၂.၁၃.၂။ ပွံက်ကုလဒူသကသိက္ခာပိုဒ်
437) ခမဳဂှ် ကွာန်နိဂီုမွဲမွဲ မ္ဂးဂှ် ကွာန်ကီု နဂီုကီု ဍုၚ်ကီု ကွာန်နိဂီုမ္ဂးရ။ သ္ပနိဿယ်ဗ္ဒာဲတုဲ သ္ပဒတဴရ မ္ဂးဂှ် သ္ၚာပိဏ္ဍပါတ် ဘာ ဂဥုဲမဒှ်ကြိယာဗာပၟၚ်ပၟဲလမျီု မစှေ်စးကဵုယဲဂမၠိုၚ် စပ်ကေုာံကွာန်နိဂီုဂှ်အိုတ်ရ။
ဂကူ မ္ဂးဂှ် ဂကူသၟိၚ် ဂကူဗဗၞး ဂကူသၟာဗၞိက် ဂကူဒိုက်ဂတ် ရဴဝွံ မၞုံပန်ဂကူအိုတ်ရ။ လေပ်ပလီုပလာ်ဂကူဂမၠိုၚ်ရ မ္ဂးဂှ် နမကဵုပကဴကီု နမကဵုသတ်ဆုကီု နမကဵုခၞိက်ကြကောတ်ကီု နမကဵုတိကမၠေတ်ကီု နမကဵုဆုဒကကီု နမကဵုဒုန်ကီု နပွမဝဳဂဥုဲကီု နမဒုၚ်ဖအောဝ်စကာတုဲ အာကဵုဇိုၚ်ကီု လေပ်ပလီုပလာ်ဂကူဂမၠိုၚ်ရ။
မၞုံကဵုဒ္ဂေတ်မယုတ်မာရ မ္ဂးဂှ် တဵုတဴတၞံပကဴသၟတ်ရ၊ ဖအောဝ်ကဵုတဵုရ၊ ကိုဟ်စဝ်စရိုဟ်ဍာ်ရ၊ ဖအောဝ်ကဵုစကိုဟ်စဝ်စရိုဟ်ရ၊ ၜှ်ဂၠောၚ်ရ၊ ဖအောဝ်ကဵုၜှ်ဂၠောၚ်ရ၊ ကၞောတ်ဇန်ရ၊ ဖအောဝ်ကဵုကၞောတ်ဇန်ရ။
ညာတ်လေဝ် ဂပ်ဝ်ညာတ်အိုတ်ရ၊ မိၚ်လေဝ် ဂပ်ဝ်မိၚ်အိုတ်ရ မ္ဂးဂှ် ယြဴညးဂမၠိုၚ် ဒှ်ဂတမတ်အိုတ်ရ၊ ညးဂမၠိုၚ်ဂှ် ညာတ်အိုတ်ရ၊ ယြဴညးဂမၠိုၚ် ဒှ်ကြဴမတ်အိုတ်ရ၊ ညးဂမၠိုၚ်ဂှ် မိၚ်အိုတ်ရ။
ဂကူဂမၠိုၚ် မိန်ခမဳဂှ် မဂပ်ဝ်ပလီုပလာ်လေဝ် မ္ဂးဂှ် ပ္ဍဲကိုပ်ကၠာတေံ ညးမၞုံကဵုဓရ်သဒ္ဓါတုဲ မလျုၚ်ဇြုၚ်သ္ဍိုက်ဂမၠိုၚ် သ္ပဟိုတ်ကဵုခမဳဂှ်တုဲ ဓရ်သဒ္ဓါစ္ဍးအာအိုတ်ရ၊ ပွမလျုၚ်ဇြုၚ်သ္ဍိုက်ဂှ် စ္ဍးအာအိုတ်ရ။
ညာတ်လေဝ် ဂပ်ဝ်ညာတ်အိုတ်ရ၊ မိၚ်လေဝ် ဂပ်ဝ်မိၚ်အိုတ်ရ မ္ဂးဂှ် မ္ဂးဂှ် ယြဴညးဂမၠိုၚ် ဒှ်ဂတမတ်အိုတ်ရ၊ ညးဂမၠိုၚ်ဂှ် ညာတ်အိုတ်ရ၊ ယြဴညးဂမၠိုၚ် ဒှ်ကြဴမတ်အိုတ်ရ၊ ညးဂမၠိုၚ်ဂှ် မိၚ်အိုတ်ရ။ ခမဳ မ္ဂးဂှ် ခမဳပလီုပလာ်ဂကူဂမၠိုၚ်ဂှ်။ ခမဳဂမၠိုၚ်မ္ဂးဂှ် ခမဳသအာၚ်ဂမၠိုၚ်။
