၃၄။ ဝတ္ထုဍိက်

၉၇။ ပ္ဍဲကာလမွဲအခိၚ် ဍိက်မွဲဂှ် ဂြိပ်အာတုဲမ္ဂး သ္ပခမဳ ပ္ဍဲဇရေၚ်ခမဳဂမၠိုၚ်ရ။ တၠနာဲဂမၠိုၚ်ညာတ်ဒးမ္ဂး “ခမဳဝွံတုန် ဍိက် ပိုဲညးဂမၠိုၚ်ရ၊ ပ္ဍဲလၟုဟ် ပိုဲညးဂမၠိုၚ် ရပ်ခမဳဂှ်အိုတ်စိုအ်” ရဴဝွံ ဟီုသ္ဂးအိုတ်ရ။ ညးလ္ၚဵုဂမၠိုၚ်ဂှ် ယွံနာဲတအ် လ္ပဟီုရဴဝွံအိုတ်ညိ၊ သၟိၚ်ဗမ္ဗိသာရ မၞုံယၟုသေနိယ တၠညးမဂဓရးဂှ် “ယြဴညးဂမၠိုၚ် သ္ပထပိုဲခမဳ ပ္ဍဲဇရေၚ်ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သာကျဝၚ်အိုတ်ရ၊ ကုညးဂမၠိုၚ်ဂှ် ဟဂပ်ဝ်ကလိဂွံ တၞဟ်နပွမသ္ပ (ဒုဟ်) မမိက်ကဵုမွဲမွဲရ၊ ဂပဝ်တွံလဝ်ဓရ် ဗွဲမ္ဒးရးတုဲရ၊ တၞဟ်နသ္ပကၠေံလအိတ်ဒဒိုခ်ဝဋ် ဩဝ်ကဵုဒ္ဂေတ်လ္ၚတ် ဒ္ဂေတ်မပြဲ ဗွဲမ္ဒးရးအိုတ်ညိ ရဴဝွံ ကဵုလဝ်အခေါၚ်ရ” ရဴဝွံ သ္ဂးအိုတ်ရ။

မၞိဟ်ဂမၠိုၚ် “ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သာကျဝၚ်ဝွံ ဒှ်ဒၟံၚ်မသက္ကုဘဲအိုတ်ရ၊ ကုညးဂမၠိုၚ်ဝွံ ဟဂပ်ဝ်ကလိဂွံ တၞဟ်နပွမသ္ပ (ဒုဟ်) မမိက်ကဵုမွဲမွဲရ၊ မုဟိုတ် ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သာကျဝၚ် ပကဵုခမဳ ဍိက်အိုတ်ရော” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ “ယွံခမဳတအ် ဟဂပ်ဝ်သ္ပကဵုထပိုဲခမဳ ဍိက်ရ၊ ၊ ယြဴခမဳမွဲ သ္ပကဵုထပိုဲခမဳမ္ဂး၊ ကုခမဳဂှ် ဒးအာပတ်ဒုက္ကဋ်ရ” ရဴဝွံ (သ္ဂးရ)။