၄.၆.၃။ နွံပၟိက်မ္ဂး ကမ်မသ္ပမာန်တြဴသာ်

၂၁၀။ ယွံခမီတအ် ကုခမဳ မဍိုက်ပေင်တဴ ကေုာံအၚ်္ဂဂမၠိုင်ပိသာ်ဂှ် သင်နွံပၟိက်သ္ပ တဿပါပိယသိကကမ်မ္ဂး သ္ပမာန်ရ။ ကယျာန်ဓဝါတ်သေက်ဇဵု ဂတမတ်, ကြဴမတ် ဟီုသ္ဂးစှေ်စး အရေဝ်ဂၠိုင်တုဲ ပွမသ္ပအဓိကိုရ် ပ္ဍဲသင်၊ ဒိုဟ်ဓီု ဟွံစဳကၠးဆိုက်ဗ္ဒက် အာပတ်ဂၠိုင်ကၠာ ပွမ ဟွံမွဲကဵုအပိုင်အခြာ၊ ပွမပဒတဴမံင်စံင်နှဴရဴကေုာံခရှ်ဂမၠိုင် နပွမပံင်ဖက်ဆက်ဆောမ်ခရှ်ဂမၠိုင် မဟွံဗဗွဲသပ္ပါယ်။ ယွံခမဳတအ် ကုခမဳ မဍိုက်ပေင်တဴ ကေုာံအၚ်္ဂဂမၠိုင်ပိသာ်ဝွံ သင်နွံပၟိက်သ္ပ တဿပါပိယသိကကမ်မ္ဂး သ္ပမာန်ရ။ (၁)

ယွံခမဳတအ် ကုခမဳ မဍိုက်ပေင်တဴ ကေုာံအၚ်္ဂဂမၠိုင်ပိသာ်သအာင်ဂှ်လေဝ် သင်နွံပၟိက် သ္ပတဿပါပိယသိကကမ်မ္ဂး သ္ပမာန်ရ။ ပ္ဍဲအရာသဳလမပြဲ ပွမသဳလလီုလာ်၊ ပ္ဍဲအရာဒ္ဂေတ်မပြဲ ပွမဒ္ဂေတ်လီုလာ်၊ ပ္ဍဲအရာကွေတ်ဝါဒမပြဲ ပွမကွေတ်ဝါဒလီုလာ်။ ယွံခမဳတအ် ကေုာံ အၚ်္ဂဂမၠိုင် ပိသာ်ဝွံ ။ ပ ။ (၂)

ယွံခမဳတအ် သအာင်လေဝ် ။ ပ ။ ပွမဟီုဂရိုဟ်ကျာ်၊ ပွမဟီုဂရိုဟ်ဓရ်၊ ပွမဟီုဂရိုဟ်သင်။ ယွံခမဳတအ် ကုခမဳ မဍိုက်ပေင်တဴ ကေုာံအၚ်္ဂဂမၠိုင်ပိသာ်ဝွံ သင်နွံပၟိက်သ္ပတဿပါပိယသိကကမ်မ္ဂး သ္ပမာန်ရ။ (၃)

ယွံခမဳတအ် ကုခမဳဂမၠိုင်ပိဂကူဂှ် သင်နွံပၟိက်သ္ပတဿပါပိယသိကကမ်မ္ဂး သ္ပမာန်ရ။ ခမဳမွဲဂကူဂှ် ကယျာန်ဓဝါတ်သေက်ဇဵုဂတမတ် ။ ပ ။ လေပ်သ္ပအဓိကိုရ် ပ္ဍဲသင်ရ၊ ခမဳမွဲဂကူဂှ် ဒှ်ညးဒိုဟ်ဓီု ဟွံစဳးကၠးဆိုက်ဗ္ဒက် အာပတ်ဂၠိုင်ကၠာ ဟွံမွဲကဵုအပိုင်အခြာရ၊ ခမဳမွဲဂကူဂှ် ပဒတဴမံင်စံင် နှဴရဴကေုာံခရှ်ဂမၠိုင် နပွမပံံင်ဖက်ဆက်ဆောမ်ခရှ်ဂမၠိုင် မဟွံဗဗွဲသပ္ပါယ်ရ။ ယွံခမဳတအ် ကုခမဳဂမၠိုင်ပိဂကူဝွံ သင်နွံပၟိက်သ္ပတဿပါပိယသိကကမ်မ္ဂး သ္ဂမာန်ရ။ (၄) ယွံခမဳတအ် ကုခမဳဂမၠိုင်ပိဂကူသအာင်လေဝ် သင်နွံပၟိက် သင်နွံပၟိက်သ္ပတဿပါပိယသိကကမ်မ္ဂး သ္ပမာန်ရ၊ ခမဳမွဲဂကူဂှ် ပ္ဍဲအရာသဳလမပြဲ သဳလလီုလာ်ရ၊ ခမဳဂကူဂှ် ပ္ဍဲအရာဒ္ဂေတ်မပြဲ ဒ္ဂေတ်လီုလာ်ရ၊ ခ မဳမွဲဂကူဂှ် ပ္ဍဲအရာကွေတ်ဝါဒမပြဲ ကွေတ်ဝါဒလီုလာ်ရ။ ယွံခမဳတအ် ကုခမဳဂမၠိုင်ပိိဂကူဝွံ ။ ပ ။ (၅)

ယွံခမဳတအ် သအာင်လေဝ် ။ ပ ။ ခမဳမွဲဂကူဂှ် ဟီုဂရိုဟ်ကျာ်ရ၊ ခမဳမွဲဂကူဂှ် ဟီုဂရိုဟ်ဓရ်ရ၊ ခမဳမွဲဂကူဂှ် ဟီုဂရိုဟ်သင်ရ။ ယွံခမဳတအ် ကုခမဳဂမၠိုင်ပိဂကူဝွံ သင်နွံပၟိက်သ္ပတဿပါပိယသိကကမ်မ္ဂး သ္ပမာန်ရ၊ (၆)