ONNO - máhttu oidnosii, oaidnemeahttun máhttun lea oahpahusdoaimma ja árrabajásgeassinbargiid skuvlenprošeakta 2021, man ruhtada Oahpahusráđđehus. Prošeakta álggahuvvui giđđat 2021 ja nohká juovlamánus 2022. Prošeaktaguovlun leat Lappi ja Meri-Pohjola instituhttaguovllut ja maiddái Järvi-Saimaa álbmotallaskuvlla ja Sipoo instituhta doaibmanguovllut.

Prošeakta ollašuhttá eallinagi oahppama strategiija. Dan mielde buot eallinbálgá áigge háhkkojuvvon máhtu galgá loktet virggálaš oahppanbohtosiid báldii. Háhkkojuvvon máhtu buktin oidnosii lea boahtteáigge ain dehálut, vai dan sáhttá atnit ávkin sihke bargoeallima ja maiddái maŋit oahpuid ja barggu oažžuma dáfus.

Skuvlejumit lágiduvvojit iešguđet guhkkosaš skuvlenollislašvuohtan, mat čohkiidit logaldallamiin, ovddidandoaimmain ja ovttas bargamiin. Skuvlejumit ja bargobájit lágiduvvojit eanaš gáiddusoktavuođaiguin. Skuvlejumi giellan lea suoma ja ruoŧagiella ja sámegielat instituhtaide sáhttá dárbbu mielde lágidit skuvlejumiid maiddái iežas eatnigillii. Prošeavtta áigge veardásašskuvlejeaddjit plánejit ovttas instituhtaid ávnnasoahpaheddjiiguin máhttinvuđot kursagovvidemiid. Dán lassin instituhtain lágiduvvojit dilálašvuođat ja deaivvadeamit, vai máhttinvuđotvuohta šaddá oahppáseabbon.

Prošeavtta ulbmilin lea ovddidit oahpaheddjiid ja studeanttaid máhttinvuđotvuohtajurddašeami nu, ahte instituhtain háhkkojuvvon máhttu fuomášuvvo, dovddastuvvo ja dan sáhttá maiddái sirdit oahpporegistarii KOSKI-diehtovuorkái. Dán lassin máhtu sáhttá čájehit oahppanmearkkaiguin dahje hutkat ieš juoga vuogi čájehit iežas máhtu. Friddja čuvgehusbarggu oahpuin sirdašuvvat oahppoávdnasii ja oahpahussii vuođđuduvvi pedagogihkas albma máhtu fuomášeapmái ja dovddasteapmái. Dán lassin addit vejolašvuođa studeantta eallinagi ovdáneapmái.