၃.၂.၂။ သဗ္ဗစိရပ္ပဋိစ္ဆန္န အဂ္ဃသမောဓာန်

၁၃၆။ ပ္ဍဲအခိၚ်ဂှ် ခမဳမွဲဇကု အာစိုပ်အာပတ်သံဃာဒိသေသ်ဂမၠိုၚ်မဂၠိုၚ်ရ၊ အာပတ်မွဲဂှ် ဂြောပ်ဗ္ဒန်လဝ်မွဲတ္ၚဲရ၊ အာပတ်မွဲဂှ် ဂြောပ်ဗ္ဒန်လဝ်ၜါတ္ၚဲရ၊ အာပတ်မွဲဂှ် ဂြောပ်ဗ္ဒန်လဝ်ပိတ္ၚဲရ၊ အာပတ်မွဲဂှ် ဂြောပ်ဗ္ဒန်လဝ် ပန်တ္ၚဲရ၊ အာပတ်မွဲဂှ် ဂြောပ်ဗ္ဒန်လဝ် မသုန်တ္ၚဲရ၊ အာပတ်မွဲဂှ် ဂြောပ်ဗ္ဒန်လဝ် တြဴတ္ၚဲရ၊ အာပတ်မွဲဂှ် ဂြောပ်ဗ္ဒန်လဝ် ထပှ်တ္ၚဲရ၊ အာပတ်မွဲ ဂြောပ်ဗ္ဒန်လဝ်ဒ္စါံတ္ၚဲရ၊ အာပတ်မွဲဂှ် ဂြောပ်ဗ္ဒန်လဝ်ဒ္စိတ်တ္ၚဲရ၊ အာပတ်မွဲ ဂြောပ်ဗ္ဒန်လဝ်စှ်တ္ၚဲရ၊ ခမဳဂှ်―

“ယွံကောန်တၠတအ် အဲဍိက် အာစိုပ်အာပတ်သံဃာဒိသေသ်ဂမၠိုၚ်မဂၠိုၚ်ရ၊ အာပတ်မွဲဂှ် ဂြောပ်ဗ္ဒန်လဝ်မွဲတ္ၚဲရ ။ ပ ။အာပတ်မွဲဂှ် ဂြောပ်ဗ္ဒန်လဝ်စှ်တ္ၚဲရ၊ အဲဍိက် ပသာ်ဂွံဒ္ဂေတ်သ္ပရော?” ရဴဝွံ ဟီုသ္ဂးလဴဗ္စ ကုခမဳဂမၠိုၚ်ရ။

ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဒှ်သာ်ဂှ်မ္ဂး ပၞောဝ်ကဵုအာပတ်ဂမၠိုၚ်ဂှ် နအပိုၚ်အခြာအာပတ်ဂမၠိုၚ် မဂပ်ဝ်ဂြောပ်ဗ္ဒန်လဝ်လအ်အိုတ် လတူအာပတ်ဂမၠိုၚ်အိုတ်သီုဂှ် သၚ် ဩဝ်ကဵုပြဝး ပံၚ်ပကောံတုဲ ပဒတဴညိ။ ယွံခမဳတအ် ရဴဝွံ ဒးကဵုရ၊ ယွံခမဳတအ် ခမဳဂှ် ပြာပ်အာဇရေၚ်သၚ်တုဲ ။ ပ ။

“ယွံတဳလပိုဉ်တအ် အဲဍိက် အာစိုပ်အာပတ် သံဃာဒိသေသ်ဂမၠိုၚ်မဂၠိုၚ်ရ၊ အာပတ်မွဲဂှ် ဂြောပ်ဗ္ဒန်လဝ်မွဲတ္ၚဲရ ။ ပ ။ အာပတ်ဂမၠိုၚ်စှ်ဂှ် ဂြောပ်ဗ္ဒန်လဝ်စှ်တ္ၚဲရ၊ ယွံတဳလပိုဉ်တအ် အဲဍိက်ဂှ် ပၞောဝ်ကဵုအာပတ်ဂမၠိုၚ်ဂှ် နအပိုၚ်အခြာအာပတ်ဂမၠိုၚ် မဂပ်ဝ်ဂြောပ်ဗ္ဒန်လဝ်လအ်အိုတ်ဂှ် အာတ်သၚ် ပြဝးပံၚ်ပကောံတုဲပဒတဴရ” ရဴဝွံ ဒးဂရၚ်ပတီရ။ မရနုက်ကဵုၜါဝါလေဝ် ဒးအာတ်ရ၊ မရနုက်ကဵုပိဝါလေဝ် ဒးအာတ်ရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တံဂှ် သ္ဒးကဵုသၚ်တီရ―

