၂.၁။ ဒ္ဂေတ်ဝတ် ခမဳမဒဂိုန်ဒ္ဂေတ်ပြဝး
၇၅။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ် အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳမဒဂိုန်ဒ္ဂေတ်ပြဝးဂမၠိုၚ် သာယျေန်တဴ ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမသ္ပရှေ်သှေ်ရဴဂဴ ပွမလးကဵုသၞာ ပွမလးကဵုသၞာသတိက် ပွမစွံပတန်ဍာ်ကြဴဇိုၚ် ကေုာံကဝေက်ပေါတ်ဇိုၚ် ပွမဟောဝ်ဂိုၚ် ကေတ်ဗဗေၚ်သ္ၚာ ပ္ဍဲအရာဟုမ်ဍာ် ပွမတုဟ်ပေါတ်မိဟ် ပ္ဍဲစၞိန်စး ဒဒက်တဴခမဳ ပကတတ်ဂမၠိုၚ်အိုတ်ရ။
ခမဳပၟိက်အောန်ဂမၠိုၚ်ဂှ် “ခမဳမဒဂိုန်ဒ္ဂေတ်ပြဝးဂမၠိုၚ် မုဟိုတ် သာယျေန်တဴ ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမသ္ပရှေ်သှေ်ရဴဂဴ ပွမလးကဵုသၞာ ပွမလးကဵုသၞာသတိက် ပွမစွံပတန်ဍာ်ကြဴဇိုၚ် ကေုာံကဝေက်ပေါတ်ဇိုၚ် ပွမဟောဝ်ဂိုၚ် ကေတ်ဗဗေၚ်သ္ၚာ ပ္ဍဲအရာဟုမ်ဍာ် ပွမတုဟ်ပေါတ်မိဟ် ပ္ဍဲစၞိန်စး ဒဒက်တဴခမဳ ပကတတ်ဂမၠိုၚ်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုခမဳသၚ် ကောံဓရီုတုဲ―
“ယွံခမဳတအ် ခမဳမဒဂိုန်ဒ္ဂေတ်ပြဝးဂမၠိုၚ် သာယျေန်တဴ ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမသ္ပရှေ်သှေ်ရဴဂဴ ပွမလးကဵုသၞာ ပွမလးကဵုသၞာသတိက် ပွမစွံပတန်ဍာ်ကြဴဇိုၚ် ကေုာံကဝေက်ပေါတ်ဇိုၚ် ပွမဟောဝ်ဂိုၚ် ကေတ်ဗဗေၚ်သ္ၚာ ပ္ဍဲအရာဟုမ်ဍာ် ပွမတုဟ်ပေါတ်မိဟ် ပ္ဍဲစၞိန်စး ဒဒက်တဴခမဳ ပကတတ်ဂမၠိုၚ်အိုတ်ရ ဟီုဂှ်ဍာံပြဟာ” ရဴဝွံ စၟဳစၟတ်သၟာန်သၟုက် ခမဳဂမၠိုၚ်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။
တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ “ယွံခမဳတအ် ဟွံထေက်ရ ။ ပ ။ ယွံခမဳတအ် ခမဳမဒဂိုန်ဒ္ဂေတ်ပြဝးဂမၠိုၚ် မုဟိုတ် သာယျေန်တဴ ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမသ္ပရှေ်သှေ်ရဴဂဴ ပွမလးကဵုသၞာ ပွမလးကဵုသၞာသတိက် ပွမစွံပတန်ဍာ်ကြဴဇိုၚ် ကေုာံကဝေက်ပေါတ်ဇိုၚ် ပွမဟောဝ်ဂိုၚ် ကေတ်ဗဗေၚ်သ္ၚာ ပ္ဍဲအရာဟုမ်ဍာ် ပွမတုဟ်ပေါတ်မိဟ် ပ္ဍဲစၞိန်စး ဒဒက်တဴခမဳ ပကတတ်ဂမၠိုၚ်အိုတ်ရော?။
