၁.၃.၃။ နွံပၟိက်မ္ဂး ကမ်မသ္ပမာန်စှ်ပန်သာ်
၂၇။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဂှ် သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ ကယျာန်ဓဝါတ်သေက်ဇဵု ဂတမတ်, ကြဴမတ် ဟီုသ္ဂးစှေ်စး အရေဝ်ဂၠိုၚ်တုဲ ပွမသ္ပအဓိကိုရ် ပ္ဍဲသၚ်၊ ဒိုဟ်ဓီု ဟွံစဳကၠးဆိုက်ဗ္ဒက် အာပတ်ဂၠိုၚ်ကၠာ ပွမဟွံမွဲကဵုအပိုၚ်အခြာ၊ ပွမပဒတဴမံၚ်စံၚ်နှဴရဴကေုာံခရှ်ဂမၠိုၚ် နပွမပံၚ်ဖက်ဆက်ဆောံခရှ်ဂမၠိုၚ် မဟွံဗဗွဲသပ္ပါယ်။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၁)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်သအာၚ်ဂှ်လေဝ် သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ ပ္ဍဲအရာသဳလမပြဲ ပွမသဳလလီုလာ်၊ ပ္ဍဲအရာဒ္ဂေတ်မပြဲ ပွမဒ္ဂေတ်လီုလာ်၊ ပ္ဍဲအရာကွေတ်ဝါဒမပြဲ ပွမကွေတ်ဝါဒလီုလာ်။ ယွံခမဳတအ် ကုခမဳ မဍိုက်ပေၚ်တဴကေုာံအၚ်္ဂဂမၠိုၚ်ပိသာ်ဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၂)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်သအာၚ်ဂှ်လေဝ် သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ ပွမဟီုဂရိုဟ်ကျာ်၊ ပွမဟီုဂရိုဟ်ဓရ်၊ ပွမဟီုဂရိုဟ်သၚ်။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၃)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်သအာၚ်ဂှ်လေဝ် သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ ပွမဍိုက်ပေၚ်တဴ ကေုာံပွမဝေၚ်ဂြိုၚ်ကတိုၚ်ကမှ် ကတဵုဒှ်ပ္ဍဲဇကု၊ ပွမဍိုက်ပေၚ်တဴ ကေုာံပွမဝေၚ်ဂြိုၚ်ကတိုၚ်ကမှ် ကတဵုဒှ်ပ္ဍဲပါၚ်၊ ပွမဍိုက်ပေၚ်တဴ ကေုာံပွမဝေၚ်ဂြိုၚ်ကတိုၚ်ကမှ် ကတဵုဒှ်ပ္ဍဲဇကုပါၚ်။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၄)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်သအာၚ်ဂှ်လေဝ် သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ ပွမဍိုက်ပေၚ်တဴ ကေုာံမဟဂပ်ဝ်ဒ္ဂေတ်မကတဵုဒှ်ပ္ဍဲဇကု၊ ပွမဍိုက်ပေၚ်တဴ ကေုာံမဟဂပ်ဝ်ဒ္ဂေတ်မကတဵုဒှ်ပ္ဍဲပါၚ်၊ ပွမဍိုက်ပေၚ်တဴ ကေုာံမဟဂပ်ဝ်ဒ္ဂေတ် မကတဵုဒှ်ပ္ဍဲဇကုပါၚ်။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၅)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်သအာၚ်ဂှ်လေဝ် သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ ပွမဍိုက်ပေၚ်တဴ ကေုာံပွမပလီုပလာ် မကတဵုဒှ်ပ္ဍဲဇကု၊ ပွမဍိုက်ပေၚ်တဴ ကေုာံပွမပလီုပလာ် မကတဵုဒှ်ပ္ဍဲပါၚ်၊ ပွမဍိုက်ပေၚ်တဴ ကေုာံပွမပလီုပလာ် မကတဵုဒှ်ပ္ဍဲဇကုပါၚ်။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၆)
ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်သအာၚ်ဂှ်လေဝ် သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ ပွမဍိုက်ပေၚ်တဴ ကေုာံပွမဂယိုၚ်လမျီုမယုတ်မာ မကတဵုဒှ်ပ္ဍဲဇကု၊ ပွမဍိုက်ပေၚ်တဴ ကေုာံပွမဂယိုၚ်လမျီုမယုတ်မာ မကတဵုဒှ်ပ္ဍဲပါၚ်၊ ပွမဍိုက်ပေၚ်တဴ ကေုာံပွမဂယိုၚ်လမျီုမယုတ်မာ မကတဵုဒှ်ပ္ဍဲဇကုပါၚ်။ ယွံခမဳတအ် ကုခမဳ မဍိုက်ပေၚ်တဴ ကေုာံအၚ်္ဂဂမၠိုၚ်ပိသာ်ဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၇)
ယွံခမဳတအ် ကုခမဳဂမၠိုၚ်ပိဂကူဂှ် သၚ်နွံပၟိက် သ္ပပဗ္ဗာဇနဳယကမ်မ္ဂး သ္ပမာန်ရ။ ခမဳမွဲဂကူဂှ် ကယျာန်ဓဝါတ်သေက်ဇဵု ဂတမတ်, ကြဴမတ် ဟီုသ္ဂးစှေ်စး အရေဝ်ဂၠိုၚ်တုဲ လေပ်သ္ပအဓိကိုရ် ပ္ဍဲသၚ်ရ၊ ခမဳမွဲဂကူဂှ် ဒှ်ညးဒိုဟ်ဓီု ဟွံစဳကၠးဆိုက်ဗ္ဒက် အာပတ်ဂၠိုၚ်ကၠာ ဟွံမွဲကဵုအပိုၚ်အခြာရ၊ ခမဳမွဲဂကူဂှ် ပဒတဴမံၚ်စံၚ်နှဴရဴကေုာံခရှ်ဂမၠိုၚ် နပွမပံၚ်ဖက်ဆက်ဆောမ်ခရှ်ဂမၠိုၚ် မဟွံဗဗွဲသပ္ပါယ်ရ။ ယွံခမဳတအ် ကုခမဳဂမၠိုၚ်ပိဂကူဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၈)
ယွံခမဳတအ် ကုခမဳဂမၠိုၚ်ပိဂကူဂှ် သၚ်နွံပၟိက် သ္ပပဗ္ဗာဇနဳယကမ်မ္ဂး သ္ပမာန်ရ။ ခမဳမွဲဂကူဂှ် ပ္ဍဲအရာသဳလမပြဲ သဳလလီုလာ်ရ၊ ခမဳမွဲဂကူဂှ် ပ္ဍဲအရာဒ္ဂေတ်မပြဲ ဒ္ဂေတ်လီုလာ်ရ၊ ခမဳမွဲဂကူဂှ် ပ္ဍဲအရာကွေတ်ဝါဒမပြဲ ကွေတ်ဝါဒလီုလာ်ရ။ ယွံခမဳတအ် ကုခမဳဂမၠိုၚ်ပိဂကူဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၉)
