(14)

قلت ليه يابه انت عارفني انا م قاعده افكر في الكلام د هسي و عايز اخلص قرايتي طوالي دموعي نزلت 😭😭😭اتخيلتها انه معتز خلاص ح ابعد منه😭😭قال لي ي بت كدي قولي بسم لله هسي في زول جبرك علي حاجه و حضني😭💔امي قالت لي والله م في زول خاربك غير ابوك هسي مصعب د عيبيه لي زول شاريك و دايرك و زول كويس واهلو ناس بلد و بنعرفهم😏 ابوي قال ليها فوزيه خلي البت دي م تضغطي عليها بسمه جات داخله قالت لي مصعب ي يمه مصعب السرور😍 عرسي و اتخارجي ساي فنيتها ب سنفجه😡 قلت ليها عرسي انتي😏

في نفس اليوم بالليل كنت بتكلم مع معتز قال لي نسومتي حبيييتي😍صوتك م عاجبني😢مالك قلت ليه حبييو م في حاجه😭وانا قلبي متقطع بديت افكر ي داب ممكن في يوم انجبر اعرس😭و ابعد من معتز قلت ليه وزتي اوعك تخلييني يوم😭😢💔 قال لي بسم لله د كلام شنو ده😳انا موستحيل ي بعدني منك غير الموت 💔 قلت ليه توف من خشمك بعد الشر عليك💔😢 قال لي حبييبتي انا يا ناس😍ربنا يخليك لي و م يحرمني يا رب😍ولا منك😘

الاجازه خلصت و نزلتها سنه تانيه كان قريبت مصعب معاي في المدرسه طوالي في حاله انه مصعب بيسالك منك و قال عايز رقمك انا كنت بتكلم معاها بزوق و م بحرجها بس لمن كترتها معاي و زهجتني😪 بقيت اقول ليها قولي ليه م عايزاك بقيت اقول لي فطومه الزول د زهجني قالت لي مصعب م مصعب لكن😂😉 قلت ليها اسكتي بالله م تتطمني لي بطني بالله😏 قالت لي القلب و ما يريد😂💔

احكي ليكم عن مصعب المعاطني ده زول كده حلاتو الصراحه قاعدين في الحله الجمبنا شغال في شركه في الخرطوم بس شكلو مؤجز كان الايام ديك و فاضي للمعطي😏والله زمان شايفاه عادي لا بكره ولا بريدوو بس بعد م بقى لصقها كده بقيت م بضيقو نوهائي😏 حلتهم دي م بدور امشي ليها عشان م اشوفو😣

عندي بت خالتي ساكنه في حلتهم ولدها كان عيان اضطريت امشي ليها حنستها بسمه تمشي قالت ما فاضيه 😒 اتوكلتها ومشيت وانا ب قلبي بدعي م اللاقيه علي حظي الكعب شوفتو طالع من البيت طوالي بقيت ماشيه سريع عشان م يشوفني شكلو شافني و بقى يكورك لي اضطريت اقيف؟😣

صبرك يا رب😣

اااحي انا من اللصقه ده(بقلبي طبعا الكلام ده😪) سلام عليكم قلت ليه عليكم السلام كيفك قلت ليه بخير الحمدلله واانت؟قال لي تمام؟قال لي ابوك م حدثك و بت خالتي فلانه؟ (شوفو العبط 😏) قلت ليه والله يا مصعب انت زول ماشاء الله و م تتعيب واي بت تتمناك بس والله انا هسي كل تفكيري قرايتي 😊 (يعني ابقى مارق😂)شابكني نسمه والله انا بحبك ودايرك من زمان و عشان م في زول يحجزك حدثت ابوك طول و القرايه م مشكله م عندي مشكله تخلصيها معاي😊 قلت ليه والله ي مصعب بس انا شايله الفكره خالص من بالي 😬قال لي انتي بس اديني فرصه نتعرف علي بعض وان شاء الله م نختلف😊(واي جنسوو عباطه)

ياخ والله لمن قفلت معاي و حسيت بيه م ح يخليني طوالي رميتها ليه ببببببب قلت ليه انا م عايزاك وحات الله الولد ده عيونوووو بقن شرار و بقى قابض يدوو بقوووه😣😡 والله لمن خفتها منووو قال لي بقى كده ماشي يا نسمه😡

خليتوووو كملتها مشواري ...بالليل بتكلم مع معتز قال لي نسمه عايزه اسالك من حاجه(من يقول نسمه الموضوع جادي🐸)قلت ليه اتفضل ؟

