მუხლი 1. ზოგადი დებულებები

1. არასამეწარმეო (არაკომერციულ) იურიდიულ პირი არის საქართველოს სამოქალაქო კოდექსის შესაბამისად შექმნილი იურიდიული პირი (შემდგომ - ორგანიზაცია), რომელიც მოქმედებს საქართველოს კონსტიტუციის, კანონმდებლობისა და ამ წესდების შესაბამისად.

2. ეს წესდება წარნიადგებს ირგაბუზაცუუს დანფყძბებეკთა შირუს დადებყკუ სადანფყძბებკი შეთაბხნებუს ბაწუკსმ რინეკუც გამოხატავს მათ ურთიერთთანმხვედრ ნებას და სავალდებულო ძალის მქონეა დამფუძნებლებისთვის.

3. ორგანიზაცია წარმოშობილად ითვლება და იურიდიული პირის სტატუსს იძენს მეწარმეთა და არასამეწარმეო (არაკომერციული) იურიდიული პირების რეესტრში რეგისტრაციის მომენტიდან

4. ორგანიზაცია თავისი  ხელმძღვანელობისა და წარმომადგენლობითი უფლებამოსილების მქონე პირის (პირების) მდგომარეობისაგან დამოუკიდებელია. ორგანიზაციის პასუხისმგებლობა კრედიტორების წინაშე შემოიფარგლება მთელი თავისი ქონებით.

5.  ორგანიზაციის ვალდებულებებისათვის მისი დამფუძნებელი, ხელმძღვანელობისა და წარმომადგენლობაზე უფლებამოსილი პირი (პირები) პასუხს არ აგებენ.

6. ორგანიზაცია პასუხს არ აგებს თავისი დამფუძნებლების, ხელმძღვანელობასა და წარმომადგენლობაზე უფლებამოსილი პირის (პირების) ვალდებულებებისთვის.

7. ორგანიზაციის მიზანია არასამეწარმეო (არაკომერციული) საქმიანობა, ამავდროულად ის უფლებამოსილია ეწეოდეს დამხმარე ხასიათის სამეწარმეო საქმიანობას, რომლიდან მიღებული მოგებაც უნდა მოხმარდეს მისი მიზნების რეალიზებას. ასეთი საქმიანობის შედეგად მიღებული მოგების განაწილება ორგანიზაციის დამფუძნებლებს, შემომწირველებს, აგრეთვე, ხელმძღვანელობასა და წარმომადგენლობაზე უფლებამოსილპირებს შორის დაუშვებელია. ორგანიზაცია უფლებამოსილია მისი საქმიანობის განსახორციელებლად შეიძინოს/მიიღოს მატერიალური და არამატერიალური ქონება, მათ შორის, შემოწირულობები.

8. ორგანიზაციის საკუთრებაში არსებული ქონების გასხვისება შესაძლებელია, თუ გასხვისება ემსახურება ორგანიზაციის საქმიანობას, მის ორგანიზაციულ განვითარებას, ხელს უწყობს მისი მიზნების განხორციელებას ან ემსახურება საქველმოქმედო მიზნებს.

9. ორგანიზაციას თავისი მიზნების მისაღწევად უფლება აქვს განახორციელოს კანონით აუკრძალავი ნებისმიერი საქმიანობა, მიუხედავად იმისა, არის თუ არა ეს საქმიანობა წინამდებარე წედებით გათვალისწინებული.

10. ორგანიზაციის მიმარ ვრცელდება „მეწარმეთა შესახებ“ საქართველოს კანონის მე-17 მუხლით საქმიანი წერილისა და ვებგვერდისთვის დადგენილი წესები.