ယွံခမဳတအ် (ပွခမဳဂမၠိုၚ် သ္ပဒးဝွံ) ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
ယွံခမဳတအ် ခမဳဒဂိုန်ဒ္ဂေတ်ပြဝးဂှ် ဟဂပ်ဝ်သာယျေန်တဴ ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမသ္ပရှေ်သှေ်ရဴဂဴ ပွမလးကဵုသၞာ ပွမလးကဵုသၞာသတိက် ပွမစွံပတန်ဍာ်ကြဴဇိုၚ် ကေုာံကဝေက်ပေါတ်ဇိုၚ် ပွမဟောဝ်ဂိုၚ် ကေတ်ဗဗေၚ်သ္ၚာ ပ္ဍဲအရာဟုမ်ဍာ် ပွမတုဟ်ပေါတ်မိဟ် ပ္ဍဲစၞိန်စး ဒဒက်တဴခမဳ ပကတတ်ဂမၠိုၚ်ရ၊ ကုခမဳ မသာယျေန်ဂှ် ဒးအာပတ်ဒုက္ကဋ်ရ။
ယွံခမဳတအ် ကုခမဳမဒဂိုန်ဒ္ဂေတ်ပြဝးဂမၠိုၚ် ရၚ်သကအ် အတိုၚ်လၟေၚ်ညးဇၞော် ကဵုအခေါၚ် ပွမသာယျေန်တဴ ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမသ္ပရှေ်သှေ်ရဴဂဴ ပွမလးကဵုသၞာ ပွမလးကဵုသၞာသတိက် ပွမစွံပတန်ဍာ်ကြဴဇိုၚ် ကေုာံကဝေက်ပေါတ်ဇိုၚ် ပွမဟောဝ်ဂိုၚ် ကေတ်ဗဗေၚ်သ္ၚာ ပ္ဍဲအရာဟုမ်ဍာ် ပွမတုဟ်ပေါတ်မိဟ် ပ္ဍဲစၞိန်စးဂမၠိုၚ်ရ။
ယွံခမဳတအ် ကုခမဳမဒဂိုန်ဒ္ဂေတ်ပြဝးဂမၠိုၚ် အတိုၚ်လၟေၚ်ညးဇၞော် ဥပေါသ်ကီု ပဝါရဏာကီု သ္ၚာသၞုက်ဗြဲကီု ပွမသၠးဝတ်ပိဏ္ဍပါတ်ကီု ဘတ် (မပတအ်သံဃဘတ်ကီု) ကဵုအခေါၚ် မသုန်ပြကာဝွံရ။
ယွံခမဳတအ် ဒှ်သာ်ဂှ်မ္ဂး ပညပ်တဴ ဒ္ဂေတ်ဝတ် ခမဳမဒဂိုန်ဒ္ဂေတ်ပြဝးဂမၠိုၚ်ရ၊ အတိုၚ်ဒ္ဂေတ်ဝတ်ဂှ် ခမဳမဒဂိုန်ဒ္ဂေတ်ပြဝးဂမၠိုၚ် ဒးဒ္ဂေတ်ရ။
၇၆။ ယွံခမဳတအ် ခမဳမဒဂိုန်ဒ္ဂေတ်ပြဝးဂှ် ဒးဒ္ဂေတ်ဗွဲမဒးရးရ။ ကြက်သ္ဂးဂတဝွံတုန် ပ္ဍဲအရာမဒ္ဂေတ်ဂှ် ဒ္ဂေတ်ဝတ် မဒးဒ္ဂေတ်သ္ပဗွဲမဒးရးရောၚ်၊ (သ္ပအ္စာဥပဇ္ၛာယ်တုဲ) ဟဂပ်ဝ်ပကဵုပယျၚ်ရ၊ ဟဂပ်ဝ် ကဵုနိဿယရ၊ ဟဂပ်ဝ် ကဵုသာမဏဳကၠောန်ၜိုတ်ရ၊ ဟဂပ်ဝ်သာယျေန်သ္ဍိုက်မၠိုက် ပွမသၟိတ်ပတိုန် သွက်ဂွံဒၠောံဗတောန်ခမဳဗြဴဂမၠိုၚ်ရ၊ ၜိုန်ဂွံဒုၚ်သၟိတ်လေဝ် ဟဂပ်ဝ်ကဵု ဩဝါဒကဵုခမဳဗြဴဂမၠိုၚ်ရ၊ ဟွံထေက်ကဵုအာစိုပ်အာပတ် မဒှ်ဟိုတ်သၚ်ကဵုပြဝးရ၊ အာပတ်သအာၚ် တၠုၚ်လအာတုပ်ကဵုဂှ်ကီု အာပတ်ယုတ်မာ ကြံၚ်မ္ၚိုဟ်လောန်လတူဂှ်ကီု ဟွံထေက်ကဵုအာစိုပ်ရ၊ ဟွံထေက်ကဵု ဟီုဂရိုဟ်ကမ်ရ၊ ဟွံထေက်ကဵု ဟီုဂရိုဟ် ခမဳသ္ပကမ်ဂမၠိုၚ်ရ၊ ဟွံထေက်ကဵုတန်ဒေါံဥပေါသ် ခမဳပကတတ်ရ၊ ဟွံထေက်ကဵုတန်ဒေါံ ပဝါရဏာရ၊ ဟဂပ်ဝ်သ္ပ ပွမဒၠောံဗတောန်ရ၊ ဟွံထေက်ကဵုဂိုၚ်ကေတ် အရာဇၞော်သကိုပ်သကရ၊ ဟွံထေက်ကဵု အာတ်အခေါၚ်ရ၊ ဟွံထေက်ကဵု စောဒနာရ၊ ဟွံထေက်ကဵု ကဵုဗှ်ဗၞုဟ်ရ၊ ဟွံထေက်ကဵု စိုန်သကီုနှဴရဴ ကေုာံခမဳပကတတ်ဂမၠိုၚ်ရ။
၇၇။ ယွံခမဳတအ် ခမဳမဒဂိုန်ဒ္ဂေတ်ပြဝးဂှ် ဟွံထေက်ကဵုအာနူဂတ ခမဳပကတတ်ရ၊ ဟွံထေက်ကဵုဂဇအ် နူဂတရ။
သၞာယုတ်ပရေအ်အိုတ် သၞာသတိက်ယုတ်ပရေအ်အိုတ် ဘာယုက်ပရေအ်အိုတ် သၚ်ဂှ် ဒးကဵုကုခမဳမဒဂိုန်ဒ္ဂေတ်ပြဝးရ၊ ခမဳဂှ်လေဝ် ဒးသ္ဍိုက်မၠိုက် သၞာ သၞာသတိက် ဘာဂှ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် သ္ပအာဂတ ခမဳပကတတ်တုဲကီု သ္ပဗွက်ကြဴတုဲကီု ဟွံထေက်ကဵုပြာပ်အာ သ္ၚိဒကာဂမၠိုၚ်ရ။
ဟွံထေက်ကဵုဒဂိုန်ဒ္ဂေတ် ဓုတၚ်အရညိကရ။
ဟွံထေက်ကဵုဒဂိုန်ဒ္ဂေတ် ဓုတၚ်ပိဏ္ဍပါတ်ရ။
“လ္ပကဵုတီကေတ် အဲအိုတ်ညိ” ရဴဝွံ (ပၠုပ်စိုတ်တုဲ) ဟိုတ်နူဟိုတ်မတွံဂး ပွမဒဂိုန်ဒ္ဂေတ်ပြဝးဂှ် ဟွံထေက်ကဵု ကဵုရၚ်တၠုၚ်ပလံၚ် ပိဏ္ဍပါတ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် ဒှ် (ညးကွာ်တရဴ) ကၟုဲအာဂန္တုတုဲလေဝ် ဒးဟီုလၟိၚ်ရ၊ (ဒှ်အာဝါသိကတုဲလေဝ်) ဒးဟီုလၟိၚ် ကုခမဳအာဂန္တုကရ၊ ပ္ဍဲတ္ၚဲဥပေါသ် ဒးဟီုလၟိၚ်ရ၊ ပ္ဍဲတ္ၚဲပဝါရဏာ ဒးဟီုလၟိၚ်ရ၊ ဒှ်ညးဂိယဲမ္ဂး နကလုတ်လေဝ် ဒးဟီုလၟိၚ်ရ။
၇၈။ ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာမၞုံကဵုခမဳ သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာဘာဟွံမွဲကဵုခမဳရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာမၞုံကဵုခမဳ သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာ မပတမ်ဇြပ်တာန်ဆံၚ်မဟွံမွဲကဵုခမဳရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာမၞုံကဵုခမဳ သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာဘာကီု မပတမ်ဇြပ်တာန်ဆံၚ်ကီု မဟွံမွဲကဵုခမဳရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူမပတမ်ဇြပ်တာန်ဆံၚ်မၞုံကဵုခမဳ သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာဘာမဟွံမွဲကဵုခမဳရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူမပတမ်ဇြပ်တာန်ဆံၚ်မၞုံကဵုခမဳ သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာ မပတမ်ဇြပ်တာန်ဆံၚ်မဟွံမွဲကဵုခမဳရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူမပတမ်ဇြပ်တာန်ဆံၚ်မၞုံကဵုခမဳ သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာဘာကီု မပတမ်ဇြပ်တာန်ဆံၚ်ကီု မဟွံမွဲကဵုခမဳရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာကီု နူမပတမ်ဇြပ်တာန်ဆံၚ်ကီု မၞုံကဵုခမဳသီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာဘာမဟွံမွဲကဵုခမဳရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာကီု နူမပတမ်ဇြပ်တာန်ဆံၚ်ကီု မၞုံကဵုခမဳ သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာ မပတမ်ဇြပ်တာန်ဆံၚ်မဟွံမွဲကဵုခမဳရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာကီု နူမပတမ်ဇြပ်တာန်ဆံၚ်ကီု မၞုံကဵုခမဳ သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာ ဘာကီု မပတမ်ဇြပ်တာန်ဆံၚ်ကီု မဟွံမွဲကဵုခမဳရ။
၇၉။ ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာမၞုံကဵုခမဳပကတတ် သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာဘာ မၞုံကဵုခမဳနာနာသံဝါသက ‘ပံၚ်ဖက်ဟွံတုပ်သၟဟ်’ ဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာမၞုံကဵုခမဳပကတတ် သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာ မပတမ်ဇြပ်တာန်ဆံၚ် မၞုံကဵုခမဳနာနာသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာမၞုံကဵုခမဳပကတတ် သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာ ဘာကီု မပတမ်ဇြပ်တာန်ဆံၚ်ကီု မၞုံကဵုခမဳနာနာသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူမပတမ်ဇြပ်တာန်ဆံၚ် မၞုံကဵုခမဳပကတတ် သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာဘာ မၞုံကဵုခမဳနာနာသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူမပတမ်ဇြပ်တာန်ဆံၚ် မၞုံကဵုခမဳပကတတ် သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာ မပတမ်ဇြပ်တာန်ဆံၚ် မၞုံကဵုခမဳနာနာသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူမပတမ်ဇြပ်တာန်ဆံၚ် မၞုံကဵုခမဳပကတတ် သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာ ဘာကီု မပတမ်ဇြပ်တာန်ဆံၚ်ကီု မၞုံကဵုခမဳနာနာသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာကီု နူမပတမ်ဇြပ်တာန်ဆံၚ်ကီု မၞုံကဵုခမဳပကတတ် သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာဘာ မၞုံကဵုခမဳနာနာသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာကီု နူမပတမ်ဇြပ်တာန်ဆံၚ်ကီု မၞုံကဵုခမဳပကတတ် သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာ မပတမ်ဇြပ်တာန်ဆံၚ်မၞုံကဵုခမဳနာနာသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာကီု နူမပတမ်ဇြပ်တာန်ဆံၚ်ကီု မၞုံကဵုခမဳပကတတ် သီုခမဳပကတတ်ဟွံပါ သီုဟွံမွဲကဵုအန္တရာယ် ဟွံထေက်ကဵုအာ ဘာကီု မပတမ်ဇြပ်တာန်ဆံၚ်ကီု မၞုံကဵုခမဳနာနာသံဝါသကဂမၠိုၚ်ရ။
၈၀။ ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာမၞုံကဵုခမဳပကတတ် တီကေတ်ရဴဝွံမ္ဂး “တ္ၚဲဝွံဟေၚ် အာစိုပ်မာန်ရ” မ္ဂး ဒးအာဘာ မၞုံကဵုခမဳသမာနသံဝါသက ‘ပံၚ်ဖက်တုပ်သၟဟ်’ ဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာမၞုံကဵုခမဳပကတတ် တီကေတ်ရဴဝွံမ္ဂး “တ္ၚဲဝွံဟေၚ် အာစိုပ်မာန်ရ” ဒးအာမပတမ်ဇြပ်တာန်ဆံၚ် မၞုံကဵုခမဳသမာနသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာမၞုံကဵုခမဳပကတတ် တီကေတ်ရဴဝွံမ္ဂး “တ္ၚဲဝွံဟေၚ် အာစိုပ်မာန်ရ” ဒးအာဘာကီု မပတမ်ဇြတာန်ဆံၚ်ကီု မၞုံကဵုခမဳသမာနသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူမပတမ်ဇြပ်တာန်ဆံၚ် မၞုံကဵုခမဳပကတတ် တီကေတ်ရဴဝွံမ္ဂး “တ္ၚဲဝွံဟေၚ် အာစိုပ်မာန်ရ” မ္ဂး ဒးအာဘာ မၞုံကဵုခမဳသမာနသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူမပတမ်ဇြပ်တာန်ဆံၚ် မၞုံကဵုခမဳပကတတ် တီကေတ်ရဴဝွံမ္ဂး “တ္ၚဲဝွံဟေၚ် အာစိုပ်မာန်ရ” မ္ဂး ဒးအာမပတမ်ဇြပ်တာန်ဆံၚ် မၞုံကဵုခမဳသမာနသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူမပတမ်ဇြပ်တာန်ဆံၚ် မၞုံကဵုခမဳပကတတ် တီကေတ်ရဴဝွံမ္ဂး “တ္ၚဲဝွံဟေၚ် အာစိုပ်မာန်ရ” မ္ဂး ဒးအာဘာကီု မပတမ်ဇြပ်တာန်ဆံၚ်ကီု မၞုံကဵုခမဳသမာန သံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာကီု နူမပတမ်ဇြပ်တာန်ဆံၚ်ကီု မၞုံကဵုခမဳပကတတ် တီကေတ်ရဴဝွံမ္ဂး “တ္ၚဲဝွံဟေၚ် အာစိုပ်မာန်ရ” မ္ဂး ဒးအာဘာ မၞုံကဵုခမဳသမာနသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာကီု နူမပတမ်ဇြပ်တာန်ဆံၚ်ကီု မၞုံကဵုခမဳပကတတ် တီကေတ်ရဴဝွံမ္ဂး “တ္ၚဲဝွံဟေၚ် အာစိုပ်မာန်ရ” မ္ဂး ဒးအာမပတမ်ဇြပ်တာန်ဆံၚ် မၞုံကဵုခမဳသမာနသံဝါသကဂမၠိုၚ်ရ။
ယွံခမဳတအ် ခမဳမဒဂိုန်ဒ္ဂေတ်ပြဝးဂှ် နူဘာကီု နူမပတမ်ဇြပ်တာန်ဆံၚ်ကီု မၞုံကဵုခမဳပကတတ် တီကေတ်ရဴဝွံမ္ဂး “တ္ၚဲဝွံဟေၚ် အာစိုပ်မာန်ရ” မ္ဂး ဒးအာဘာကီု မပတမ်ဇြပ်တာန်ဆံၚ်ကီု မၞုံကဵုခမဳသမာနသံဝါသကဂမၠိုၚ်ရ။
၈၁။ ယွံခမဳတအ် ခမဳမဒဂိုန်ဒ္ဂေတ်ပြဝးဂှ် ဟွံထေက်ကဵုပဒတဴမွဲစွံ ကေုာံခမဳပကတတ် ပ္ဍဲဘာမၞုံကဵုကၟဳမွဲဓဝ်ရ၊ ဟွံထေက်ကဵုပဒတဴ ပ္ဍဲမပတမ်ဇြပ်တာန်ဆံၚ် မၞုံကဵုကၟဳမွဲဓဝ်ရ၊ ဟွံထေက်ကဵုပဒတဴ ပ္ဍဲဘာကီု ပ္ဍဲမပတမ်ဇြပ်တာန်ဆံၚ် မၞုံကဵုကၟဳမွဲဓဝ်ကီုရ၊ ညာတ်ခမဳပကတတ်မ္ဂး ဒးကတဵုနူဒၞာဲရ၊ ဒးနိမန် ခမဳပကတတ် သွက်ဂွံက္ညကၠုၚ်ဒၞာဲဂှ်ရ၊ ဟွံထေက်ကဵုဂဇအ်မွဲစွံ ကေုာံခမဳပကတတ် ပ္ဍဲမွဲသၞာဓဝ်ရ၊ ခမဳပကတတ် ဂဇအ်ပ္ဍဲသၞာမသဝ်မ္ဂး ဟွံထေက်ကဵုဂဇအ် ပ္ဍဲသၞာမသၠုၚ်ရ၊ ခမဳပကတတ် ဂဇအ်ပ္ဍဲတိမ္ဂး ဟွံထေက်ကဵုဂဇအ်ပ္ဍဲသၞာရ၊ ဟွံထေက်ကဵုကွာ်စၚ်္ကြမ် ပ္ဍဲမွဲစၚ်္ကြမ်မသၠုၚ်ရ၊ ခမဳပကတတ် ကွာ်စၚ်္ကြမ် ပ္ဍဲတိမ္ဂး ဟွံထေက်ကဵုကွာ် ပ္ဍဲစၚ်္ကြမ်ရ။
၈၂။ ယွံခမဳတမ် ခမဳမဒဂိုန်ဒ္ဂေတ်ပြဝးဂှ် မွဲဟာန်ကေုာံခမဳဇၞော် မဒဂိုန်ဒ္ဂေတ်ပြဝး ။ ပ ။ မွဲဟာန်ကေုာံခမဳမထေက်ကဵုတံၚ်ဓဇက်တမ် ။ ပ ။ မွဲဟာန်ကေုာံခမဳ မထေက်ကဵုဒ္ဂေတ်မာနတ် ။ ပ ။ မွဲဟာန်ကေုာံမခဳ ဃောဒ္ဂေတ်မာနတ် ။ ပ ။ ဟွံထေက်ကဵုပဒတဴမွဲစွံ ကေုာံခမဳမထေက်ကဵု ကော်ပၠုပ်အဗ္ဘာန် ပ္ဍဲဘာမၞုံကဵုကၟဳမွဲဓဝ်ရ၊ ဟွံထေက်ကဵုပဒတဴ ပ္ဍဲမပတမ်ဇြပ်တာန်ဆံၚ် မၞုံကဵုကၟဳမွဲဓဝ်ရ၊ ဟွံထေက်ကဵုပဒတဴ ပ္ဍဲဘာကီု ပ္ဍဲမပတမ်ဇြပ်တာန်ဆံၚ် မၞုံကဵုကၟဳမွဲဓဝ်ကီုရ၊ ဟွံထေက်ကဵုဂဇအ် ပ္ဍဲမွဲသၞာရ၊ ဂဇအ်ပ္ဍဲသၞာမသဝ်မ္ဂး ဟွံထေက်ကဵုဂဇအ် ပ္ဍဲသၞာမသၠုၚ်ရ၊ ဂဇအ်ပ္ဍဲခတိမ္ဂး ဟွံထေက်ကဵုဂဇအ်သၞာရ၊ ဟွံထေက်ကဵုကွာ်စၚ်္ကြမ် ပ္ဍဲမွဲစၚ်္ကြမ်ဓဝ်ရ၊ ကွာ်စၚ်္ကြမ် ပ္ဍဲစၚ်္ကြမ်မသဝ်မ္ဂး ဟွံထေက်ကဵုကွာ်စၚ်္ကြမ် ပ္ဍဲစၚ်္ကြမ်မသၠုၚ်ရ၊ ကွာ်စၚ်္ကြမ် ပ္ဍဲတိမ္ဂး ဟွံထေက်ကဵုကွာ်စၚ်္ကြမ် ပ္ဍဲစၚ်္ကြမ်ရ။
ယွံခမဳတအ် သၚ်မဒှ်မရနုက်ကဵုပန်ဇကုမ္ဂး ခမဳမဒဂိုန်ဒ္ဂေတ်ပြဝး ‘ခမဳဒဂိုန်ဒ္ဂေတ်ပြဝးပါမှ ပေၚ်ပန်ဇကု’ ဂှ် ယဝ်ကဵုပြဝးမ္ဂး၊ တံၚ်ဓဇက်တမ်မ္ဂး၊ ကဵုမာနတ်မ္ဂး၊ သၚ်မဒှ် မရနုက်ကဵုၜါစှော်ဇကုမ္ဂး ခမဳမဒဂိုန်ဒ္ဂေတ်ပြဝး ‘ခမဳဒဂိုန်ဒ္ဂေတ်ပြဝးပါမှ ပေၚ်ၜါစှော်ဇကု’ ဂှ် ကော်ပၠုပ်အဗ္ဘာန်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ဣဝွံတုန် ဒ္ဂေတ်ဝတ်ရောၚ် ရဴဝွံ (သ္ဂးရ)။
✤ဒ္ဂေတ်ဝတ်ခမဳမဒဂိုန်ဒ္ဂေတ်ပြဝး ဒ္စိတ်စှော်ပန်တုဲရ။✤
၈၃။ ပ္ဍဲအခိၚ်ဂှ် တဳလပိုဉ်ဥပါလိ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ သီုမဂဇအ်ဒၟံၚ်ပ္ဍဲဒၞာဲမွဲဂှ်―
