၄.၆.၄။ ဒ္ဂေတ်ဝတ်စှ်ဒ္စါံသာ်

၂၁၁။ ယွံခမဳတအ် ခမဳ မဒးဒုင်သ္ပတဿပါပိယသိကကမ်ဂှ် ဒးဒ္ဂေတ်ဗွဲမဒးရးရ။ ကြက်သ္ဂးဂတဝွံတုန် ပ္ဍဲအရာမဒ္ဂေတ်ဂှ် ဒ္ဂေတ်ဝတ်မဒးဒ္ဂေတ်သ္ပဗွဲမဒးရးရောင်။ (သ္ပအ္စာဥပဇ္ၛာယ်တုဲ) ဟဂပ်ဝ်ပကဵုပယျင်ရ၊ ဟဂပ်ဝ်ကဵုနိဿယရ၊ ဟဂပ်ဝ်ကဵုသာမဏဳကၠောန်ၜိုတ်ရ၊ ဟဂပ်ဝ်သာယျေန်သ္ဍိုက်မၠိုက် ပွမသၟိတ်ပတိုန် သွက်ဂွံဒၠောံဗတောန်ခမဳဗြဴဂမၠိုင်ရ၊ ၜိုန်ဂွံဒုင်သၟိတ်လေဝ် ဟဂပ်ဝ်ကဵုဩဝါဒကဵုခမဳဗြဴဂမၠိုင်ရ ။ ပ ။ ဟွံထေက်ကဵုစိုန်သကီုနှဴရဴ ကေုာံ ခမဳဂမၠိုင်ရ၊ သ္ဂးကၠုင်တုဲဝွံတုန် ဒ္ဂေတ်ဝတ် မဒးဒ္ဂေတ်သ္ပ ဗွဲမဒးရးရောင်။ ပ္ဍဲအခိင်ဂှ် သင်သ္ပတဿပါပိယသိကကမ် ကုခမဳဥပဝါဠရ။