მუხლი 2. დამფუძნებელთა მიერ ორგანიზაციის მართვა

1. ორგანიზაციის უმაღლეს მმართველობით ორგანოს წარმოადგენს დამფუძნებელთა საერთო კრება (შემდგომ − საერთო კრება). საერთო კრება (მორიგი საერთო კრება) ტარდება წელიწადში ერთხელ მაინც, რომელზეც განიხილება წლიური შედეგები და დღის წესრიგით  გათვალისწინებული საკითხები. სხვა შემთხვევებში ტარდება რიგგარეშე საერთო კრება.

2. საერთო კრების მოწვევის უფლება აქვთ როგორც საერთო კრების ერთ ან რამდენიმე წევრს, ისე ორგანიზაციის ხელმძღვანელობასა და წარმომადგენლობაზე უფლებამოსილ პირს/პირებს. საერთო კრება გადაწყვეტილებაუნარიანია, თუ მას ესწრება საერთო კრების სრული შემადგენლობის ნახევარზე მეტი. კრებაზე გადაწყვეტილება მიღებულად ჩაითვლება, თუ განსახილველ საკითხს მხარს დაუჭერს დამსწრეთა ნახევარზე მეტი.

3. საერთო კრება ტარდება მისი მოწვევის შესახებ შეტყობინების გამოქვეყნებიდან ან წევრთათვის მოსაწვევის გაგზავნიდან სულ ცოტა 14 დღის შემდეგ. მოსაწვევის გაგზავნა შესაძლებელია დაზღვეული წერილით ან კომუნიკაციის სხვა საშუალებით, რომელიც იძლევა ადრესატის მიერ ინფორმაციის მიღების დადასტურების საშუალებას. საერთო კრების მოწვევის შესახებ შეტყობინების გამოქვეყნებად მიიჩნევა საერთო კრების მოწვევის თაობაზე ინფორმაციის ერთიანი ელექტრონული პორტალის სუბიექტის ავტორიზებული მომხმარებლის გვერდზე (ელექტრონულ მისამართზე) განთავსება. მოსაწვევი უნდა შეიცავდეს საერთო კრების დღის წესრიგს. მოწვევის მიღებიდან 3 დღის ვადაში საერთო კრების წევრებს შეუძლიათ დღის წესრიგში დამატებების შეტანა. საერთო კრების ჩატარების ადგილი და დრო გაუმართლებლად არ უნდა ზღუდავდეს დამფუძნებელთა კრებაში მონაწილეობის უფლებას.

4. თუ საერთო კრებას ყველა დამფუძნებელი ესწრება და ისინი თანახმა არიან საერთო კრების ჩატარებასა და გადაწყვეტილების მიღებაზე, საერთო კრების ჩატარება შესაძლებელია იმ შემთხვევაშიც, თუ საერთო კრების მოწვევის კანონით ან/და ამ წესდებით დადგენილი წესები არ იქნა დაცული. დამფუძნებლის თანხმობად მიიჩნევა, თუ იგი არ მოითხოვს საერთო კრების სხვა დროს ჩატარებას მისი მოწვევის პროცედურის დარღვევის გამო.

5. საერთო კრების სათანადოდ მოწვევასა და ჩატარებაზე პასუხისმგებელია საერთო კრების მომწვევი პირი/პირები. საერთო კრების მიერ თავისი კომპეტენციის ფარგლებში მიღებული გადაწყვეტილების შესრულება სავალდებულოა ორგანიზაციის ყველა დამფუძნებლისა და მმართველობითი ორგანოსათვის. საერთო კრება გადაწყვეტილებას იღებს იმ საკითხზე, რომელიც წესდებით საერთო კრების უფლებამოსილებას განეკუთვნება.

6. საერთო კრების თავმჯდომარის არჩევამდე ან იმ შემთხვევაში, თუ საერთო კრების თავმჯდომარე არ იქნა არჩეული, კრებას თავმჯდომარეობს მისი მომწვევი პირი ან ორგანიზაციის ხელმძღვანელი.