ယြဴခမဳဂမၠိုၚ် ညာတ်အိုတ်ရ၊ ယြဴခမဳဂမၠိုၚ် မိၚ်အိုတ်ရ၊ ခမဳဂမၠိုၚ်ဂှ် “တဳလပိုဉ်ဟေၚ် လေပ်ပလီုပလာ်ဂကူရ၊ မၞုံကဵုဒ္ဂေတ်မယုတ်မာရ၊ ဒ္ဂေတ်မယုတ်မာဂမၠိုၚ် တဳလပိုဉ်ဂှ် ညာတ်လေဝ် ဂပ်ဝ်ညာတ်အိုတ်ရ၊ မိၚ်လေဝ် ဂပ်ဝ်မိၚ်အိုတ်ရ၊ ဂကူဂမၠိုၚ် မိန်တဳလပိုဉ် မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိၚ်လေဝ် ဂပ်ဝ်မိၚ်အိုတ်ရ၊ တဳလပိုဉ် ဩဝ်စ္ဍးတိတ်အာ နူဘာဝွံညိ၊ နပွမပဒတဴပ္ဍဲဘာဝွံ ဟွံမွဲဖဵု ကုတဳလပိုဉ်ရ” ရဴဝွံ သ္ဒးဟီုသ္ဂးကဵုခမဳဂှ်ရ၊ ရဴဝွံ ခမဳဂမၠိုၚ် ဂပ်ဝ်ဟီုသ္ဂးမ္ဂး ခမဳဂှ် “ခမဳဂမၠိုၚ် ဆန္ဒာဂတိလေဝ် ဗက်စအိုတ်ရ၊ ဒေါသာဂတိလေဝ် ဗက်စအိုတ်ရ၊ မောဟာဂတိလေဝ် ဗက်စအိုတ်ရ၊ ဘယာဂတိလေဝ် ဗက်စအိုတ်ရ၊ နအာပတ်မၞုံသဘဴရဴသာ်ဂှ် ခမဳလ္ၚဵုဂမၠိုၚ် ဗက်ဗ္ဒဴအိုတ်ရ၊ ခမဳလ္ၚဵုဂမၠိုၚ် ဟွံဗက်ဗ္ဒဴအိုတ်ရ” ရဴဝွံ ဟီုသ္ဂးကဵုခမဳဂမၠိုၚ်မ္ဂး။ ခမဳ မ္ဂးဂှ် ခမဳမဂပ်ဝ်သ္ပကမ်ဂှ်။ ခမဳဂမၠိုၚ် မ္ဂးဂှ် ခမဳသအာၚ်ဂမၠိုၚ်။
ယြဴခမဳဂမၠိုၚ် ညာတ်အိုတ်ရ၊ ယြဴခမဳဂမၠိုၚ် မိၚ်အိုတ်ရ၊ ခမဳဂမၠိုၚ်ဂှ် “တဳလပိုဉ် လ္ပဟီုရဴဝွံညိ၊ ခမဳဂမၠိုၚ် ဆန္ဒာဂတိလေဝ် ဟွံဗက်စအိုတ်ရ၊ ဒေါသာဂတိလေဝ် ဟွံဗက်စအိုတ်ရ၊ မောဟာဂတိလေဝ် ဟွံဗက်စအိုတ်ရ၊ ဘယာဂတိလေဝ် ဟွံဗက်စအိုတ်ရ၊ တဳလပိုဉ်ဟေၚ် လေပ်ပလီုပလာ်ဂကူရ၊ မၞုံကဵုဒ္ဂေတ်မယုတ်မာရ၊ ဒ္ဂေတ်မယုတ်မာဂမၠိုၚ် တဳလပိုဉ်ဂှ် ညာတ်လေဝ် ဂပ်ဝ်ညာတ်အိုတ်ရ၊ မိၚ်လေဝ် ဂပ်ဝ်မိၚ်အိုတ်ရ၊ ဂကူဂမၠိုၚ် မိန်တဳလပိုဉ် မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိၚ်လေဝ် ဂပ်ဝ်မိၚ်အိုတ်ရ၊ တဳလပိုဉ် ဩဝ်စ္ဍးတိတ်အာနူဘာဝွံညိ နပွမပဒတဴပ္ဍဲဘာဝွံ ဟွံမွဲဖဵု ကုတဳလပိုဉ်ရ” ရဴဝွံ သ္ဒးဟီုသ္ဂးရ။
မရနုက်ကဵုၜါဝါလေဝ် သ္ဒးဟီုသ္ဂးရ၊ မရနုက်ကဵုပိဝါလေဝ် သ္ဒးဟီုသ္ဂးရ။ ယဝ်သၠးကၠေံမ္ဂး ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံမ္ဂး ဒးအာပတ်ဒုက္ကဋ်ရ။ မိၚ်တုဲ ဟွံဟီုသ္ဂးအိုတ်မ္ဂး ဒးအာပတ်ဒုက္ကဋ်ရ။ ခမဳဂှ် ဇရေၚ်လဒေါဝ်သၚ်လေဝ် ကော်ဏာတုဲ “တဳလပိုဉ် လ္ပဟီုရဴဝွံညိ၊ ခမဳဂမၠိုၚ် ဆန္ဒာဂတိလေဝ် ဟွံဗက်စအိုတ်ရ၊ ဒေါသာဂတိလေဝ် ဟွံဗက်စအိုတ်ရ၊ မောဟာဂတိလေဝ် ဟွံဗက်စအိုတ်ရ၊ ဘယာဂတိလေဝ် ဟွံဗက်စအိုတ်ရ၊ တဳလပိုဉ်ဟေၚ် လေပ်ပလီုပလာ်ဂကူရ၊ မၞုံကဵုဒ္ဂေတ်မယုတ်မာရ၊ ဒ္ဂေတ်မယုတ်မာဂမၠိုၚ် မိန်တဳလပိုဉ် မဂပ်ဝ်ပလီုပလာ်လေဝ် ညာတ်လေဝ် ဂပ်ဝ်ညာတ်အိုတ်ရ၊ မိၚ်လေဝ် ဂပ်ဝ်မိၚ်အိုတ်ရ၊ တဳလပိုဉ် ဩဝ်စ္ဍးတိတ်အာနူဘာဝွံညိ၊ နပွမပဒတဴပ္ဍဲဘာဝွံ ဟွံမွဲဖဵု ကုတဳလပိုဉ်ရ” ရဴဝွံ သ္ဒးဟီုသ္ဂးရ။
မရနုက်ကဵုၜါဝါလေဝ် သ္ဒးဟီုသ္ဂးရ၊ မရနုက်ကဵုပိဝါလေဝ် သ္ဒးဟီုသ္ဂးရ။ ယဝ်သၠးကၠေံမ္ဂး ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံမ္ဂး ဒးအာပတ်ဒုက္ကဋ်ရ။ ဂပ်ဝ်ဒးဒၠောံဗတောန် ခမဳဂှ် ဗွဲမဒးရး (နဉတ်ကမ္မဝါစ်) ရ၊ ယွံခမဳတအ် ရဴဝွံဟေၚ် သ္ဒးဒၠောံဗတောန် ဗွဲမဒးရးရ၊ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ။
438) ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ သၚ်ဂပ်ဝ်ဗက်ဗ္ဒဴထောံမ္ဂး ခမဳဂမၠိုၚ် အာစိုပ်ဒဒှ်ညးဗက်စဆန္ဒာဂတိ ဒေါသာဂတိ မောဟာဂတိ ဘယာဂတိဂမၠိုၚ်ရ၊ ခမဳဂှ် ဟွံသၠးကၠေံကွေတ်ဂှ်ရ၊ ကမ်မၞုံကဵုအခိၚ် မဗဗွဲကုသၚ် ယဝ်ဒှ်တဴမ္ဂး တၞဟ်နကဵုသၠးကၠေံကွေတ်ဂှ် သၚ်သ္ဒးဒၠောံဗတောန် ခမဳမၞုံယၟုဝွံ ဗွဲမဒးရးရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ သၚ်ဂပ်ဝ်ဗက်ဗ္ဒဴထောံမ္ဂး ခမဳဂမၠိုၚ် အာစိုပ်ဒဒှ်ညးဗက်စဆန္ဒာဂတိ ဒေါသာဂတိ မောဟာဂတိ ဘယာဂတိဂမၠိုၚ်ရ၊ ခမဳဂှ် ဟွံသၠးကၠေံကွေတ်ဂှ်ရ၊ ကမ်မၞုံကဵုအခိၚ် မဗဗွဲကုသၚ် ယဝ်ဒှ်တဴမ္ဂး တၞဟ်နကဵုသၠးကၠေံကွေတ်ဂှ် သၚ်သ္ဒးဒၠောံဗတောန် ခမဳမၞုံယၟုဝွံ ဗွဲမဒးရးရ၊ ယြဴကုတဳလပိုဉ်မွဲ တၞဟ်နကဵုသၠးကၠေံကွေတ်ဂှ် သ္ဍိုက်မၠိုက်ပွမဒၠောံဗတောန် ခမဳမၞုံယၟုဝွံ ဗွဲမဒးရးရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵု ၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။ တၞဟ်နကဵုသၠးကၠေံကွေတ်ဂှ် သၚ်ဂပ်ဝ်ဒၠောံဗတောန် ခမဳမၞုံယၟုဝွံ ဗွဲမဒးရးရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ။ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ။ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
439) ပ္ဍဲလအိတ်ဉတ် ဒးအာပတ်ဒုက္ကဋ်ရ၊ ပ္ဍဲလအိတ်ကမ္မဝါစ်ဂမၠိုၚ်ၜါဝါ ဒးအာပတ်ထုလ္လစ္စယ်ရ၊ ပ္ဍဲလအိတ်ကမ္မဝါစ် ဒးအာပတ်သံဃာဒိသေသ်ရ။ ကုခမဳ မအာစိုပ်သံဃာဒိသေသ်ဂှ် ဒုက္ကဋ် ပ္ဍဲလအိတ်ဉတ် ထုလ္လစယ် ပ္ဍဲလအိတ်ကမ္မဝါစ်ဂမၠိုၚ် ၜါဝါဂမၠိုၚ် လလမ်အိုတ်ရ။
