Unha misión como esta require dunha excelente forma física, e por iso os/as bolseiros/as do Ministerio recibiron un curso que os preparou física e mentalmente (“Mens sana in corpore sano”) para enfrentarse ós terroristas rusos. No curso aprenderon estiramentos musculares, para non correr o risco de sufrir unha lesión muscular que os deixe fóra de xogo e lles poida custar incluso a vida.

A Dirección Xeral de Actividade Físico Deportiva brindaralles axuda para realizar ditos estiramentos correctamente.

Por outra banda, antes de actuar, os bolseiros informáronse do que consistiu esta misión tan importante para humanidade, tanto dende o punto de vista científico, como social e político. Os nosos bolseiros elaboraron uns completísimos informes sobre a misión Apolo 11 baixo a supervisión da Sección de Galego da Xefatura de Idiomas.

Por encargo do Departamento de 'Temporal Foreing Affairs' os bolseiros empapáronse de historia e fixeron unha excelente crónica dos feitos acontecidos durante ese ano 1969 e da xira mundial que posteriormente realizaron os seus protagonistas dando conta da súa heroica fazaña.

Entre as accións levadas a cabo polos terroristas rusos para sabotear a misión espacial, foi a de roubar importante documentación relativa á mesma. Algúns deste documentos tiñan información sobre as propiedades de numerosos materiais que se empregan para a construcción de naves espaciais e traxes para astronautas.

O Departamento de Física e Química convoca ós bolseiros de novo para elaborar un novo informe de materiais para substituir o roubado e permitir que a misión Apolo XI se desenvolva con normalidade.