قال لي انتي ود جيرانكم قال عايزك😪😣قلت ليه انت الحدثك منو😳 قال لي انتي مالك بس جاوبي بصوت عالي 😡اول مره يرفع صوتو علي😢💔 قلت ليه اي💔 قال لي مالك م بتحدثيني الا اسمع بالصدفه😏 يعني شويه كده و اسمع بيك عرستي وانا اخر زول اسمع😡(ياخ فاير فوره)انا طوالي بكييييت و بقيت م قادره اتكلم قال لي اي دموع التماسيح😏 انفعلتها شدييد كلامه حرقني قلت لي اول حاجه هو قال عايزني يعني م خطبني😏ثم تانيا م حدثتك عشان م ازعلك و اصلا انا م موافقه عليه ودي حاجه مفروض تعرفها براك😏 اذا اصلا عندك ثقه في و في انا بحبك وعدتك م ح اكون لي زول غيرك😏لمن صوتي اتخنق بالبكى وانا م بمثل و م في حاجه تخليني استهبل انا انجرحتها من كلامك😭😭😒💔💔 و قفلتها التلفون بقى يتصل علي كتير ابيييت ارد علي😏😏 قفلتها التلفون واصلت الليل كلوو بكى😭

لم صحيت الصباح راسي مصدع من البكى و عيوني وارمه مشيت المدرسه فطومه قالت ي بت مالك قلت ليها ما في شئ قالت لي اتشاكلتي معاه 😬قلت ليها بالله م تجيبي لي سيره الحيوانه ده😒 قالت لي انتي بتقولي علي وزتك حيوان شكله الموضوع خطيير شديد😂👋

عدا قريب الاسبوع م بتكلم معاه ولا برد علي تلفوناته و رسائله😡 يوم كان حصت فيزياء اظنه بعد الفطور والفصل كله شبه نايم و انا والاخت فطومه من ضمنهم😂👋 نحن ادراجنا جم الشباك وانا راقده فوق الدرج اسمع صوت زول ينادي(نسمه نسمه)ارفع راسي يبقى لي بتخيل قلت لي فطومه سامعه صوت معتز بينادي في قاالت لي معتز شنو البيجبو مدرسه البنات كمان والله يقتلووو😳(هم مدرستهم في نفس المنطقه لكن مسافه مننا) واصلنا رقدتنا😂👋 تاني اسمع الصوت قلت د اكيد م خيال اشوف لي معتز يتاوق بالشباك😳😂واي د شنو المجنون ربنا ابتلاني بيه د😂 قال لي تعالي برا 😳استأذنتها طلعتها قلت ليه والله انت مجنون لو شافوك بيقتلوك😳اجري من هنا سورعه😳قال لي م مشكله اكون اخر زول شفتك انتي 😍 قلت ليه معتز والله م وقت رومانسيه امش😳 قال لي ي عيونه😍و بعدين انتي جبرتيني اعمل كدي م بتردي علي و م عرفتها اوصل ليك كيف😢💔 قلت ليه طيب هسي طير برجع ليك بعدين😢قال لي احلفي قلت ليه ان شاء الله قال لي احلفي عديل قلت ليه والله يلا طيير هسي😂👋

#مجنووووني 😍 دخلتها لقيت الاخ الاذتساذ لسه مواصل قلتها ليها د لسه معلق😂 قالت لي المجنون د الجابو شنو قلت ليها عشان زعلانه منوو ج يصاالحني😍

اتغتتتها م ضربت ليه طوالي اصلا تلفوني بيكون مقفول بفتحو بعد ارجع من المدرسه خليتو م فتحتو الا بالليله قاصده عشان يتأدب😉😜 اول م فتحتووو خش علي بمكالمه قال لي ي حيوانه كنت رازعه تلفونك د وين بيجيني مقفول😒 قلت ليه كان فاصل كهرباء(بكل براءه☺😂)قال لي بالمناسبه انا مشتاق ليك شديييييييد والله😢💔 قلت ليه امممم طييب😌(برودي كعب😂)قال لي طيب في عينك😏 م اشتقت لي يعني😏قلت ليه خالص😌👋 قال لي انتي حيوانه و رمه😡و يلا مع سلامه😒👋(اموت انا في عصبيتو😂😍)قلت ليه بحبك ياخ😍قال لي قلتي شنو 😉 قلت لي م عارفه 😏 قال لي عليك الله مره واحده بس 😍 قلت لي بحببباااك😍😂 قلت لي وانا بموت فيك والله😍 والله الاسبوع الفات د كان صعب علي شديييد 💔 انا م قاصد اجرحك بكلام بس والله خوفتها تضيعي مني💔 قلت ليه م موشكله😢اصلا نحن الاتنين عصبنا😢💔 عين وصابتنا حبييي(اجي ي العين😂) قال لي نسمه قلت ليه عيونها😍 قال لي يسلمو لي عيونك😍 قال لي انا م عايز اقيدك بي💔 قبل يتم كلامو قلت ليه معتز والله تقعد لي كده تاني م تتكلم معاي خالص😏😏قال لي بس قلت ليه لا بس ولا غيرو قال لي تييب😢💔

في نص تانيه تقريبا اجازه العيد اظنه.. معتز وابوه واخته سافرو الخرطوم ابوه كان عندو مقابله و شكله تعب😢💔 معتز يوم ضرب لي قال لي نسومتي💔 عايز اوريك حاجه قلت ليه في شنو وترتني والله؟💔