၃.၁.၁၃။ ပြဝးမဂပ်ဝ်ဂြောပ်ဗ္ဒန်လဝ် လပါ်ဂိတု
၁၂၁။ ပ္ဍဲအခိၚ်ဂှ် တဳလပိုဉ်ဥဒါယဳ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု (စှ်သုန်တ္ၚဲ) ရ။ ဥဒါယဳဂှ်―
“ယွံကောန်တၠတအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတုရ၊ အဲဍိက် ပသာ်ဂွံဒ္ဂေတ်သ္ပရော?” ရဴဝွံ ဟီုသ္ဂးလဴဗ္စ ကုခမဳဂမၠိုၚ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဒှ်သာ်ဂှ်မ္ဂး ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု သၚ် ဩဝ်ကဵုပြဝးပဒတဴလပါ်ဂိတု ကုဥဒါယဳညိ။
ယွံခမဳတအ် ရဴဝွံ ဒးကဵုရ။ ယွံခမဳတအ် ခမဳဥဒါယဳဂှ် ပြာပ်အာဇရေၚ်သၚ်တုဲ ။ ပ ။
“ယွံတဳလပိုဉ်တအ် အဲဍိက် အာစိုပ်အာပတ်မွဲ သ္ပလွဳပရာ နစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတုရ၊ ယွံတဳလပိုဉ်တအ် အဲဍိက်ဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု အာတ်သၚ် ပြဝးပဒတဴလပါ်ဂိတုရ” ရဴဝွံ ဒးဟီုသ္ဂးရ။
မရနုက်ကဵုၜါဝ်လေဝ် ဒးအာတ်ရ၊ မရနုက်ကဵုပိဝါလေဝ် ဒးအာတ်ရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
၁၁၂။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတုရ၊ ခမဳဥဒါယဳဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု အာတ်သၚ် ပြဝးပဒတဴလပါ်ဂိတုရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု သၚ်ကဵု ပြဝး ပဒတဴလပါ်ဂိတု ကုခမဳဥဒါယဳရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတုရ၊ ခမဳဥဒါယဳဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု အာတ်သၚ် ပြဝးဒတဴလပါ်ဂိတုရ၊ ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု သၚ်ကဵုပြဝးပဒတဴလပါ်ဂိတု ကုခမဳဥဒါယဳရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုပြဝးပဒတဴလပါ်ဂတု ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်လပါ်ဂိတု ကုခမဳဥဒါယဳရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ ။ ပ ။
သၚ် ဂပ်ဝ်ကဵုပြဝးပဒတဴလပါ်ဂိတု ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ် လပါ်ဂိတု ခမဳဥဒါယဳတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
