1348
Rescatar a Isabel II
Antimonárquicos de principios do século XX infiltrados entre o persoal do Ministerio do Tempo, conseguen secuestrar á futura raíña de España, Isabel II con só 3 aniños de idade. Deciden escondela no século XIV, concretamente no ano 1348, cando a peste bubónica está a dezmar a poboación española. A súa intención é que a nena se contaxie e morra, non puidendo suceder ó seu pai no trono e facilitando o acceso dos republicanos ó goberno. Os bolseiros deben atopala antes de que esto ocorra; de non ser así, a historia moderna do noso país sufriría importantes modificacións con imprevisibles consecuencias.
Os bolseiros chegaron ó ano 1348 en busca da raíña secuestrada. Para comezar a pescuda centraron os seus esforzos nos principais edificios do momento, é dicir, as catedrais. Estas inmensas construcións góticas antóxanse do máis apropiadas para agochar a alguén nos seus adentros e por iso é fundamental para a misión coñecer a fondo estes preciosos legados da Idade Media da man da Direción Xeral de Xeografía e Historia.
Unha vez localizada á princesa, os bolseiros do Ministerio do Tempo deben traela á época actual e ocultala durante o tempo necesario ata que o perigo desapareza. Para iso, os nosos eficaces traballadores, fixeron un minucioso estudo da contorna da sede do Ministerio, na vila de Guitiriz, e propoñen unha variada coleción de posibles escondites xunto con varias rutas seguras para chegar desde o Ministerio.
O traballo minucioso e metódico dos bolseiros do Ministerio permitiu que a princesa Isabel puidese regresar sá e salva ó século XIX para que desenvolvemento dos acontecementos históricos prosigan o seu curso. Os protagonistas están máis que satisfeitos, pero a visita ó ano 1348 non os deixou impasibles e, á volta desta dura misión, fixeron unha serie de interesantes reflexións acerca das semellanzas e diferencias entre a peste que asolaba á sociedade nesa época, e a COVID que estamos a vivir na sociedade actual. Os bolseiros toman consciencia do importante que é coñecer o pasado para aprender dos erros e non repetilos no presente e futuro.
A peste negra e o coronavirus teñen varias cousas en común. Ambos teñen a súa orixe en China e ambos proveñen de animais (a peste de ratas e o CoV de morcegos) que contaxiaron persoas. Isto favoreceu que as persoas que viviron e viven estas pandemias actúen de xeito similar. Ambas pandemias se extenderon por todo o mundo debido á infuencia de viaxes de persoas e mercancías, pero todoo que se estendeu a Peste Negra durante anos, fíxoo o CoV en tan só uns meses. Tamén teñen síntomas en común como a febre elevada e a dor muscular. As dúas teñen unha alta taxa de mortalidade, e as dúas teñen un período de incubación duns 12-15 días, pero a peste podía chegar a matar ós 5 días e o CoV, no caso de presentar síntomas, móstranse ós 5 días (pero non mata tan axiña).
Anxo Miraz
A peste negra foi unha das enfermidades máis letais da historia. Sobre todo porque entrou nunha época de decadencia e pobreza, polo tanto, foi moito máis devastadora. E por suposto, xa que esta pandemia apareceu fai tanto tempo, a medicina estaba moitísimo menos avanzada e non había ningún tipo de cura. En cambio coa COVID-19, está afectando a todo o mundo, nalgúns países máis que noutros, pero, por sorte, a medicina está moi avanzada e a vacina para este virus descubriuse moi rápido grazas ós científicos de todo o mundo.
Teresa Lorenzo
Moitas das medidas que están tomando fronte a pandemia na actualidade tamén se tomaron neste período histórico, como as corentenas, os peches das cidades e a distancia social, así como a utilización de máscaras.
Gabriel Lorenzo e Daniel Morandeira
En moitos reinos os xudeus foron acusados de causar a pandemia envelenando as augas dos pozos, por iso foron perseguidos e expulsados de moitas cidades. Isto fainos pensar en que o coronavirus, do mesmo xeito que esperta a solidaridade coa xente, tamén esperta odios, fobias e racismo.
Paula Rodríguez