၁.၆.၂။ ကမ်ဗဗွဲဓရ်စှ်ၜါ
၅၉။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဂှ် သၚ်နွံပၟိက်သ္ပ ဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ ကယျာန်ဓဝါတ်သေက်ဇဵု ဂတမတ်, ကြဴမတ် ဟီုသ္ဂးစှေ်စး အရေဝ်ဂၠိုၚ်တုဲ ပွမသ္ပအဓိကိုရ် ပ္ဍဲသၚ်၊ ဒိုဟ်ဓီု ဟွံစဳကၠးဆိုက်ဗ္ဒက် အာပတ်ဂၠိုၚ်ကၠာ ပွမဟွံမွဲကဵုအပိုၚ်အခြာ၊ ပွမပဒတဴမံၚ်စံၚ်နှဴရဴကေုာံခရှ်ဂမၠိုၚ် နပွမပံၚ်ဖက်ဆက်ဆောမ်ခရှ်ဂမၠိုၚ် မဟွံဗဗွဲသပ္ပါယ်။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဝွံ သၚ်နွံပၟိက်သ္ပ ဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ (၁)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်သအာၚ်ဂှ်လေဝ် သၚ်နွံပၟိက်သ္ပဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ ပ္ဍဲအရာသဳလမပြဲ ပွမသဳလလီုလာ်၊ ပ္ဍဲအရာဒ္ဂေတ်မပြဲ ပွမဒ္ဂေတ်လီုလာ်၊ ပ္ဍဲအရာကွေတ်ဝါဒမပြဲ ပွမကွေတ်ဝါဒလီုလာ်။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဝွံ သၚ်နွံပၟိက် သ္ပဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ (၂)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်သအာၚ်ဂှ်လေဝ် သၚ်နွံပၟိက်သ္ပဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ ပွမဟီုဂရိုဟ်ကျာ်၊ ပွမဟီုဂရိုဟ်ဓရ်၊ ပွမဟီုဂရိုဟ်သၚ်။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဝွံ သၚ်နွံပၟိက် သ္ပဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ (၃)
ယွံခမဳတအ် ကုခမဳဂမၠိုၚ်ပိဂကူဂှ် သၚ်နွံပၟိက် သ္ပဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ ခမဳမွဲဂကူဂှ် ကယျာန်ဓဝါတ်သေက်ဇဵု ဂတမတ်, ကြဴမတ် ဟီုသ္ဂးစှေ်စး အရေဝ်ဂၠိုၚ်တုဲ လေပ်သ္ပအဓိကိုရ် ပ္ဍဲသၚ်၊ ခမဳမွဲဂကူဂှ် ဒှ်ညးဒိုဟ်ဓီု ဟွံစဳကၠးဆိုက်ဗ္ဒက် အာပတ်ဂၠိုၚ်ကၠာ ဟွံမွဲကဵုအပိုၚ်အခြာ၊ ခမဳမွဲဂကူဂှ် ပဒတဴမံၚ်စံၚ်နှဴရဴကေုာံခရှ်ဂမၠိုၚ် နပွမပံၚ်ဖက်ဆက်ဆောမ်ခရှ်ဂမၠိုၚ် မဟွံဗဗွဲသပ္ပါယ်ရ။ ယွံခမဳတအ် ကုခမဳဂမၠိုၚ်ပိဂကူဝွံ သၚ်နွံပၟိက် သ္ပဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ (၄)
ယွံခမဳတအ် ကုခမဳဂမၠိုၚ်ပိဂကူသအာၚ်လေဝ် သၚ်နွံပၟိက် သ္ပဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ ခမဳမွဲဂကူဂှ် ပ္ဍဲအရာသဳလမပြဲ သဳလလီုလာ်ရ၊ ခမဳမွဲဂကူဂှ် ပ္ဍဲအရာဒ္ဂေတ်မပြဲ ဒ္ဂေတ်လီုလာ်ရ၊ ခမဳမွဲဂကူဂှ် ပ္ဍဲအရာကွေတ်ဝါဒမပြဲ ကွေတ်ဝါဒ လီုလာ်ရ။ ယွံခမဳတအ် ကုခမဳဂမၠိုၚ်ပိဂကူဝွံ သၚ်နွံပၟိက် သ္ပဥက္ခေပနဳယကမ် ဟိုတ်ပွမဟွံဇအုဲဇဗ အာပတ်မ္ဂး သ္ပမာန်ရ။ (၅)
ယွံခမဳတအ် ကုခမဳဂမၠိုၚ်ပိဂကူသအာၚ်လေဝ် သၚ်နွံပၟိက် သ္ပဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ ခမဳမွဲဂကူဂှ် ဟီုဂရိုဟ်ကျာ်ရ၊ ခမဳမွဲဂကူဂှ် ဟီုဂရိုဟ်ဓရ်ရ၊ ခမဳမွဲဂကူဂှ် ဟီုဂရိုဟ်သၚ်ရ။ ယွံခမဳတအ် ကုခမဳဂမၠိုၚ်ပိဂကူဝွံ သၚ်နွံပၟိက် သ္ပဥက္ခေပနဳယကမ် ဟိုတ်ပွမဟွံဇအုဲဇဗအာပတ်မ္ဂး သ္ပမာန်ရ။ (၆)
✤ ပ္ဍဲဥက္ခေပနဳယကမ် မဂပ်ဝ်ဗက်ပတိတ် ဟိုတ်ပွမဟွံဇအုဲဇဗအာပတ် နွံပၟိက်မ္ဂး ကမ်သ္ပမာန်တြဴသာ် တုဲရ။ ✤