၁၃၇။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ အာစိုပ်အာပတ်သံဃာဒိသေသ်ဂမၠိုၚ်မဂၠိုၚ်ရ၊ အာပတ်မွဲဂှ် ဂြောပ်ဗ္ဒန်လဝ်မွဲတ္ၚဲရ ။ ပ ။ အာပတ်မွဲဂှ် ဂြောပ်ဗ္ဒန်လဝ်စှ်တ္ၚဲရ၊ ခမဳဂှ် ပၞောဝ်ကဵုအာပတ်ဂမၠိုၚ်ဂှ် နအပိုၚ်အခြာအာပတ်ဂမၠိုၚ် မဂပ်ဝ်ဂြောပ်ဗ္ဒန်လဝ်လအ်အိုတ်ဂှ် အာတ်သၚ် ပြဝးပံၚ်ပကောံတုဲပဒတဴရ၊ ကမ်မၞုံကဵုမဗဗွဲ ကုသၚ် ယဝ်ဒှ်မ္ဂး၊ ပၞောဝ်ကဵုအာပတ်ဂမၠိုၚ်ဂှ် နအပိုၚ်အခြာအာပတ်ဂမၠိုၚ် မဂပ်ဝ်ဂြောပ်ဗ္ဒန်လဝ်လအ်အိုတ် သၚ်ကဵုပြဝးပံၚ်ပကောံတုဲပဒတဴ ကုခမဳမၞုံယၟုဝွံရ၊ ဣဝွံတုန် ပွမကဵုတီရောၚ်။

ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ အာစိုပ်အာပတ်သံဃာဒိသေသ်ဂမၠိုၚ်မဂၠိုၚ်ရ၊ အာပတ်မွဲဂှ် ဂြောပ်ဗ္ဒန်လဝ်မွဲတ္ၚဲရ ။ ပ ။ အာပတ်မွဲဂှ် ဂြောပ်ဗ္ဒန်လဝ်စှ်တ္ၚဲရ၊ ခမဳဂှ် ပၞောဝ်ကဵုအာပတ်ဂမၠိုၚ်ဂှ် နအပိုၚ်အခြာအာပတ်ဂမၠိုၚ် မဂပ်ဝ်ဂြောပ်ဗ္ဒန်လဝ်လအ်အိုတ်ဂှ် အာတ်သၚ် ပြဝးပံၚ်ပကောံတုဲပဒတဴရ၊ ပၞောဝ်ကဵုအာပတ်ဂမၠိုၚ်ဂှ် နအပိုၚ်အခြာအာပတ်ဂမၠိုၚ် မဂပ်ဝ်ဂြောပ်ဗ္ဒန်လဝ်လအ်အိုတ်ဂှ် သၚ်ကဵုပြဝးပံၚ်ပကောံတုဲပဒတဴ ကုခမဳမၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုပြဝးပံၚ်ပကောံတုဲပဒတဴ ပၞောဝ်ကဵုအာပတ်ဂမၠိုၚ်ဂှ် နအပိုၚ်အခြာအာပတ်ဂမၠိုၚ် မဂပ်ဝ်ဂြောပ်ဗ္ဒန်လဝ်လအ်အိုတ် ကုခမဳမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုပတိုန်ရ။ မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။

သၚ် ဂပ်ဝ်ကဵုပြဝး ပံၚ်ပကောံတုဲပဒတဴ ပၞောဝ်ကဵုအာပတ်ဂမၠိုၚ်ဂှ် နအပိုၚ်အခြာအာပတ်ဂမၠိုၚ် မဂပ်ဝ်ဂြောပ်ဗ္ဒန်လဝ်လအ်အိုတ်ဂှ် ကုခမဳမၞုံယၟုဝွံတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။