၁.၄.၃။ နွံပၟိက်မ္ဂး ကမ်မသ္ပမာန်ပန်သာ်

၃၉။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဂှ် သၚ်နွံပၟိက်သ္ပပဋိသာရဏဳကမ်မ္ဂး သ္ပမာန်ရ။ သ္ပလွဳပရာ ညံၚ်ခရှ်ဂမၠိုၚ် ဟဂွံကလိဂွံလာဘ်ရ၊ သ္ပလွဳပရာ ညံၚ်ခရှ်ဂမၠိုၚ် ဂွံဒှ်လလေၚ်ဖဵုရ၊ သ္ပလွဳပရာညံၚ်ခရှ်ဂမၠိုၚ် ဟဂွံတန်တဴဒၞာဲမတန်တဴဒမၠိရ၊ တ္ၜေဟ်လက်ခရှ်ရ၊ လဗပ်ပကီုဟီုစုတ်ရ၊ ပါ်ဒကးခရှ်ဂမၠိုၚ်ရၚ်သကအ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂမသုန်ပြကာဝွံ သၚ်နွံပၟိက်သ္ပပဋိသာရဏဳယကမ်မ္ဂး သ္ပမာန်ရ။ (၁)

ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာသအာၚ်လေဝ် သၚ်နွံပၟိက်သ္ပပဋိသာရဏဳယကမ်မ္ဂး သ္ပမာန်ရ။ ဟီုဂရိုဟ်ကျာ် ကုခရှ်ဂမၠိုၚ်ရ၊ ဟီုဂရိုဟ်ဓရ် ကုခရှ်ဂမၠိုၚ်ရ၊ ဟီုဂရိုဟ်သၚ် ကုခရှ်ဂမၠိုၚ်ရ၊ တ္ၜေဟ်လက်ခရှ် နဂလာန် မယုတ်မာရ၊ ပျုတ်ဗ္ဒေက်နဂလာန်မယုတ်မာရ၊ ဟွံကဵုဍာံစၟတ် ‘ကဵုဆောတ်ယောၚ်’ တၚ်ဒုၚ်ဝန် မဗဗွဲကဵုဓရ် ကုခရှ်ဂမၠိုၚ်ရ။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်မသုန်ပြကာဝွံ သၚ်နွံပၟိက်သ္ပ ပဋိသာရဏဳယကမ်မ္ဂး သ္ပမာန်ရ။ (၂)

ယွံခမဳတအ် ကုခမဳဂမၠိုၚ်မသုန်ဂကူဂှ် သၚ်နွံပၟိက်သ္ပပဋိသာရဏဳယကမ်မ္ဂး သ္ပမာန်ရ။ ခမဳမွဲဂကူဂှ် သ္ပလွဳပရာ ညံၚ်ခရှ်ဂမၠိုၚ် ဟဂွံကလိဂွံလာဘ်ရ၊ ခမဳမွဲဂကူဂှ် သ္ပလွဳပရာ ညံၚ်ခရှ်ဂမၠိုၚ် ဂွံဒှ်လလေၚ်ဖဵုရ၊ ခမဳမွဲဂကူဂှ် သ္ပလွဳပရာညံၚ်ခရှ်ဂမၠိုၚ် ဟဂွံတန်တဴ ဒၞာဲမတန်တဴဒမၠိရ၊ ခမဳမွဲဂကူဂှ် တ္ၜေဟ်လက်ခရှ်ရ၊ လဗပ်ပကီုဟီုစုတ်ရ၊ ခမဳမွဲဂကူဂှ် ပါ်ဒကးခရှ်ဂမၠိုၚ်ရၚ်သကအ်ရ။ ယွံခမဳတအ် ကုခမဳဂမၠိုၚ်မသုန်ဂကူဝွံ သၚ်နွံပၟိက်သ္ပပဋိသာရဏဳယကမ်မ္ဂး သ္ပမာန်ရ။ (၃)

ယွံခမဳတအ် ကုခမဳဂမၠိုၚ်မသုန်ဂကူဂှ် သၚ်နွံပၟိက်သ္ပပဋိသာရဏဳယကမ်မ္ဂး သ္ပမာန်ရ။ ခမဳမွဲဂကူဂှ် ဟီုဂရိုဟ်ကျာ် ကုခရှ်ဂမၠိုၚ်ရ၊ ခမဳမွဲဂကူဂှ် ဟီုဂရိုဟ်ဓရ် ကုခရှ်ဂမၠိုၚ်ရ၊ ခမဳမွဲဂကူဂှ် ဟီုဂရိုဟ်သၚ် ကုခရှ်ဂမၠိုၚ်ရ၊ ခမဳမွဲဂကူဂှ် တ္ၜေဟ်လက်ခရှ် နဂလာန်မယုတ်မာရ၊ ပျုတ်ဗ္ဒေက်နဂလာန်မယုတ်မာရ၊ ခမဳမွဲဂကူဂှ် ဟွံကဵုဍာံစၟတ် ‘ကဵုဆောတ်ယောၚ်’ တၚ်ဒုၚ်ဝန်မဗဗွဲကဵုဓရ် ကုခရှ်ဂမၠိုၚ်ရ။ ယွံခမဳတအ် ကုခမဳဂမၠိုၚ်မသုန်ဂကူဝွံ သၚ်နွံပၟိက်သ္ပပဋိသာရဏဳယကမ်မ္ဂး သ္ပမာန်ရ။ (၄)

✤ နွံပၟိက်မ္ဂး ကမ်မသ္ပမာန်ပန်သာ် တုဲရ။ ✤