၃.၁.၄။ မာနတ်မဂပ်ဝ်ဂြောပ်ဗ္ဒန်လဝ်မွဲတ္ၚဲ
၁၀၄။ ဥဒါယဳဂှ် ပဒတဴပြဝးတုဲဒှ်တုဲ−
“ယွံကောန်တၠတအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲရ၊ အဲဍိက်ဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ်ပြဝးမွဲတ္ၚဲရ၊ သၚ် ကဵုပြဝးမွဲတ္ၚဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ ကုအဲဍိက်ရ၊ အဲဍိက်ဂှ် ပဒတဴပြဝးတုဲရ၊ အဲဍိက် ပသာ်ဒးဒ္ဂေတ်သ္ပဏီရော?” ရဴဝွံ ဟီုသ္ဂးလဴဗ္စ ကုခမဳဂမၠိုၚ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဒှ်သာ်ဂှ်မ္ဂး ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ သၚ် ဩဝ်ကဵုမာနတ် (မဒးဒ္ဂေတ်) လုကဴတြဴဗတမ် ကုဥဒါယဳညိ။
ယွံခမဳတအ် ရဴဝွံ ဒးကဵုရ။ ယွံခမဳတအ် ခမဳဥဒါယဳဂှ် ပြာပ်အာဇရေၚ်သၚ်တုဲ။ ပ ။
“ယွံတဳလပိုဉ်တအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲရ၊ အဲဍိက်ဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်မွဲတ္ၚဲ အာတ်သၚ်ပြဝးမွဲတ္ၚဲရ၊ သၚ် ကဵုပြဝးမွဲတ္ၚဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ ကုအဲဍိက်ဂှ်ရ။ ယွံတဳလပိုဉ်တအ် အဲဍိုက်ဂှ် ပဒတဴပြဝးတုဲဒှ်တုဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ် မာန် (မဒးဒ္ဂေတ်) လူကဴတဴဗတမ်ရ” ရဴဝွံ ဒးဟီုသ္ဂးရ။
မရနုက်ကဵုၜါဝါလေဝ် ဒးအာတ်ရ၊ မရနုက်ကဵုပိဝါလေဝ် ဒးအာတ်ရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ−
၁၀၅။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲရ၊ ခမဳဥဒါယဳဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ် ပြဝးမွဲတ္ၚဲရ၊ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ သၚ်ကဵုပြဝးမွဲတ္ၚဲ ကုခမဳဥဒါယဳရ၊ ခမဳဥဒါယဳဂှ် ပဒတဴပြဝးတုဲဒှ်တုဲ ဟိုတ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ်မာတ်န (မဒးဒ္ဂေတ်) လုကဴတြဴဗတမ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ သၚ် ကဵုမာနတ် (မဒးဒ္ဂေတ်) လုကဴတြဴဗတမ် ကုခမဳဥဒါယဳရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲရ၊ ခမဳဥဒါယဳဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ အာတ်သၚ် ပြဝးမွဲတ္ၚဲရ၊ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ သၚ်ကဵုပြဝးမွဲတ္ၚဲ ကုခမဳဥဒါယဳရ၊ ခမဳဥဒါယဳဂှ် ပဒတဴပြဝးတုဲဒှ်တုဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲတုဲ အာတ်သၚ် မာနတ် (မဒးဒ္ဂေတ်) လုကဴတြဲဗတမ်ရ၊ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်မွဲတ္ၚဲ သၚ်ကဵုမာနတ် (မဒးဒ္ဂေတ်) လကဴတြဴဗတမ် ကုခမဳဥဒါယဳရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုမာနတ် (မဒးဒ္ဂေတ်) လုကဴတြဴဗတမ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ ကုခမဳဥဒါယဳရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။
သၚ် ဂပ်ဝ်ကဵုမာနတ် (မဒးဒ္ဂေတ်) လုကဴတြဴဗတမ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မွဲတ္ၚဲ ကုခမဳဥဒါယဳတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
