Экспазіцыя музея "Адукацыя Зэльвеншчыны" прадстаўлена шасцю тэматычнымі часткамі, у якіх раскрыта гісторыя развіцця адукацыі з сярэдзіны 17 стагоддзя і да нашых дзён.

Ад вытокаў - да школы сённяшняга дня. Менавіта такі змест першага тэматычнага раздзела «Гісторыя адукацыі Зэльвенскага раёна». 

Наступны стэнд прысвечаны кіраўнікам аддзела адукацыі Зэльвенскага райвыканкама. На стэндзе размешчаны фатаграфіі і кароткае апісанне дзейнасці сямі загадчыкаў і начальнікаў аддзела адукацыі.

Важнае месца ў экспазіцыі музея займаюць "школьныя летапісы". У іх адлюстроўваюцца храналагічныя этапы развіцця ўстановы адукацыі, найбольш важныя падзеі, пацверджаныя архіўнымі дакументамі, фатаграфіямі, публікацыямі, успамінамі педагогаў і навучэнцаў.

У музеі сабраны атэстаты, дакументы аб адукацыі розных гадоў, пасведчання аб прысваенні узнагарод за педагагічную працу. Сярод экспанатаў-ведамасць паспяховасці і Пахвальная грамата Коўш Яўгеніі, выдадзеныя ў чэрвені 1941 года.

У экспазіцыі "атрыбуты школьнага жыцця" прадстаўлены школьныя падручнікі, навучальныя дапаможнікі розных гадоў. Самыя раннія з іх: рэпертуарны зборнік «маладзёжная эстрада» 1945 года, «зборнік пытанняў і задач па фізіцы " 1950 года

Тут можна ўбачыць атрыбуты жыцця настаўнікаў і навучэнцаў сярэдзіны 20 стагоддзя, сшыткі, дзённікі навучэнцаў. 

Школьная форма для хлопчыкаў і дзяўчынак, прынятая ў 60-80 гады мінулага стагоддзя, школьныя ранцы.

Атрыбуты дзіцячых самадзейных арганізацый.

Тэхнічныя сродкі навучання сярэдзіны мінулага стагоддзя. 

Музей-гэта памяць. Берагчы памяць-гэта наш абавязак перад самім сабой і нашчадкамі, перад тымі, хто ўнёс годны ўклад у справу развіцця адукацыі.