၄၄။ ဝတ္ထုပွမဆေဝ်ဒဝ် သီုဟွံပါန်အခေါၚ်

၁၀၈။ ပ္ဍဲကာလမွဲအခိၚ် ခမဳဆဗ္ဗဂ္ဂဳဂမၠိုၚ် သီုဟွံဂရၚ်ပတီပါၚ်အခေါၚ် အ္စာဥပဇ္ၛာယ်ဂမၠိုၚ်ဂှ် သ္ပပွမဆေဝ်ဒဝ်ကၠေံ သာမဏဳဂမၠိုၚ်အိုတ်ရ။ သာမဏဳပိုဲတအ်ညးဂမၠိုၚ်ဂှ် ဣလဵုရော? ဟွံညာတ်ကေတ်ရသွံ ရဴဝွံ အ္စာဥပဇ္ၛာယ်ဂမၠိုၚ် ဂၠာဲသ္ၚေတ်အိုတ်ရ။ ခမဳဂမၠိုၚ် “ယွံကောန်တၠတအ် ခမဳဆဗ္ဗဂ္ဂဳဂမၠိုၚ် သ္ပပွမဆေဝ်ဒဝ်ကၠေံအိုတ်ရ” ရဴဝွံ ဟီုသ္ဂးအိုတ်ရ။ အ္စာဥပဇ္ၛာယ်ဂမၠိုၚ် “မုဟိုတ်ခမဳဆဗ္ဗဂ္ဂဳဂမၠိုၚ် သီုဟွံဂရၚ်ပတီပါန်အခေါၚ် ပိုဲညးဂမၠိုၚ်ဂှ် သ္ပပွမဆေဝ်ဒဝ်ကၠေံ သာမဏဳဂမၠိုၚ်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ “ယွံခမဳတအ် သီုဟွံဂရၚ်ပတီပါန်အခေါၚ် အ္စာဥပဇ္ၛာယ်ဂမၠိုၚ်ဂှ် ဟဂပ်ဝ်သ္ပ ပွမဆေဝ်ဒဝ်ကၠေံရ၊ ကုခမဳမသ္ပဂှ် ဒးအာပတ်ဒုက္ကဋ်ရ” ရဴဝွံ (သ္ဂးရ)။