OUR VISION STATEMENT

(The future we strive for)

To be a Christ-centered Baptist Church in

San Roque, Marikina, that will bring change-lives in

our community through the Gospel of Lord Jesus

and develop them to Christ-like maturity and deploy

them as trained servants; to spread the love of God

to the World.

Nananampalataya tayo, na sa pangunguna ng Espiritu nang Diyos,

sa pagtanggap sa Panginoong Hesu-Kristo bilang ating Tagapagligtas at

pagpapahayag ng ating pananampalataya, sa pagbabautismo sa pangalan ng

Ama at ng Anak at ng Espiritu Santo, tayo ngayon sa harap ng Diyos at ng

Simbahan ay taimtim at masayang nakikiisa sa isang tipan kasama ang bawat

isa bilang Isang Katawan ni Kristo.

Tayo ay nakiklisa, sa tulong ng Banal na Espiritu na tayo ay lalakad ng may

pagkakaisa ng may pagiibigan; na magpapakasipag sa paglago ng simbahan

sa kaalaman, kabanalan at kasiyahan; na isulong ang kaunlaran at pagiging-

espiritwal, na ipanatili ang pagsamba, tuntunin, disiplina at doktrina; na umambag

ng may kagalakan at patuloy na suporta sa mga gawain, gastusin ng simbahan,

tulong sa mahihirap at sa pagpapalaganap ng ebanghelyo sa buong mundo.

Tayo ay nakikiisa, na ipanatili ang pamilya at pang-pribadong debosyon; na

turuan ang mga anak patungkol sa Kristiyanong pananampalataya, na hanapin

ang kaligtasan ng ating mga kamag-anak at mga kakilala, na mamuhay ng may

pagiingat sa mundo, na maging patas sa ating pakikisalamuha, tapat sa ating

pakikipagkapwa-tao; na umiwas sa lahat ng uri ng bulung-bulungan, paninirang

puri at labis na pagkagalit na umiwas sa pagbebenta at paggamit ng mga

nakakalasing na inumin, pag-iwas sa nakakasira at ipinagbabawal na gamot at

pag-iwas sa anumang uri ng pornograpiya; na maging masidhi sa ating paggawa

upang maisulong ang kaharian ng ating Tagapagligtas.

Tayo rin ay nakikiisa, na bantayan ang bawat isa ng may kapatirang pag-iibigan;

na alalahanin ang bawat isa sa pananalangin, na dumamay ang bawat isa sa

kalungkutan at karamdaman, na linangin ng bawat Kristyano ang simpatya sa

nararamdaman ng iba at paggalang sa pananalita; na maging mapagpasensya

sa nang-uuyam at laging handa sa pakikipagkasundo at palagiang ilagay sa isip

ang mga patakaran ng ating Tagapagligtas na ingatan ito at gawin ng walang

pagkaantala.

Bukod dito tayo din ay nagkakaisa, na kung maaalis tayo dito sa ating lugar ay

kung maaari ay makipagkaisa sa ibang simbahan na nagtataglay ng parehong

espiritu nitong tipan at ng prinsipyo ng salita ng Diyos.

Kung sinuman, sa kahit anong pagkakataon, ang nakadarama, na ang kanyang

pagkikiisa sa tipang ito ay nakapagdudulot na ng kabigatan at nagbibigay

daan upang makumpromiso ang ang kanyang paniniwala, mangyari lamang

na kausapin ang nasa Pamunuan ng Iglesiang ito, upang mabigyan ng

ka-ukulang pasya ang kanyang saloobin o hinaing. Katotohanan, Espirituwalidad,

at pagiging Patas ang layon ng MARIKINA VALLEY BIBLE BAPTIST CHURCH