၃.၂.၃။ ပြဝးၜါဂိတု
၁၃၈။ ပ္ဍဲအခိၚ်ဂှ် ခမဳမွဲဇကု အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ်ၜါဂိတုရ။ “အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ်ၜါဂိတုရ၊ အဲဂွံအာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုခမဳဂှ်ရ။
ခမဳဂှ် အာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုရ၊ သၚ် ကဵုပြဝးၜါဂိတုဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတု ကုခမဳဂှ်ရ၊ ခမဳဂှ် ဃောပဒတဴပြဝး သဘဴလဇ္ဇဳတၞီလုပ်ကၠုၚ်ရ။
အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ်ၜါဂိတုရ၊ “အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ်ၜါဂိတုရ၊ အဲဂွံအာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုအဲဂှ်ရ။
အဲဂှ် အာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုရ၊ သၚ် ကဵုပြဝးၜါဂိတုဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတု ကုအဲဂှ်ရ၊ အဲဂှ် ဃောပဒတဴ ပြဝး―
“အဲ ဂွံအာတ်သၚ် ပြဝးၜါဂိတု ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဝွံ သဘဴလဇ္ဇဳတၞီလုပ်ကၠုၚ်ရ။
ခမဳဂှ်― “ယွံကောန်တၠတအ် အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ်ၜါဂိတုတုဲရ။ အဲ အာစိုပ်အာပတ်သံဃာဒိသေတ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ်ၜါဂိတုရ၊ အဲ ဂွံအာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ် ၜါဂိတုမ္ဂးခိုဟ်သန်ရ” ရဴဝွံ ကသပ်ဒှ်ကၠုၚ် ကုအဲဂှ်ရ။
အဲဍိက်ဂှ် အာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ် ၜါဂိတုတုဲရ၊ သၚ်ကဵုပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတု ကုအဲဍိက်ဂှ်တုဲရ၊ ဃောပဒတဴပြဝး သဘဴလဇ္ဇဳတၞီလုပ်ကၠုၚ် ကုအဲဍိက်ဂှ်ရ။
အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုရ၊ “အဲ အာစိုပ်အာပတ်သံဃာဒိသေသ်ဂမပိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုတုဲရ၊ အဲ ဂွံအာတ်သၚ်ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုအဲဂှ်ရ။
အဲဂှ် အာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုတုဲရ၊ သၚ်ကဵုပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတု ကုအဲဂှ်တုဲရ၊ အဲဂှ် ဃောပဒတဴပြဝး―
“အဲ ဂွံအာတ်သၚ် ပြဝးၜါဂိတု ဒဒက်တဴအာပတ် မဂပ်ဝ်ဂြောပ်ဗ္ဒန်သအာၚ်လေဝ်မ္ဂးခိုဟ်သန်ရ” ရဴဝွံ သဘဴလဇ္ဇဳတၞီလုပ်ကၠုၚ်ရ၊ အဲဍိက်ပသာ်ဂွံဒ္ဂေတ်သ္ပရော?” ရဴဝွံ ဟီုသ္ဂးလဴဗ္စ ကုခမဳဂမၠိုၚ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဒှ်သာ်ဂှ်မ္ဂး သၚ် ဩဝ်ကဵုပြဝးၜါဂိတု ဒဒက်တဴအာပတ်သအာၚ် မဂပ်ဝ်ဂြောပ်ဗ္ဒန်လဝ်ၜါဂိတု ကုခမဳဂှ်ညိ။
ယွံခမဳတအ် ရဴဝွံ ဒးကဵုရ။ ယွံခမဳတအ် ခမဳဂှ် ပြာပ်အာဇရေၚ်သၚ်တုဲ လၜက်ကၠေဟ်ပတိုန် သ္ၚာကၞေဟ် ပ္ဍဲလတူပၞးပါဲမွဲလပါ် လ္ၚောဝ်ဒၠးဇိုၚ် ခမဳဇၞော်ဂမၠိုၚ်တုဲ ဂဇအ်ဒၟံၚ် ဗွဲလံက်ဂဇုန်သီုမပၚ်ပတိုန် ခၠအ်သၟိပ်တဲဂှ် ရဴဝွံ ဒးဟီုသ္ဂးရ―
“ယွံတဳလပိုဉ်တအ် အဲဍိက် အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ်ၜါဂိတုရ၊ အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုရ၊ အဲ ဂွံအာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဴဝွံ ကသၚ်ဒှ်ကၠုၚ် ကုအဲဍိက်ဂှ်ရ။
အဲဍိက်ဂှ် အာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုရ၊ သၚ်ကဵုပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတု ကုအဲဍိက်ဂှ်ရ၊ အဲဍိက်ဂှ် ဃောပဒတဴပြဝး သဘဴလဇ္ဇဳတၞီလုပ်ကၠုၚ်ရ။
အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုတုဲရ၊ အဲအာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုတုဲရ၊ အဲ ဂွံအာတ်သၚ်ပြဝးပဒတဴၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုအဲဂှ်ရ။
အဲဍိက်ဂှ် အာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ် ၜါဂိတုတုဲရ၊ သၚ်ကဵုပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတု ကုအဲဍိက်ဂှ်တုဲရ၊ အဲဍိက်ဂှ် ဃောပဒတဴပြဝး―
