သမုစ္စယက္ခန္ဓကဂှ် ဗွဲခမ္ဍန်

မာနတ်မဟဂပ်ဝ်ဂြောပ်ဗ္ဒန်၊ ကျာ်တြဲ တွံတဴ အာပတ်မဂြောပ်ဗ္ဒန် မွဲတ္ၚဲ ၜါတ္ၚဲ ပိတ္ၚဲ ပန်တ္ၚဲ မသုန်တ္ၚဲ လပါ်ဂိတု စှ်တ္ၚဲရ။

ပြဝးမၞုံလအိတ်ပွမသအးဇ္ၚး၊ ခမဳရာမ်တိတ်ခရှ်၊ ပါဠိမပတမ်ပရိမာဏ၊ ခမဳဂမၠိုၚ်ၜါဇကု ပ္ဍဲအာပတ်သံဃာဒိသေသ်ဂှ် မၞုံကဵုစၟတ်သမ္တီရဴဝွံမ္ဂး သံဃာဒိသေသ်အိုတ်ရ၊ ခမဳဂမၠိုၚ်ၜါဇကု မၞုံကဵုသၠေဟ်ပၟာအိုတ်ရ၊ တုပ်သၟဟ်သာ်ဂှ်ဟေၚ် (ခမဳဂမၠိုၚ်ၜါဇကု) မၞုံကဵုကွေတ်ရဴဝွံမ္ဂး လဟုက ဂရုကအာပတ်ဂမၠိုၚ်နှဴရဴအိုတ်ရ၊ ပ္ဍဲအရာဟွံသေၚ်ကဵု သံဃာဒိသေသ်သက်သက်ဂှ် မၞုံကဵုကွေတ်ရဴဝွံမ္ဂး သံဃာဒိသေသ်သက်သက်ဟွံသေၚ်အိုတ်ရ၊ တုပ်သၟဟ်သာ်ဂှ်ဟေၚ် ခမဳဂမၠိုၚ်ၜါဇကု မၞုံကဵုကွေတ်ရဴဝွံမ္ဂး လဟုကသက်သက် အိုတ်ရ၊ ခမဳမွဲဇကု ဂြောပ်ဗ္ဒန်လဝ်ရ။

နပၟိက်မမိက်ပလီုပလာ် ဂြောပ်ဗ္ဒန်လဝ်ရ၊ ခမဳမကြအ်ယှောတ်၊ ပွမဟီုလၟိၚ်ဒေသနာ၊ ပွမတံၚ်ဓဇက်တမ်၊ ဗွဲအစောမ်ပွမသအးဇ္ၚး စှ်သုန်ဝါရ၊ အ္စာပဒတဴဘာမဟာဝိဟာရဂမၠိုၚ် မပါ်ပရအ်ပိုဒ်ဝါကျမာန် မကဵုကောန်ညးတကအ်သိၚ်ဃဵုဂမၠိုၚ် လျုၚ်ဇြုၚ်သ္ဍိုက်မာန်ဂှ် သွက်ဓရ် ညးသပ္ပုရိုဟ်ဂွံတန်တဴ ဂပ်ဝ်စွံပတန်လဝ် လၟေၚ်ဖျေံပတိုန်ဝွံရ။

ဣဝွံတုန် ဗွဲခမ္ဍန်ရ။

☀︎☀︎☀︎သမုစ္စယက္ခန္ဓကတုဲရ။☀︎☀︎☀︎