7. საერთო კრება ირჩევს საერთო კრების თავმჯდომარეს კრებაზე დამსწრე დამფუძნებელთა ხმათა უმრავლესობით. საერთო კრების მიმდინარეობას ხელმძღვანელობს, ოქმს ადგენს და ხელს აწერს საერთო კრების თავმჯდომარე, ხოლო ამ მუხლის მე-6 პუნქტით გათვალისწინებულ შემთხვევაში − შესაბამისი პირი.

8. საერთო კრების ოქმში უნდა აღინიშნოს:

   • ორგანიზაციის საფირმო სახელწოდება და საიდენტიფიკაციო ნომერი;

   • საერთო კრების ჩატარების ადგილი და თარიღი;

   • მითითება საერთო კრების მოწვევის პროცედურის დაცვასა და ამ კრების გადაწყვეტილებაუნარიანობაზე;

   • საერთო კრების თავმჯდომარის საიდენტიფიკაციო მონაცემები;

   • საერთო კრების დღის წესრიგი, საერთო კრების გადაწყვეტილება, კენჭისყრის შედეგების მითითებით.

9. თუ ორგანიზაციას ერთი დამფუძნებელი ჰყავს, დამფუძნებელთა საერთო კრების უფლებამოსილებას ის ახორციელებს. ამგვარი უფლებამოსილების ფარგლებში მიღებული გადაწყვეტილება წერილობით ფორმდება.

10. დამფუძნებელთა კრების კომპეტენციას განეკუთვნება შემდეგი საკითხები:

    • ორგანიზაციის მიზნებიდან გამომდინარე, ორგანიზაციის საქმიანობის შესახებ გადაწყვეტილების მიღება;

    • ორგანიზაციის მიერ ვალდებულების აღება, ქონების შეძენა/გასხვისება/უფლებრივად დატვირთვა;

    • ორგანიზაციის გაწევრიანება სხვა იურიდიულ პირებში ან მისი პარტნიორად/დამფუძნებლად შესვლა;

    • ორგანიზაციის წესდებაში ცვლილება/წესდების ახალი რედაქციის მიღება, შინაგანაწესის დამტკიცება;

    • ორგანიზაციის ხელმძღვანელობაზე/წარმომადგენლობაზე უფლებამოსილი პირის დანიშვნა;

    • ორგანიზაციის და მის მიერ დაფუძნებული იურიდიული პირების  რეორგანიზაცია/ლიკვიდაცია.

მუხლი 3. ორგანიზაციის ხელმძღვანელობა/წარმომადგენლობა

1. ორგანიზაციის ხელმძღვანელობასა და წარმომადგენლობაზე უფლებამოსილი პირია დირექტორი. დირექტორი დამფუძნებლის/დამფუძნებელთა კრების მიერ ინიშნება არაუმეტეს 3 წლის ვადით, ხელახლა დანიშვნის უფლებით. თუ ამ ვადის ამოწურვის შემდეგ კანონით დადგენილი წესით არ განხორციელდება მისი უფლებამოსილების ახალი ვადის ან ხელმძღვანელობასა და წარმომადგენლობაზე უფლებამოსილი პირის ცვლილების რეგისტრაცია, რეგისტრირებული დირექტორის უფლებამოსილება განუსაზღვრელი ვადით გაგრძელებულად მიიჩნევა.

2. ხელმძღვანელობითი უფლებამოსილება გულისხმობს უფლებამოსილების ფარგლებში ორგანიზაციის სახელით გადაწყვეტილებების მიღებას. დირექტორი თავის ხელმძღვანელობით უფლებამოსილებას ახორციელებს  მოქმედი კანონმდებლობის, ამ წესდებისა და შინაგანაწესის (ასეთის არსებობის შემთხვევაში) შესაბამისად.

