၃.၁.၁၄။ ပွမတံၚ်ဓဇက်တမ်ဃောပဒတဴပြဝး မဂပ်ဝ်ဂြောပ်ဗ္ဒန်လဝ် လပါ်ဂိတု
၁၂၃။ ဥဒါယဳဂှ် ဃောပဒတဴပြဝး ပ္ဍဲအပ္ဍဲဝတ် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ၊ ဥဒါယဳဂှ်―
“ယွံကောန်တၠတအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတုရ၊ အဲဍိက်ဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု အာတ်သၚ် ပြဝးပဒတဴလပါ်ဂိတုရ၊ သၚ်ကဵု ပြဝးပဒတဴလပါ်ဂိတု ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု ကုအဲဍိက်ဂှ်ရ၊ အဲဍိက်ဂှ် ဃောပဒတဴပြဝး ပ္ဍဲအပ္ဍဲဝတ် အာစိုပ်အာပတ်မွဲ သ္ပလွဳပရာ နစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ၊ အဲဍိက် ပသာ်ဒးဒ္ဂေတ်သ္ပဏီရော?” ရဴဝွံ ဟီုသ္ဂးလဴဗ္စ ကုခမဳဂမၠိုၚ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဒှ်သာ်ဂှ်မ္ဂး ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲ သၚ်တံၚ်ဓဇက်တမ် ခမဳဥဒါယဳတုဲ ဩဝ်ကဵုပြဝးပံၚ်ပကောံကေုာံအာပတ်ကၠာတုဲ ဒးပဒတဴ (ဒးပံၚ် ဒဂိုန်ဒ္ဂေတ်) ညိ။
ယွံခမဳတအ် ရဴဝွံ ဒးတံၚ်ဓဇက်တမ်ရ။ ယွံခမဳတအ် ခမဳဥဒါယဳဂှ် ပြာပ်အာဇရေၚ် သၚ်တုဲ ။ ပ ။
“ယွံတဳလပိုဉ်တအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု အာတ်သၚ် ပြဝးပဒတဴလပါ်ဂိတုရ၊ သၚ်ကဵုပြဝးပဒတဴလပါ်ဂိတုတုဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ် လပါ်ဂိတု ကုအဲဍိက်ဂှ်ရ၊ အဲဍိက်ဂှ် ဃောပဒတဴပြဝး ပ္ဍဲအပ္ဍဲဝတ် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ၊ ယွံတဳလပိုဉ်တအ် အဲဍိက်ဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲ အာတ်သၚ် ပွမတံၚ်ဓဇက်တမ်ရ” ရဴဝွံ ဒးဟီုသ္ဂးရ။
မရနုက်ကဵုၜါဝါလေဝ် ဒးအာတ်ရ၊ မရနုက်ကဵုပိဝါလေဝ် ဒးအာတ်ရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
၁၂၄။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတုရ၊ ဥဒါယဳဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု အာတ်သၚ် ပြဝးပဒတဴလပါ်ဂိတုရ၊ သၚ်ကဵုပြဝးပဒတဴလပါ်ဂိတုတုဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု ကုခမဳဥဒါယဳရ။
ဥဒါယဳဂှ် ဃောပဒတဴပြဝး ပ္ဍဲအပ္ဍဲဝတ် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ၊ ဥဒါယဳဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲ အာတ်သၚ် ပွမတံၚ်ဓဇက်တမ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ ပ္ဍဲအပ္ဍဲဝတ်ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲ သၚ်တံၚ်ဓဇက်တမ် ခမဳဥဒါယဳရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတုရ၊ ဥဒါယဳဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု အာတ်သၚ် ပြဝ်ပဒတဴလပါ်ဂိတုရ၊ သၚ်ကဵုပြဝးပဒတဴလပါ်ဂိတုတုဲ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု ကုခမဳဥဒါယဳရ။
ဥဒါယဳဂှ် ဃောပဒတဴပြဝး ပ္ဍဲအပ္ဍဲဝတ် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ၊ ဥဒါယဳဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲ အာတ်သၚ် ပွမတံၚ်ဓဇက်တမ်ရ၊ ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ် မသုန်တ္ၚဲ သၚ်တံၚ်ဓဇက်တမ် ခမဳဥဒါယဳရ၊ ယြဴကုတဳလပိုဉ်မွဲ သ္ဍိုက်မၠိုက် ပွမတံၚ်ဓဇက်တမ် ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲ ကုခမဳဥဒါယဳရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။
သၚ် ဂပ်ဝ်တံၚ်ဓဇက် ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ် မသုန်တ္ၚဲ ခမဳဥဒါယဳတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