သံဃာဒိသေသ် မ္ဂးဂှ် သွက်အာပတ်ဂှ် သၚ်ဟေၚ် သ္ဒးကဵုပြဝးရ၊ သ္ဒးတံၚ်ဓဇက်တမ်ရ၊ သ္ဒးကဵုမာနတ်ရ၊ သ္ဒးပၠုပ်အဗ္ဘာန်ရ၊ ၜါဇကု ပိဇကုကီု၊ ပူဂိုလ်မွဲမွဲကီု၊ ကဵုပြဝးဟွံဂွံရ၊ တံၚ်ဓဇက်တမ် ဟွံဂွံရ၊ ကဵုမာနတ် ဟွံဂွံရ၊ ပၠုပ်အဗ္ဘာန် ဟွံဂွံရ၊ ဟိုတ်ဂှ်ရ ကော်ခဴဂး ရဴဝွံမ္ဂး “သံဃာဒိသေသ်” ရ၊ (ယၟုမတွံဂး သံဃာဒိသေသ်ဂှ်) ယၟုဂကောံအာပတ်ဂှ်ဟေၚ်ရ၊ ဟိုတ်ဂှ်လေဝ် ကော်ခဴဂးရဴဝွံမ္ဂး “သံဃာဒိသေသ်” ရ။
440) ပ္ဍဲဓမ္မကမ် မၞုံပွမသမ္တီထေၚ်ကေတ် ဓမ္မကမ်တုဲ ဟွံသၠးကၠေံမ္ဂး ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံသၠေဟ်ပၟာတုဲ ဟွံသၠးကၠေံမ္ဂး ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံပွမသမ္တီထေၚ်ကေတ် အဓမ္မကမ်တုဲ ဟွံသၠးကၠေံမ္ဂး ဒးအာပတ်သံဃာဒိသေသ်ရ။ ပ္ဍဲအဓမ္မကမ် မၞုံပွမသမ္တီထေၚ်ကေတ် ဓမ္မကမ်တုဲ ဟွံသၠးကၠေံမ္ဂး ဒးအာပတ်ဒုက္ကဋ်ရ။ ပ္ဍဲအဓမ္မကမ်ဂှ် မၞုံသၠေဟ်ပၟာတုဲ ဟွံသၠးကၠေံမ္ဂး ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံပွမသမ္တီထေၚ်ကေတ် အဓမ္မကမ်တုဲ ဟွံသၠးကၠေံမ္ဂး ဒးအာပတ်ဒုက္ကဋ်ရ။
441) ကုခမဳ မဟဂပ်ဝ်ဒၠောံဗတောန် ဗွဲမဒးရ (နဉတ်ကမ္မဝါစ်) ခမဳသၠးကၠေံကွေတ် ခမဳကြအ်ဥမ္မတ် ခမဳကလိလောန်ကၠာတဲဂှ် ဟွံဒးအာပတ်ရ။ ကုလဒူသကသိက္ခာပိုဒ် တေရသမတုဲရ။ ☙ နိဂီုတေရသကဏ် ❧
442) ယွံတၠဇမၠိၚ်အာယုက်တအ် ဂပ်ဝ်စၞောန်ထ္ၜးကဵု အာပတ်သံဃာဒိသေသ်ဂမၠိုၚ်စှ်ပိ ဗွဲအာပတ်ဒးပ္ဍဲခဏမကလိလောန်ဒစိတ် အာပတ်ဒးပ္ဍဲလအိတ်ဒၠောံဗတောန် နဉတ်ကမ္မဝါစ်ပန် ဗွဲသရုပ်တုဲအိုတ်ရ။ ခမဳဂှ် ပၞောဝ်ကဵုစှ်ပိဂမၠိုၚ်ဂှ် အာစိုပ်မွဲမွဲတုဲ ယြဴလုကဴဗၞတ်တ္ၚဲဂမၠိုၚ် သီုမတီတဴ ဂြောပ်ဗ္ဒန်လဝ်ရ၊ လုကဴဗၞတ်တ္ၚဲဂမၠိုၚ်ဂှ် ခမဳဂှ် သီုဟွံမွဲပၟိက် သ္ဒးပဒတဴ ပြဝးရ။ ခမဳမပဒတဴပြဝးတုဲဂှ် လောန်လတူဂှ် လုကဴတြဴဗ္တမ် တၞဟ်နခမဳဂမၠိုၚ် ဂွံသ္ဍိုက်မၠိုက် သ္ဒးဒ္ဂေတ်မာနတ်ရ၊ ခမဳမဒ္ဂေတ်မာနတ်တုဲဂှ် သ္ဒးေ ကာ်ပၠုပ်အဗ္ဘာ န်ပ္ဍဲသိမ် မၞုံကဵုလၟိဟ်ခမဳသၚ် ၜါစှော်ဇကုရ။ ခမဳသၚ်ၜါစှော်ယုတ်မွဲဇကုလေဝ် ေ ကာ်ပၠုပ်အဗ္ဘာန် ခမဳဂှ်မ္ဂး၊ ခမဳဂှ်လေဝ် ဟဂ ပ်ဝ်ကော်ပၠုပ်အဗ္ဘာန်မ္ဂးရ။ ခမဳ (ေ ကာ်ပၠုပ်အဗ္ဘာန်) ဂမၠိုၚ်လေဝ် ဂပ်ဝ်ဂရိုဟ်အိုတ်ရ၊ ဣဝွံတုန် ဒ္ဂေတ်ထေက်ကဵုဒ္ဂေတ်ဗက် (ပ္ဍဲအရာဒးအာပတ်သံဃာဒိသေသ်) ရောၚ်။
ပ္ဍဲသံဃာဒိသေသ်ဂမၠိုၚ်ပန်ဂှ် သၟာန်တဳလပိုဉ်ဂမၠိုၚ်ရ၊ သအးဇ္ၚးနူအာပတ်အိုတ်ရဟာ၊ မရနုက်ကဵုၜါဝါလေဝ် သၟာန်တဴရ၊ သအးဇ္ၚးအာပတ်အိုတ်ရဟာ၊ မရနုက်ကဵုပိဝါလေဝ် သၟာန်တဴရ၊ သအးဇ္ၚးနူအာပတ်အိုတ်ရဟာ။ တၠဇမၠိၚ်အာယုက်တအ်ညးဂမၠိုၚ် ပ္ဍဲ (သံဃာဒိသေသ်စှ်ပိ) ဂမၠိုၚ်ဝွံ သအးဇ္ၚးနူအာပတ်အိုတ်ရ၊ ဟိုတ်ဂှ်ရ ဒၟံၚ်သ္ၚိတ်သ္ၚိတ်ဇြဇြအိုတ်ရ၊ ရဴဝွံ နမဒၟံၚ်သ္ၚိတ်သ္ၚိတ်ဇြဇြဂှ် ဂွံသမ္တီကေတ် ဒဒှ်မသအးဇ္ၚးနူအာပတ်ဝွံရ။ စှ်ပိပြကာတုဲရ။
☙ လၟေၚ်က္ဍိုပ်တေရသကဏ်ဗွဲခမ္ဍန် ❧ ပွမဗလးသုက်၊ ပွမနှဴရဴဇကုကာယ၊ ပွမဟီုရုန်မဵု၊ ပွမအာတ်ကာမဂုဏ် တၞဟ်နသွက်ဇကု၊ ပွမသ္ပကလုတ်၊ ဘာကုဋ်၊ ဘာဇၞော်၊ ဟွံမွဲကဵုရိုဟ်တၞမ်၊ ဟိုတ်မြော်တုပ်သၟဟ်၊ ပွမပါ်ဒကးဗော်၊ ဒ္ဂေတ်ဗက်လက္ကရဴဂမၠိုၚ်၊ ဒၠောံဗတောန်ဝါတ်၊ ပွမပလီုဂကူ၊ ပံၚ်သံဃာဒိသေသ် စှ်ပိပြကာဂမၠိုၚ်ရောၚ်။
ခဏ်သံဃာဒိသေသ်တုဲရ။