3. წარმომადგენლობითი უფლებამოსილება გულისხმობს ორგანიზაციის სახელით გამოსვლას მესამე პირებთან ურთიერთობაში. დირექტორს აქვს ერთპიროვნული წარმომადგენლობითი უფლებამოსილება. ამასთან, თუ ორგანიზაციას ერთზე მეტი დირექტორი ჰყავს, ისინი წარმომადგენლობით უფლებამოსილებას ახორციელებენ სადამფუძნებლო შეთანხმებით განსაზღვრული წესის შესაბამისად.

4. უფლებამოსილების ფარგლებში დირექტორს აქვს უფლება ორგანიზაციის სახელით დადოს გარიგებები, აწარმოოს მოლაპარაკებები, გამოვიდეს სასამართლოში მოსარჩელედ/მოპასუხედ, მიიღოს ორგანიზაციაში თანამშრომლები, გააფორმოს მათთან ხელშეკრულება და გადაწყვიტოს საკადრო საკითხები. დირექტორი უფლებამოსილია განახორციელოს მხოლოდ ის მოქმედება, რომელიც ემსახურება ორგანიზაციის მიზნებს და არ აყენებს მას ზიანს. იგი ვალდებულია ორგანიზაციის საქმეებს გაუძღვეს მართლზომიერად და კეთილსინდისიერად. ამ მოვალეობის შეუსრულებლობის შემთხვევაში, დირექტორი არასამეწარმეო (არაკომერციული) იურიდიული პირის წინაშე პასუხისმგებელია წარმოშობილი ზიანისათვის. ზიანის ანაზღაურების მოთხოვნაზე უარის თქმა ბათილია, თუ ეს აუცილებელია მესამე პირთა მოთხოვნების დასაკმაყოფილებლად. დირექტორის ხელმძღვანელობითი უფლებამოსილება შეიძლება შეიზღუდოს სადამფუძნებლო შეთანხმებით.

5. დამფუძნებელს/დამფუძნებელთა საერთო კრებას შეუძლია ნებისმიერ დროს გაათავისუფლოს დირექტორი თანამდებობიდან შესაბამისი საფუძვლის მითითების გარეშე.  

6. დირექტორს უფლება აქვს გადადგეს თანამდებობიდან. ამ შემთხვევაში, დირექტორი  ვალდებულია დაიცვას ორგანიზაციასთან დადებული სასამსახურო ხელშეკრულებითა და მოქმედი კანონმდებლობით განსაზღვრული მოთხოვნები და პროცედურები.

7. დირექტორი ვალდებულია წელიწადში ერთხელ დამფუძნებელს/დამფუძნებელთა საერთო კრებას წარუდგინოს ორგანიზაციის საქმიანობის ანგარიში.

მუხლი 4. ორგანიზაციის სამართველბრივი ფორმის შეცვლა, რეორგანიზაცია, შერწყმა და ლიკვიდაცია

1. ორგანიზაციის სამართლებრივი ფორმის შეცვლა დაუშვებელია, გარდა იმ შემთხვევისა, როდესაც სამართლებრივი ფორმის შეცვლით იგი საჯარო სამართლის იურიდიულ პირად გარდაიქმნება.

2. ორგანიზაციის გაყოფა (დაყოფა, გამოყოფა), შერწყმა (გაერთიანება, მიერთება) და ლიკვიდაცია ხორციელდება მეწარმე სუბიექტის ლიკვიდაციისათვის/რეორგანიზაციისათვის საქართველოს კანონმდებლობით დადგენილი წესით.

3. ორგანიზაციის რეორგანიზაციისა და ლიკვიდაციის, ასევე, ლიკვიდატორის დანიშვნის შესახებ გადაწყვეტილებას იღებს დამფუძნებელი/დამფუძნებელთა საერთო კრება.