ယွံခမဳတအ် ကုခမဳဂမၠိုၚ်ပိဂကူဂှ် သၚ်နွံပၟိက် သ္ပပဗ္ဗာဇနဳယကမ်မ္ဂး သ္ပမာန်ရ။ ခမဳမွဲဂကူဂှ် ဟီုဂရိုဟ်ကျာ်ရ၊ ခမဳမွဲဂကူဂှ် ဟီုဂရိုဟ်ဓရ်ရ၊ ခမဳမွဲဂကူဂှ် ဟီုဓရိုဟ်သၚ်ရ။ ယွံခမဳတအ် ကုခမဳဂမၠိုၚ်ပိဂကူဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၁၀)
ယွံခမဳတအ် ကုခမဳဂမၠိုၚ်ပိဂကူသအာၚ်လေဝ် သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ ခမဳမွဲဂကူဂှ် ဍိုက်ပေၚ်တဴ ကေုာံပွမဝေၚ်ဂြိုၚ်ကတိုၚ်ကမှ် ကတဵုဒှ်ပ္ဍဲဇကုရ၊ ခမဳမွဲဂကူဂှ် ဍိုက်ပေၚ်တဴ ကေုာံပွမဝေၚ်ဂြိုၚ်ကတိုၚ်ကမှ် ကတဵုဒှ်ပ္ဍဲပါၚ်ရ၊ ခမဳမွဲဂကူဂှ် ဍိုက်ပေၚ်တဴ ကေုာံပွမဝေၚ်ဂြိုၚ် ကတိုၚ်ကမှ် ကတဵုဒှ်ပ္ဍဲဇကုပါၚ်ရ။ ယွံခမဳဂမၠိုၚ်ပိဂကူဝွံ သၚ်နွံပၟိက် သ္ပပဗ္ဗာဇနဳယကမ်မ္ဂး သ္ပမာန်ရ။ (၁၁)
ယွံခမဳတအ် ကုခမဳဂမၠိုၚ်ပိဂကူသအာၚ်လေဝ် သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ ခမဳမွဲဂကူဂှ် ဍိုက်ပေၚ်တဴ ကေုာံဒ္ဂေတ်မဟဂပ်ဝ်ဒ္ဂေတ် မကတဵုဒှ်ပ္ဍဲဇကုရ၊ ခမဳမွဲဂကူဂှ် ဍိုက်ပေၚ်တဴ ကေုာံဒ္ဂေတ်မဟဂပ်ဝ်ဒ္ဂေတ် မကတဵုဒှ်ပ္ဍဲပါၚ်ရ၊ ခမဳမွဲဂကူဂှ် ဍိုက်ပေၚ်တဴကေုာံဒ္ဂေတ် မဟဂပ်ဝ်ဒ္ဂေတ် မကတဵုဒှ်ပ္ဍဲဇကုပါၚ်ရ။ ယွံခမဳဂမၠိုၚ်ပိဂကူဝွံ သၚ်နွံပၟိက် သ္ပပဗ္ဗာဇနဳယကမ်မ္ဂး သ္ပမာန်ရ။ (၁၂)
ယွံခမဳတအ် ကုခမဳဂမၠိုၚ်ပိဂကူသအာၚ်လေဝ် သၚ်နွံပၟိက်သ္ပပဗ္ဗဇနဳယကမ်မ္ဂး သ္ပမာန်ရ။ ခမဳမွဲဂကူ ဍိုက်ပေၚ်တဴကေုာံပွမပလီုပလာ် မကတဵုဒှ် ပ္ဍဲဇကုရ၊ ခမဳမွဲဂကူဂှ် ဍိုက်ပေၚ်တဴကေုာံပွမပလီုပလာ် မကတဵုဒှ်ပ္ဍဲပါၚ်ရ၊ ခမဳမွဲဂကူဂှ် ဍိုက်ပေၚ်တဴ ကေုာံပွမပလီုပလာ် မကတဵုဒှ် ပ္ဍဲဇကုပါၚ်ရ။ ယွံခမဳတအ် ကုခမဳဂမၠိုၚ်ပိဂကူဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၁၃)
ယွံခမဳတအ် ကုခမဳဂမၠိုၚ်ပိဂကူသအာၚ်လေဝ် သၚ်နွံပၟိက်သ္ပပဗ္ဗဇနဳယကမ်မ္ဂး သ္ပမာန်ရ။ ခမဳမွဲဂကူ ဍိုက်ပေၚ်တဴကေုာံပွမဂယိုၚ်လမျီုမယုတ်မာ မကတဵုဒှ် ပ္ဍဲဇကုရ၊ ခမဳမွဲဂကူဂှ် ဍိုက်ပေၚ်တဴကေုာံဂယိုၚ်လမျီုမယုတ်မာ မကတဵုဒှ်ပ္ဍဲပါၚ်ရ၊ ခမဳမွဲဂကူဂှ် ဍိုက်ပေၚ်တဴ ကေုာံဂယိုၚ်လမျီုမယုတ်မာ မကတဵုဒှ် ပ္ဍဲဇကုပါၚ်ရ။ ယွံခမဳတအ် ကုခမဳဂမၠိုၚ်ပိဂကူဝွံ သၚ်နွံပၟိက်သ္ပပဗ္ဗာဇနဳယကမ်မ္ဂး သ္ပမာန်ရ။ (၁၄)
✤နွံပၟိက်မ္ဂး ကမ်မသ္ပမာန်စှ်ပန်သာ် တုဲရ။✤
