၁.၇.၆။ ဟိုတ်မထေက်ကဵုလလမ်ကၠေံပန်စှော်ပိသာ်
၇၃။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ် မသုန်ပြကာဂှ် ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ၊ (ခမဳဂှ် သ္ပအ္စာဥပဇ္ၛာယ်တုဲ) ဟွံပကဵုပယျၚ်ရ၊ ဟွံကဵုနိဿယရ၊ ဟွံကဵုသာမဏဳကၠောန်ၜိုတ်ရ၊ ဟွံသာယျေန်သ္ဍိုက်မၠိုက် ပွမသၟိတ်ပတိုန် သွက်ဂွံဒၠောံဗတောန်ခမဳဗြဴဂမၠိုၚ်ရ၊ ၜိုန်ကလိဂွံသၟိတ်လေဝ် ဟွံဒၠောံဗတောန်ခမဳဗြဴဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ် မသုန်ပြကာဂှ် ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ။
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာသအာၚ်လေဝ် ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ။ (ခမဳဂှ်) ဟွံအာစိုပ် အာပတ်ဒှ်ဟိုတ်သၚ်သ္ပဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ၊ အာပတ်သအာၚ် တၠုၚ်လအာတုပ်ကဵုဂှ်ကဵုဒှ် အာပတ်ယုတ်မာ ကြံၚ်မ္ၚိုဟ်လောန်လတူဂှ်ကဵုဒှ် ဟွံအာစိုပ်ရ၊ ဟွံဟီုဂရိုဟ်ကမ်ရ၊ ဟွံဟီုဂရိုဟ် ခမဳသ္ပကမ်ဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ။ ပ ။
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံပြကာ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ။ (ခမဳဂှ်) ဟွံတန်ဒေါံဥပေါသ် ခမဳပကတတ်ရ၊ ဟွံတန်ဒေါံ ပဝါရဏာရ၊ ဟွံသ္ပ ပွမဒၠောံဗတောန်ရ၊ ဟွံဂိုၚ်ကေတ် အရာဇၞော်သကိုပ်သကရ၊ ဟွံအာတ်အခေါၚ်ရ၊ ဟွံစောဒနာရ၊ ဟွံကဵုဗှ်ဗၞုဟ်ရ၊ ဟွံကဵုစိုန်သကီုနှဴရဴကေုာံခမဳပကတတ်ဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံပြကာဝွံ ဒးကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ။ ✤ပ္ဍဲဥက္ခေပနဳယကမ် မဂပ်ဝ်သ္ပ ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ဟိုတ်မထေက်ကဵုလလမ်ကၠေံပန်စှော်ပိသာ် တုဲရ။✤
၇၄။ ယွံခမဳတအ် ရဴဝွံ ဒးကဵုလလမ်ရ။ ယွံခမဳတအ် ခမဳခသ္ပလဝ် ဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာဂှ် ပြာပ်အာဇရေၚ်သၚ်တုဲ လၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ် လ္ၚောဝ်ဒၠးဇိုၚ် ခမဳဇၞော်ဂမၠိုၚ်တုဲ ဂဇအ်ဒၟံၚ်လံက်ဂဇုန် သီုမပၚ်ပတိုန်ခၠအ်သၟိပ်တဲဂှ် “ယွံတဳလပိုဉ်တအ် အဲဍိက် သၚ်မသ္ပလဝ် ဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာဂှ် ဒ္ဂေတ်တဴ ဗွဲမဒးရးရ၊ ဖျေံကၠေံ တသော်မာန် ‘မာန်စှေ်’ ရ၊ ဒ္ဂေတ်တဴ ဒ္ဂေတ်ဝတ် ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ” ရဴဝွံ ဒးဂရၚ်ပတီရ။ မရနုက်ကဵုၜါဝါလေဝ် ဒးအာတ်အခေါၚ်ရ။ မရနုက်ကဵုပိဝါလေဝ် ဒးအာတ်အခေါၚ်ရ။
ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ သၚ်မဂပ်ဝ် သ္ပလဝ်ဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ဒ္ဂေတ်တဴ ဗွဲမဒးရးရ၊ ဖျေံကၠေံ တသော်မာန် ‘မာန်စှေ်’ ရ၊ ဒ္ဂေတ်တဴ ဒ္ဂေတ်ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ကုခမဳမၞုံယၟုဝွံရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ သၚ်မဂပ်ဝ် သ္ပလဝ်ဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ဒ္ဂေတ်တဴ ဗွဲမဒးရးရ၊ ဖျေံကၠေံ တသော်မာန် ‘မာန်စှေ်’ ရ၊ ဒ္ဂေတ်တဴ ဒ္ဂေတ်ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ကုခမဳမၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုက် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ကုခမဳမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ သၚ်မဂပ်ဝ် သ္ပလဝ်ဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ဒ္ဂေတ်တဴ ဗွဲမဒးရးရ၊ ဖျေံကၠေံ တသော်မာန် ‘မာန်စှေ်’ ရ၊ ဒ္ဂေတ်တဴ ဒ္ဂေတ်ဒှ်ဟိုတ်တိတ်ဗၠးနူကမ်ရ၊ အာတ်အခေါၚ် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ကုခမဳမၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုက် ပွမလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ကုခမဳမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဂပ်ဝ်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ကုခမဳမၞုံယၟုဝွံတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
✤ဥက္ခေပနဳယကမ် မဂပ်ဝ်သ္ပ ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ သတ္တမ တုဲရ။✤
✵✵✵ကမ္မက္ခန္ဓက ပဌမတုဲရ။✵✵✵
ပ္ဍဲခန္ဓကဝွံ ဝတ္ထုဂမၠိုၚ်တုန် မၞုံထပှ်အိုတ်ရ။
