၃.၁။ သုက္ကဝိဿဋ္ဌိ

၉၇။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇတေဝန် မဒှ်အာရှာမ် အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် တဳလပိုဉ်ဥဒါယဳ အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ်ရ။ တဳလပိုဉ်ဥဒါယဳဂှ် “ယွံကောန်တၠတအ် အဲဍိက် အာစိုပ်အာပတ်မွဲ သ္ပလွဳပရာ နကဵုစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ်ရ၊ အဲဍိက် ပသာ်ဂွံဒ္ဂေတ်သ္ပရော?” ရဴဝွံ ဟီုသ္ဂးလဴဗ္စ ကုခမဳဂမၠိုၚ်ရ။

ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။

ယွံခမဳတအ် ဒှ်သာ်ဂှ်မ္ဂး ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ် သၚ် ဩဝ်ကဵုမာနတ် လုကဴတြဴဗတမ် ကုဥဒါယဳညိ။ (မာနတ် ဒ္ဂေတ်ဝတ် မကဵုသၚ်သၞေံသၞဴသ္ဍိုက်မၠိုက်) ယွံခမဳတအ် ရဴဝွံ ဒးကဵုရ။