ORL&Audio Clinic - Aparate dëgjimi

Pas disa specializimeve të stafit tonë në fushën e audiologjisë dhe audioprotezimit, në bashkëpunim me Kasapoglou Group- Hearing Center, ofrojmë aparatet e dëgjimit të markës së mirënjohur Daneze “GN Resound”, edhe në klinikën Ilmedica, me një rrjet të mirëorganizuar.

Shërbimi i Klinikës sonë konsiston përveçse në ofrimin e aparatit më cilësor në treg, edhe në ofrimin e vizitës mjekësore që lidhet me nevojën për aparat dëgjimi, si para ashtu edhe pas vendosjes së aparatit.

Ilmedica është çdo ditë në dispozicion të klientit me qëllim zgjidhjen më oportune të problemit tuaj.

SHËRBIMET PËR APARATET E DËGJIMIT

Për vendosjen e aparatit të dëgjimit ndiqen këto hapa:

BËHET VIZITA MJEKËSORE.

Mjeku specialist ORL Ilia Llapushi, përcakton domosdoshmërinë e vendosjes së aparatit të dëgjimit nëse kjo shihet si e vetmja rrugë për të rikthyer dëgjimin.

Pastaj bëhet audiometria për të përcaktuar nivelin e dëgjimit si edhe matje të tjera dëgjimi, nqs janë të nevojshme.

Gjatë kësaj kohe bëhet edhe pastrimi i veshit, i cili në klinikën tonë bëhet me aspirim me mikroskop, dhe jo me metodën tradicionale të lavazhit.

PËRCAKTOHET MODELI I APARATIT TË DËGJIMIT

Aparati i dëgjimit përcaktohet në varësi të rënies së dëgjimit dhe modelit që zgjedh përdoruesi.

MERRET MASA E VESHIT.

Për modelet pas veshit, pjesa që lidh aparatin e dëgjimit me veshin prodhohet në laboratorin tonë edhe brënda ditës, kurse për modelet brënda veshit, aparati i dëgjimit është gati për 2-3 javë.

PROGRAMIMI I APARATIT TË DËGJIMIT

Programimi i aparatit të dëgjimit bëhet në prani të përdoruesit dhe programohet live me programet e kompanisë GN Resound, ku bëhet përshtatja e nevojave të secilit përdorues në varësi të kërkesave dhe mënyrës së përdorimit.

Aparati i dëgjimit shoqërohet me kartën e garancisë nga Kompania GN Resound, veglat e pastrimit, një pako bateri si dhe manuali i përdorimit.

RIKONTROLL PAS 2 JAVËSH DHE PAS 1 MUAJI

Rekomandohet që pas një periudhe fillimisht 2 javore e më pas 1 mujore të bëhet ritakimi në Klinikën Ilmedica, për një përshtatje sa më të saktë dhe për të dëgjuar sugjerimet e përdoruesit.

Periudha njëmujore është e mjaftueshme që përdoruesi të përshtatet me tingujt e rinj.

kopraci ilmedica1.mp4