၂.၁.၂။ ပွံက်သုက္ကဝိဿဝိဿဋ္ဌဳသိက္ခာပိုဒ်

237) ဍေံမဒှ်မွဲဟာန်ကေုာံစေတနာ မ္ဂးဂှ် သီုမတီတဴ သီုမတီတဴ ချိုတ်ချိုတ်ပၠိုတ်တ်သ္ပလွဳတုဲ လၞိန်ဗပိန်တုဲ ပွမကလိလောန်ရောၚ်။ သုက်မ္ဂးဂှ် မၞုံစှ်ဂကူရ၊ သုက်မၞုံသာ်ဒမျိုၚ်၊ သာ်မိတ်၊ သာ်ဗကေတ်၊ သာ်ဗု၊ သာ်ဍာ်တက်၊ သာ်ဍာ်၊ သာ်ကၠေၚ်၊ သာ်ဍာ်တှ်ဂၠဴ၊ သာ်ဍာ်တှ်ထၟတ်၊ သာ်ကၠေၚ်သွဟ် ဂမၠိုၚ်ရောၚ်။ ပွမဗလး မ္ဂးဂှ် သ္ဂးတဴပွမကဵုတသိုတ်အာနူဒၞာဲရ။ ဝေၚ်ပါဲကၠေံပွမဗလးသုက် ပ္ဍဲသွပ်လ္ပအ် မ္ဂးဂှ် ပါဲကၠေံပွမဗလးသုက် ပ္ဍဲသွပ်လ္ပအ်တုဲ။ သံဃာဒိသေသ် မ္ဂးဂှ် သွက်အာပတ်ဂှ် သၚ်ဟေၚ် သ္ဒးကဵုပြဝးရ၊ သ္ဒးတံၚ်ဓဇက်တမ်ရ၊ သ္ဒးကဵုမာနတ်ရ၊ သ္ဒးပၠောပ်အဗ္ဘာန်ရ၊ ၜါဇကုပိဇကုကီု၊ ပူဂိုလ်မွဲမွဲကီု၊ ကဵုပြဝးဟွံဂွံရ၊ တံၚ်ဓဇက်တမ်ဟွံဂွံရ၊ ကဵုမာနတ်ဟွံဂွံရ၊ ပၠုပ်အဗ္ဘာန်ဟွံဂွံရ၊ ဟိုတ်ဂှ်ရ ကော်ခဴဂး ရဴဝွံမ္ဂး “သံဃာဒိသေသ်” ရ၊ (ယၟုမတွံဂးသံဃာဒိသေသ်ဂှ်) ယၟုဂကောံအာပတ်ဂှ်ဟေၚ်ရ၊ ဟိုတ်ဂှ်လေဝ် ကော်ခဴဂးရဴဝွံမ္ဂး “သံဃာဒိသေသ်” ရ။