“အဲ ဂွံအာတ်သၚ် ပြဝးၜါဂိတု ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ် ၜါဂိတုမ္ဂး ခိုဟ်သန်ရ” ရဴဝွံ သဘဴလဇ္ဇဳတၞီလုပ်ကၠုၚ်ရ။
ယွံတဳလပိုဉ်တအ် အဲဍိက်ဂှ် အာတ်သၚ် ပြဝးၜါဂိတုတုဲ ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ်ၜါဂိတုရ” ရဴဝွံ ဒးဂရၚ်ပတီရ။
မရနုက်ကဵုၜါဝါလေဝ် ဒးအာတ်ရ၊ မရနုက်ကဵုပိဝါလေဝ် ဒးအာတ်ရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
၁၃၉။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုရ။ “အဲ အာစိုပ်အာပတ် သံဃာဒသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ်ၜါဂိတုရ၊ အဲ ဂွံအာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုခမဳဂှ်ရ။
ခမဳဂှ် အာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုရ၊ သၚ်ကဵုပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတု ကုခမဳဂှ်ရ၊ ခမဳဂှ် ဃောပဒတဴပြဝး သဘဴလဇ္ဇဳတၞီလုပ်ကၠုၚ်ရ။
အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုတုဲရ၊ “အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုတုဲရ၊ အဲအာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ်ကုအဲဂှ်ရ။
အဲဍိက်ဂှ် အာတ်သၚ် ပြဝးၜါဂိတု ဒဒက်တဴအာပတ်မွဲ ဂပ်ဝ်ဂြောပ်ဗ္ဒန်လဝ် ၜါဂိတုတုဲရ၊ သၚ် ကဵုပြဝး ၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ် ၜါဂိတု ကုအဲဂှ်တုဲရ၊ ဃောပဒတဴပြဝး―
“အဲ ဂွံအာတ်သၚ် ပြဝးၜါဂိတု ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ် ၜါဂိတုမ္ဂး ခိုဟ်သန်ရ” ရဴဝွံ သဘဴလဇ္ဇဳတၞီလုပ်ကၠုၚ် ကုအဲဍိက်ဂှ်ရ။
ခမဳဂှ် အာတ်သၚ်ပြဝးၜါဂိတုတုဲ ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ် ၜါဂိတုရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် ကဵုပြဝးၜါဂိတု ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ်ၜါဂိတု ကုခမဳမၞုံယၟုဝွံရ၊ ဣဝွံတုန် ပွမကဵုတီရောၚ်။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုရ။ “အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုရ၊ အဲ ဂွံအာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုခမဳဂှ်ရ။
ခမဳဂှ် အာတ်သၚ်ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုရ၊ သၚ် ကဵုပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတု ကုခမဳဂှ်ရ၊ ခမဳဂှ် ဃောပဒတဴပြဝး သဘဴလဇ္ဇဳတၞီလုပ်ကၠုၚ်ရ။
အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ် ၜါဂိတုတုဲရ၊ “အဲ အာစိုပ်အာပတ်သံဃာဒိသေသ်ဂမၠိုၚ်ၜါ မဂပ်ဝ်ဂြောပ်ဗ္ဒန်လဝ်ၜါဂိတုတုဲရ၊ အဲ ဂွံအာတ်သၚ်ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုအဲဂှ်ရ။ အဲဍိက်ဂှ် အာတ်သၚ် ပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတုတုဲရ၊ သၚ်ကဵုပြဝးၜါဂိတု ဒဒက်တဴအာပတ်မွဲ မဂပ်ဝ်ဂြောပ်ဗ္ဒန်လဝ်ၜါဂိတု ကုအဲဂှ်တုဲရ၊ ဃောပဒတဴပြဝး― “အဲ ဂွံအာတ်သၚ် ပြဝးၜါဂိတု ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ်ၜါဂိတုမ္ဂး ခိုဟ်သန်ရ” ရဴဝွံ သဘဴလဇ္ဇဳတၞီလုပ်ကၠုၚ် ကုအဲဍိက်ဂှ်ရ။
ခမဳဂှ် အာတ်သၚ် ပြဝးၜါဂိတုတုဲ ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ် ၜါဂိတုရ၊ သၚ်ကဵုပြဝးၜါဂိတု ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ် ၜါဂိတု ကုခမဳဂှ်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုပြဝးၜါဂိတု ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ်ၜါဂိတု ကခမဳမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။ သၚ် ဂပ်ဝ်ကဵုပြဝးၜါဂိတု ဒဒက်တဴအာပတ်သအာၚ်လေဝ် မဂပ်ဝ်ဂြောပ်ဗ္ဒန်လဝ်ၜါဂိတု ကုခမဳမၞုံယၟုဝွံတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။ ယွံခမဳတအ် ခမဳဂှ် သ္ပဟိုတ်ကဵုအာပတ်သံဃာဒိသေသ်သအာၚ် မဂပ်ဝ်ဂြောပ်ဗ္ဒန်လဝ်ၜါဂိတုဂှ်တုဲ ဒးပဒတဴပြဝး လုကဴၜါဂိတုဂမၠိုၚ်ရ။
