QATARIMUY RUNA SIMI

Nola Romero

Sumaq runa simillay ¿maypitaq kunan kawsachkanki? 

chukllawasi pirqankunapi uyarayastin 

yana tullpapa uchpanwan pukllakustin, 

allpa mankapi pusa pusa lawata qaychirispa 

kullu wisllawan qarakuykustin.

Kuyasqay runa simillay ¿Maypitaq kunan yachachkanki? 

purunkunapa wayrampi 

urqukunapa qapariyninpi

mayukunawan rimapakustin 

kuka kintuchata akuykustin.

Wayllukusqay runa simichallay

May nannintataq kunan puririnki? 

¿Maytaq ñawpa runa qispichimusqayki?

 ¿Maytaq ñawpa llaqta paqarichisqayki? 

¿Maypitaq kachkan tinkiq sunqukuna?

Kunan yá qawariykuwayku runa simichallay 

kaynata kunan ñakarichkaptiyku... 

llakipayakuq quri sunquyki musuqmanta kamachikamuchun 

¡Ama qilla, ama llulla, ama suwa kanaykupaq! 

¡Hatarimuy runa simi!

PG -13-