“ယွံတဳလမၞုံပိုဉ် ကုခမဳမဒဂိုန်ဒ္ဂေတ်ပြဝးဂှ် ပွမဗတမ်ပိုတ်သကုတ်ဂမၠိုၚ် မၞုံဗၞတ်မုစိအိုတ်ရော?” ရဴဝွံ ဂရၚ်ပတီရ။
ယွံဥပါလိ ကုခမဳမဒဂိုန်ဒ္ဂေတ်ပြဝးဂှ် ပွမဗတမ်ပိုတ်သကုတ်ဂမၠိုၚ် မၞုံပိဂကူအိုတ်ရ၊ ပွမပဒတဴမွဲစွံ (မတွံဂး ပွမတိက်သီုမပၠးဖျေံစး) ကီု စာ်စ္ဍးကေုာံ (ခမဳပကတတ်) တုဲ ပွမပဒတဴကီု ပွမဟွံဟီုလၟိၚ် ဂရၚ်ပတီဝတ်ကီု၊ ယွံဥပါလိ ကုခမဳမဒဂိုန်ဒ္ဂေတ်ပြဝးဂှ် ပွမဗတမ်ပိုတ်သကုတ်ဂမၠိုၚ် မၞုံပိဂကူဝွံအိုတ်ရ ရဴဝွံ (သ္ဂးရ)။
၈၄။ ပ္ဍဲအခိၚ်ဂှ် ဂကောံခမဳမဂၠိုၚ်ဂၠၚ် ကောံဓရီုပဒတဴဒၟံၚ် ပ္ဍဲဍုၚ်သာရဝှ်ရ၊ ခမဳမဒဂိုန်ဒ္ဂေတ်ပြဝးဂမၠိုၚ် ဟွံသၟဟ်ရထ သွက်ဂွံသအးဇ္ၚးပြဝးအိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် သွက်ဂွံဖျေံထောံပြဝးရ။
ယွံခမဳတအ် ရဴဝွံ ဒးဖျေံကၠေံရ။
ခမဳမဒဂိုန်ဒ္ဂေတ်ပြဝးဂှ် ပြာပ်အာဇရေၚ် ခမဳမွဲဇကုတုဲ လၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ်တုဲမ္ဂး ဂဇအ်ဒၟံၚ်ဗွဲလံက်ဂဇုန်တုဲ သီုမပၚ်ပတိုန်ခၠအ်သၟိပ်တဲဂှ်―
“ဖျေံထောံ ပြဝးရ” ရဴဝွံ ဒးသ္ဂးရ၊ (သ္ဂးရဴဝွံမ္ဂး) ဒှ်ဖျေံထောံပြဝးရ။ “ဖျေံထောံဝတ်ရ” ရဴဝွံ ဒးသ္ဂးရ၊ (သ္ဂးရဴဝွံမ္ဂး) ဒှ်ဖျေံထောံဝတ်ရ။
၈၅။ ပ္ဍဲအခိၚ်ဂှ် နူဍုၚ်သာရဝှ် ခမဳဂမၠိုၚ် စ္ဍးအာဌာန်ဂှ်ဂှ်အိုတ်ရ၊ ခမဳမဒဂိုန်ဒ္ဂေတ်ပြဝးဂမၠိုၚ် သၟဟ်ရထ သွက်ဂွံသအးဇ္ၚးပြဝးအိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲ အိုတ်ရ။
ယွံခမဳတအ် ကဵုအခေါၚ် သွက်ဂွံဒဂိုန်ဂိုၚ်ကေတ်ပြဝးရ။
ယွံခမဳတအ် ရဴဝွံ ဒးဒဂိုန်ဂိုၚ်ကေတ်ရ၊ ခမဳမဒဂိုန်ဒ္ဂေတ်ပြဝးဂှ် ပြာပ်အာဇရေၚ် ခမဳမွဲဇကုတုဲ လၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ်တုဲမ္ဂး ဂဇအ်ဒၟံၚ်ဗွဲလံက်ဂဇုန်တုဲ သီုမပၚ်ပတိုန် ခၠအ်သၟိပ်တဲဂှ်―
“ဒဂိုန်ဂိုၚ်ကေတ် ပြဝးရ” ရဴဝွံ ဒးသ္ဂးရ၊ (သ္ဂးရဴဝွံမ္ဂး) ဒှ်ဒဂိုန်ဂိုၚ်ကေတ်ပြဝးရ။ “ဒဂိုန်ဂိုၚ်ကေတ်ဝတ်ရ” ရဴဝွံ ဒးသ္ဂးရဴ၊ (သ္ဂးရဴဝွံမ္ဂး) ဒှ်ဒဂိုန်ဂိုၚ်ကေတ်ဝတ်ရ။
✤ဒ္ဂေတ်ဝတ်ခမဳမဒဂိုန်ဒ္ဂေတ်ပြဝးတုဲရ။✤