4. ლიკვიდაციის დროს უნდა დასრულდეს მიმდინარე საქმეები, დადგინდეს კრედიტორთა მოთხოვნები, დარჩენილი ქონება გამოიხატოს ფულში, დაკმაყოფილდნენ კრედიტორები და დარჩენილი ქონება გაუნაწილდეს დამფუძნებლის/დამფუძნებელთა საერთო კრების მიერ განსაზღვრულ ლიკვიდაციის შედეგად დარჩენილი ქონების მიღებაზე  უფლებამოსილ პირებს.

5. გადაწყვეტილება ორგანიზაციის ლიკვიდაციის პროცესის დაწყების შესახებ უნდა დარეგისტრირდეს მეწარმეთა და არასამეწარმეო (არაკომერციული) იურიდიული პირების რეესტრში. ლიკვიდაციის პროცესი დაწყებულად ითვლება ორგანიზაციის ლიკვიდაციის დაწყების შესახებ ინფორმაციის რეესტრში რეგისტრაციის მომენტიდან.

6. ლიკვიდაციის შედეგად დარჩენილი ქონების მიღებაზე უფლებამოსილ პირებს განსაზღვრავს საერთო კრება. ორგანიზაციის ლიკვიდაციისას ქონების გასხვისება შესაძლებელია, თუ:

   • იგი ხელს შეუწყობს მის მიერ დასახული მიზნების განხორციელებას;

   • იგი ემსახურება საქველმოქმედო მიზნებს;

   • ქონება გადაეცემა სხვა არასამეწარმეო (არაკომერციულ) იურიდიულ პირს.

7. აკრძალულია ლიკვიდაციის შედეგად დარჩენილი ქონების განაწილება დამფუძნებლებს, ხელმძღვანელობასა და წარმომადგენლობაზე უფლებამოსილ პირებს შორის.

8. თუ დამფუძნებელმა/დამფუძნებელთა საერთო კრებამ არ განსაზღვრა ლიკვიდაციის შედეგად დარჩენილი ქონების მიღებაზე უფლებამოსილი პირი, სასამართლო ორგანიზაციის ლიკვიდაციის შედეგად დარჩენილ ქონებას გადასცემს შესაბამისად ერთ ან რამდენიმე არასამეწარმეო (არაკომერციულ) იურიდიულ პირს, რომლებსაც აქვთ იგივე ან მსგავსი მიზნები, როგორიც ლიკვიდირებულ ორგანიზაციას. თუ ასეთი არასამეწარმეო (არაკომერციული) იურიდიული პირი არ არსებობს ან შეუძლებელია მისი გამოვლენა, შეიძლება მიღებულ იქნეს გადაწყვეტილება ამ ქონების სახელმწიფოსათვის გადაცემის შესახებ. სასამართლომ ქონება შეიძლება გაანაწილოს ლიკვიდაციის პროცესის დაწყების რეგისტრაციიდან 6 თვის შემდეგ.

9. სისხლის სამართლის საქმეზე კანონიერ ძალაში შესული სასამართლოს გამამტყუნებელი განაჩენის საფუძველზე ორგანიზაციის ლიკვიდაციას ახორციელებს (ახორციელებენ) სასამართლოს მიერ დანიშნული ლიკვიდატორი (ლიკვიდატორები). აკრძალულია ორგანიზაციის მიმართ სალიკვიდაციო და რეორგანიზაციასთან დაკავშირებული პროცედურების განხორციელება მის მიმართ სისხლის სამართლის საქმის წარმოების დაწყების მომენტიდან სასამართლოს გამამტყუნებელი განაჩენის კანონიერ ძალაში შესვლამდე ან სისხლის სამართლის საქმის წარმოების შეწყვეტამდე.

მუხლი 5. დასკვნითი დებულებები

1. ამ წესდების რომელიმე დებულების ბგათილად ცნობა გავლენას არ მოახდენს წედების სხვა დებულებების ნამდვილობაზე.

სადამფუძნებლო შეთანხმება

(არასამეწარმეო (არაკომერციული) იურიდიული პირის სარეგისტრაციო მონაცემები/სარეგისტრაციო განაცხადი)