Настаўніцкая

Настаўнік, якога чакаюць...

Настаўнік мовы беларускай!

Ты кожны дзень ідзеш у школу

Імгненнем зоркі сцежкай вузкай,

Паміж нябёсамі і долам.

Вучыць дзяцей імкнешся сэрцам,

Адданы роднай мове, слову.

Ім пекануць можаш, як перцам,

І пахваліць так адмыслова.

Нішто без працы не далося.

А лёс настаўніка не з лёгкіх -

На ніве ведаў жаць калоссе

Сярод палёў ад бур палёглых.

Збіраў пачуцці ты ў каханне,

У разнамоўі ўзорваў межы,

Каб змог знайсці выратаванне

З нас кожны ў мове, як у ежы. (Людміла Воранава)