၄.၁။ သမ္မုခါဝိနယ
၁၈၅။ ပ္ဍဲအခိၚ်တဳလမၞုံပိုဥ်ကျာ်တြဲ မပတၠပိုဥ်တြဴပြကာ သ္ပဒတံတန်ုဒၟံၚ်ပ္ဍဲဘာဇေတဝန် မဒှ်အာရှာမ် အနာထပိဏ္ဍိတသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် သ္ပကမ်ဂမၠိုၚ် ကုခမဳဂမၠိုၚ် မဟွံသေၚ်ကဵုဂတမုက်အိုတ်ရ၊ သ္ပတဴ တဇ္ဇနဳယကမ် ‘ပွမဘပဠ’ ကီု နိယဿကမ် ‘ပွမဒးနိဿယ်ဗ္ဒါဲလၟိုန်’ ကီု ပဗ္ဗာဇနိယကမ် ‘ပွမဗက်ပတိတ်’ ကီု ပဋိသာရဏဳယကမ် ‘ပွမကဵုဗှ်ဗၞုဟ်’ ကီု ဥက္ခေပနဳယကမ် ‘ပွမဗက်ပတိတ်’ (ဟိုတ်နူမပတမ် ပွမဟွံမၠာ်သ္ၚေဝ်အာပတ်) ကီုအိုတ်ရ။
ခမဳပၟိက်အောန်ဂမၠိုၚ်ဂှ် “ခမဳဆဗ္ဗဂ္ဂဳဂမၠိုၚ် မုဟိုတ် သ္ပတဇ္ဇနဳယကမ် ‘ပွမသဘပဠ’ ကီု နိယဿကမ် ‘ပွမဒးနိဿယ်ဗ္ဒာဲလၟိုန်’ ကီု ပဗ္ဗာဇနိယကမ် ‘ပွမဗက်ပတိတ်’ ကီု ပဋိသာရဏဳယကမ် ‘ပွမကဵုဗှ်ဗၞုဟ်’ ကီု ဥက္ခေပနဳယကမ် ‘ပွမဗက်ပတိတ်’ (ဟိုတ်နူမပတမ် ပွမဟွံမၠာ်သ္ၚေဝ်အာပတ်) ကီု ကုခမဳဂမၠိုၚ် မဟွံသေၚ်ကဵုဂတမုက်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဥ်ကျာ်တြဲအိုတ်ရ။ “ယွံခမဳတအ် ခမဳဆဗ္ဗဂ္ဂဳဂမၠိုၚ် သ္ပတဇ္ဇနဳယကမ် ‘ပွမဘပဠ’ ကီု နိယဿကမ် ‘ပွမဒးနိဿယ်ဗ္ဒာဲလၟိုန်’ ကီု ပဗ္ဗာဇနိယကမ် ‘ပွမဗက်ပတိတ်’ ကီု ပဋိသာရဏဳယကမ် ‘ပွမကဵုဗှ်ဗၞုဟ်’ကီု ဥက္ခေပနဳယကမ် ‘ပွမဗက်ပတိတ်’ (ဟိုတ်နူမပတမ် ပွမဟွံမၠာ်သ္ၚေဝ်အာပတ်)ကီု ကုခမဳဂမၠိုၚ် မဟွံသေၚ်ကဵုဂတမုက်အိုတ်ရ ဟီုဂှ် ဍာံပြဟာ” ရဴဝွံစၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။
တဳလမၞုံပိုဥ်ကျာ်တြဲ မပတၠပိုဥ်တြဴပြကာ ဟီုဂရိုဟ်ရ၊ “ယွံခမဳတအ် ဟွံထေက် ကုခမဳဂမၠိုၚ် မဒှ်တြုံမလ္ၚုသၟး (နူမဂ်ဖိုလ်)ဂှ်ရ၊ ဟွံသပ္ပါယ်ရ၊ အာကာရအရာခမဳတအ် ဟွံသေၚ်ရ၊ ဟွံဂပ်ဝ်(ကုခမဳဂမၠိုၚ်)ရ၊ ဟွံထေက်ကဵုသ္ပရ၊ ယွံခမဳတအ် ခမဳဂမၠိုၚ် မဒှ်တြုံမလ္ၚုသၟး (နူမဂ်ဖိုလ်) ဂှ် မုဟိုတ် သ္ပတဇ္ဇနဳယကမ် ‘ပွမဘပဠကီု နိယဿကမ် ‘ပွမဒးနိဿယ်ဗ္ဒာဲလၟိုန်’ ကီု ပဗ္ဗာဇနိယကမ် ‘ပွမဗက်ပတိတ်’ ကီု ပဋိသာရဏဳယကမ် ‘ပွမကဵုဗှ်ဗၞုဟ်’ ကီု ဥက္ခေပနဳယကမ် ‘ပွမဗက်ပတိတ်’ (ဟိုတ်နူမပတမ် ပွဟွံမၠာ်သ္ၚေဝ်အာပတ်)ကီု ကုခမဳဂမၠိုၚ် မဟွံသေၚ်ကဵု ဂတမုက်အိုတ်ရော?။
ယွံခမဳတအ် (ပွခမဳဆဗ္ဗဂ္ဂဳဂမၠိုၚ် သ္ပဒးဝွံ) ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး−
“ယွံခမဳတအ် ဟဂပ်ဝ်သ္ပ တဇ္ဇနဳယကမ် ‘ပွမဘပဠ’ ကီု နိယဿကမ် ‘ပွမဒးနိဿယ်ဗ္ဒာဲလၟိုန်’ ကီု ပဗ္ဗာဇနိယကမ် ‘ပွမဗက်ပတိတ်’ ကီု ပဋိသာရဏဳယကမ် ‘ပွမကဵုဗှ်ဗၞုဟ်’ ကီု ဥက္ခေပနဳယကမ် ‘ပွမဗက်ပတိတ်’ (ဟိုတ်နူမပတမ် ပွမဟွံမၠာ်သ္ၚေဝ်အာပတ်)ကီု ကုခမဳဂမၠိုၚ်မဟွံသေၚ်ကဵုဂတမုက်ရ၊ ကုခမဳမသ္ပဂှ် ဒးအာပတ်ဒုက္ကဋ်ရ” ရဴဝွံသ္ဂးကဵုခမဳဂမၠိုၚ်ရ။
၁၈၆။ အဓမ္မဝါဒဳ ပူဂိုလ်၊ အဓမ္မဝါဒဳ ပူဂိုလ်ဂၠိုၚ်၊ အဓမ္မဝါဒဳ သၚ်၊ ဓမ္မဝါဒဳ ပူဂိုလ်၊ ဓမ္မဝါဒဳ ပူဂိုလ်ဂၠိုၚ်၊ ဓမ္မဝါဒဳ သၚ်။
