၃.၁.၁၇။ မာနတ် အာပတ်ဂမၠိုၚ်ပိကူ
၁၂၈။ ဥဒါယဳဂှ် ပဒတဴပြဝးတုဲဒှ်တုဲ―
“ယွံကောန်တၠတအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတုရ ။ ပ ။ အဲဍိက်ဂှ် ပဒတဴပြဝးတုဲဒှ်ရ၊ အဲဍိက်ပသာ်ဒးဒ္ဂေတ်ဏီရော?” ရဴဝွံ ဟီုသ္ဂးလဴဗ္စ ကုခမဳဂမၠိုၚ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဒှ်သာ်ဂှ်မ္ဂး သၚ် ဩဝ်ကဵုမာနတ် (မဒးဒ္ဂေတ်) လုကဴတြဴဗတမ် ဒဒက်တဴအာပတ်ဂမၠိုၚ်ပိ ကုခမဳဥဒါယဳညိ။
ယွံခမဳတအ် ရဴဝွံ ဒးကဵုရ။ ယွံခမဳတအ် ခမဳဥဒါယဳဂှ် ပြာပ်အာဇရေၚ်သၚ်တုဲ ။ ပ ။
“ယွံတဳလပိုဉ်တအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတုရ ။ ပ ။ ယွံတဳလပိုဉ်တအ် အဲဍိက်ဂှ် ပဒတဴပြဝးတုဲဒှ်တုဲ အာတ်သၚ် မာနတ် (မဒးဒ္ဂေတ်) လုကဴတြဴဗတမ် ဒဒက်တဴအာပတ်ဂမၠိုၚ်ပိရ” ရဴဝွံ ဒးဟီုသ္ဂးရ။ မရနုက်ကဵုၜါဝါလေဝ် ဒးအာတ်ရ၊ မရနုက်ကဵုပိဝါလေဝ် ဒးအာတ်ရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
၁၂၉။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ် လပါ်ဂိတုရ ။ ပ ။ ခမဳဥဒါယဳဂှ် ပဒတတဴပြဝးတုဲဒှ်တုဲ အာတ်သၚ် မာနတ် (မဒးဒ္ဂေတ်) လုကဴတြဴဗတမ် ဒဒက်တဴအာပတ်ဂမၠိုၚ်ပိရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် ကဵုမာနတ် (မဒးဒ္ဂေတ်) လုကဴတြဴဗတမ် ဒဒက်တဴအာပတ်ဂမၠိုၚ် ကုခမဳဥဒါယဳရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ် လပါ်ဂိတုရ ။ ပ ။ ခမဳဥဒါယဳဂှ် ပဒတတဴပြဝးတုဲဒှ်တုဲ အာတ်သၚ် မာနတ် (မဒးဒ္ဂေတ်) လုကဴတြဴဗတမ် ဒဒက်တဴအာပတ်ဂမၠိုၚ်ပိရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် ကဵုမာနတ် (မဒးဒ္ဂေတ်) လုကဴတြဴဗတမ် ဒဒက်တဴအာပတ်ဂမၠိုၚ် ကုခမဳဥဒါယဳရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုမာနတ် (မဒးဒ္ဂေတ်) လုကဴတြဴဗတမ် ဒဒက်တဴအာပတ်ဂမၠိုၚ်ပိ ကုခမဳဥဒါယဳရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။ သၚ် ဂပ်ဝ်ကဵုမာနတ် (မဒးဒ္ဂေတ်) လုကဴတြဴဗတမ် ဒဒက်တဴအာပတ်ဂမၠိုၚ်ပိ ကုခမဳဥဒါယဳတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
