၄.၁.၅။ အဗ္ဘာန်မဂပ်ဝ်ဂြောပ်ဗ္ဒန်လဝ်မွဲတ္ၚဲ
၁၀၆။ ဥဒါယဳဂှ် ဒ္ဂေတ်မာနတ်တုဲဒှ်တုဲ―
“ယွံကောန်တၠတအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲရ၊ အဲဍိက်ဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ်ပြဝးမွဲတ္ၚဲရ၊ သၚ်ကဵုပြဝးမွဲတ္ၚဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ ကုအဲဍိက်ရ၊ အဲဍိက်ဂှ် ပဒတဴပြဝးတုဲဒှ်တုဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ် မာနတ် (မဒးဒ္ဂေတ်) လုကဴတြဴဗတမ်ရ၊ သၚ် ကဵုမာနတ် (မဒးဒ္ဂေတ်) လုကဴတြဴဗတမ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ ကုအဲဍိက်ရ၊ အဲဍိက်ဂှ် ဒ္ဂေတ်မာနတ်တုဲရ၊ အဲဍိက် ပသာ်ဒးဒ္ဂေတ်သ္ပဏီရော?” ရဴဝွံ ဟီုသ္ဂးလဴဗ္စ ကုခမဳဂမၠိုၚ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဒှ်သာ်ဂှ်မ္ဂး သၚ် ဩဝ်ကော်ပၠုပ်အဗ္ဘာန် ဥဒါယဳညိ။
ယွံခမဳတအ် ရဴဝွံ ဒး ကော် ပၠု ပ်အဗ္ဘာန်ရ။
ယွံခမဳတအ် ခမဳဥဒါယဳဂှ် ပြာပ်အာဇရေၚ်သၚ်တုဲ ။ ပ ။
“ယွံတဳပိုဉ်တအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ၊ အဲဍိက်ဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ်ပြဝးမွဲတ္ၚဲရ၊ သၚ် ကဵုပြဝးမွဲတ္ၚဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ ကုအဲဍိက်ရ၊ အဲဍိက်ဂှ် ပဒတဴပြဝးတုဲဒှ်တုဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ် မာနတ် (မဒးဒ္ဂေတ်) လုကဴတြဴဗတမ်ရ၊ သၚ် ကဵုမာနတ် (မဒးဒ္ဂေတ်) လုကဴတြဴဗတမ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ ကုအဲဍိက်ဂှ်ဂ၊ ယွံတဳလပိုဉ်တအ် အဲဍိက်ဂှ် ဒ္ဂေတ်မာနတ်တုဲဒှ်တုဲ အာတ်သၚ် ပွမကော်ပၠုပ်အဗ္ဘာန်ရ” ရဴဝွံ ဒးဟီုသ္ဂးရ။
မရနုက်ကဵုၜါဝါလေဝ် ဒးအာတ်ရ၊ မရနုက်ကဵုပိဝါလေဝ် ဒးအာတ်ရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
၁၀၇။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲရ၊ ခမဳဥဒါယဳဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ် ပြဝးမွဲတ္ၚဲရ၊ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ သၚ်ကဵုပြဝးမွဲတ္ၚဲ ကုခမဳဥဒါယဳရ၊ ခမဳဥဒါယဳဂှ် ပဒတဴပြဝးတုဲဒှ်တုဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ် မာနတ် (မဒးဒ္ဂေတ်) လုကဴတြဴဗတမ်ရ၊ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ သၚ် ကဵုမာနတ် (မဒးဒ္ဂေတ်) လုကဴတြဴဗတမ် ကုခမဳဥဒါယဳရ၊ ခမဳဥဒါယဳဂှ် ဒ္ဂေတ်မာနတ်တုဲဒှ်တုဲ အာတ်သၚ် ပွမကော်ပၠုပ်အဗ္ဘာန်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်ကော်ပၠုပ်အဗ္ဘာန် ခမဳဥဒါယဳရ။ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲရ၊ ခမဳဥဒါယဳဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ် ပြဝးမွဲတ္ၚဲရ၊ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ သၚ်ကဵုပြဝးမွဲတ္ၚဲ ကုခမဳဥဒါယဳရ၊ ခမဳဥဒါယဳဂှ် ပဒတဴပြဝးတုဲဒှ်တုဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ် မာနတ် (မဒးဒ္ဂေတ်) လုကဴတြဴဗတမ်ရ၊ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲ သၚ် ကဵုမာနတ် (မဒးဒ္ဂေတ်) လုကဴတြဴဗတမ် ကုခမဳဥဒါယဳရ၊ ခမဳဥဒါယဳဂှ် ဒ္ဂေတ်မာနတ်တုဲဒှ်တုဲ အာတ်သၚ် ပွမကော်ပၠုပ်အဗ္ဘာန်ရ၊ သၚ် ကော်ပၠုပ်အဗ္ဘာန် ခမဳဥဒါယဳရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကော်ပၠုပ်အဗ္ဘာန် ခမဳဥဒါယဳရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။
သၚ် ဂပ်ဝ်ကော်ပၠုပ်အဗ္ဘာန် ခမဳဥဒါယဳတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
