Os bolseiros deben ser conscientes da importancia de Exipto no mundo actual e para iso deben coñecer mellor a súa situación no mundo, as súas costumes, a súa forma de vida... E que mellor que facelo nunha das linguas que se fala no país: o francés. Por iso, foi a Sección de Francés da Dirección Xeral de Idiomas quen traballou con eles todos estes aspectos para achegalos á realidade cultural desta nación que se asenta á beira do Nilo.

Unha das accións levadas a cabo polos bolseiros do Ministerio para protexer á faraona Hatseput, foi a de infiltrarse entre a clase sacerdotal do antigo Exipto; para iso tiveron que facer unha exhaustiva investigación sobre as divinidades ás que adoraban nese momento na beira do Nilo. A sección de inglés da Xefatura de Temporal Foreing Affairs foi a encargada desta tarefa.

Despois desta experiencia, no Ministerio do Tempo decidiuse facer unha labor de prevención deste tipo de delitos contra mulleres que acadaron postos sociais de relevancia ó longo da historia. Con esta finalidade, a Dirección Xeral de Xeografía e Historia encargoulles ós bolseiros a identificación destas importantes mulleres, o cal lograron facer dunha forma máis que satisfactoria.