၁.၆.၅။ ဟိုတ်မဟွံထေက်ကဵုလလမ်ကၠေံ ပန်စှော်ပိသာ်
၆၂။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဂှ် ဟွံထေက်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံဇအုဲဇဗအာပတ်ရ၊ (ခမဳဂှ် သ္ပအ္စာဥပဇ္ၛာယ်တုဲ) ပကဵုပယျၚ်ရ၊ ကဵုနိဿယရ၊ ကဵုသာမဏဳကၠောန်ၜိုတ်ရ၊ သာယျေန်သ္ဍိုက်မၠိုက် ပွမသၟိတ်ပတိုန် သွက်ဂွံဒၠောံဗတောန်ခမဳဗြဴဂမၠိုၚ်ရ၊ ကလိဂွံသၟိတ်တုဲ ဒၠောံဗတောန်ခမဳဗြဴဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဟွံထေက်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံဇအုဲဇဗအာပတ်ရ။
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဂှ် ဟွံထေက်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံဇအုဲဇဗအာပတ်ရ၊ (ခမဳဂှ်) အာစိုပ်အာပတ် ဒှ်ဟိုတ်သၚ်သ္ပဥက္ခေပနဳယကမ် ဟိုတ်ပွမဟွံဇအုဲဇဗအာပတ်ရ၊ အာပတ်သအာၚ် တၠုၚ်လအာတုပ်ကဵုဂှ်ကဵုဒှ် အာပတ်ယုတ်မာ ကြံၚ်မ္ၚိုဟ်လောန်လတူဂှ်ကဵုဒှ် အာစိုပ်ရ၊ ဟီုဂရိုဟ်ကမ်ရ၊ ဟီုဂရိုဟ် ခမဳသ္ပကမ်ဂမၠိုၚ်ရ ။ ပ ။ သာယျေန် ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိပ်တဲ ပွမသ္ပရှေ်သှေ်ရဴဂဴ ပွမလးကဵုသၞာ ခမဳပကတတ်ရ။ ပ ။ သာယျေန် ပွမလးကဵုသၞာသတိက် ဍာ်ကြဴဇိုၚ် ဂတဵုကြာတ်ဇိုၚ် ကဝေက်ပေါတ်ဇိုၚ် ပွမဟောဝ်ဂိုၚ်ကေတ် ဗဗေၚ်သ္ၚာ ပ္ဍဲအရာဟုံဍာ် ပွမတုဟ်ပေါတ်မိဟ် ပ္ဍဲစၞိန်စး ခမဳပကတတ်ရ ။ ပ ။ စောတ်စောဲ ခမဳပကတတ် နပွမသဳလလီုလာ်ရ၊ စောတ်စောဲ နပွမဒ္ဂေတ်လီုလာ်ရ၊ စောတ်စောဲ နပွမကွေတ်လီုလာ်ရ၊ စောတ်စောဲ နပွမဂယိုၚ်လမျီုလီုလာ်ရ၊ သ္ပညံၚ်ခမဳရၚ်သကမ် ဂွံပါ်ဒကးရ ‘ဗျဵုအလက်အကြာရ’ ။ ပ ။ ပကၚ်ရၚ်ယာတ် မဒှ်ဇၞောဝ်အလာံခရှ်ဂမၠိုၚ်ရ၊ ပကၚ်ရၚ်ယာတ် မဒှ်ဇၞောဝ်အလာံတဳဂမၠိုၚ်ရ၊ သိပ်ဂၠိပ်နိဿယ်ဗဒါဲကဵုတဳဂမၠိုၚ်ရ၊ ဟွံသိပ်ဂၠိပ်နိဿယ်ဗဒါဲကဵုခမဳဂမၠိုၚ်ရ၊ ဟွံဒ္ဂေတ်လ္ၚတ် ပ္ဍဲဒ္ဂေတ်ဝတ်ခမဳရ ။ ပ ။ ပဒတဴမွဲစွံ ကေုာံခမဳပကတတ် ပ္ဍဲဘာမၞုံကဵုကၟဳမွဲဓဝ်ရ၊ ပဒတဴပ္ဍဲမပတအ် ဇြပ်တာန်ဆံၚ် မၞုံကဵုကၟဳမွဲဓဝ်ရ၊ ပဒတဴပ္ဍဲဘာကီု ပ္ဍဲမတမ်ဇြပ်တာန်ဆံၚ် မၞုံကဵုကၟဳမွဲဓဝ်ကီုရ၊ ညာတ်ခမဳပကတတ်မ္ဂး ဟွံကတဵုနူဒၞာဲရ၊ ပ္ဍဲအပ္ဍဲဘာကီု ပ္ဍဲမ္ၚးဘာကီု ချုက်ချာဲခမဳပကတရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ ဟွံထေက်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံဇအုဲဇဗအာပတ်ရ။
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံပြကာ ဟွံထေက်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံဇအုဲဇဗအာပတ်ရ။ (ခမဳဂှ်) တန်ဒေါံဥပေါသ် ခမဳပကတတ်ရ၊ တန်ဒေါံ ပဝါရဏာရ၊ သ္ပ ပွမဒၠောံဗတောန်ရ၊ ဂိုၚ်ကေတ်အရာဇၞော်သကိုပ်သကရ၊ အာတ်အခေါၚ်ရ၊ စောဒနာရ၊ ကဵုဗှ်ဗၞုဟ်ရ၊ စိုန်သကီုနှဴရဴကေုာံခမဳပကတတ်ဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ဒ္စါံပြကာဝွံ ဟွံထေက်ကဵုလလမ်ကၠေံ ဥက္ခေပနဳယကမ် မသ္ပလဝ် ဟိုတ်ပွမဟွံဇအုဲဇဗအာပတ်ရ။
✤ပ္ဍဲဥက္ခေပနဳယကမ် မဂပ်ဝ်သ္ပ ဟိုတ်ပွမဟွံဇအုဲဇဗအာပတ် ဟိုတ်မဟွံထေက်ကဵုလလမ်ကၠေံပန်စှော်ပိသာ် တုဲရ။✤
