرضى بيحسوا بضغط خفيف بس مش بألم. ولو فيه أداة أو إبرة مكسورة جوه القناة، الحالات دي بنعملها في فرع مدينة نصر بالميكروسكوب الجراحي، علشان نطلّع الأداة أو نعدّي جنبها ونحافظ على السنة. القرار بيتاخد بعد الكشف والأشعة، ولو السنة مش هتستحمل هنقولك بصراحة.

هل كل التخصصات موجودة في كل الفروع؟

أيوه، كل التخصصات موجودة في كل فروعنا.

تابعنا: Facebook · Instagram