Ерөнхий боловсролын лаборатори Мэргэд сургууль

ӨВӨРХАНГАЙ АЙМГИЙН ЕБ-ЫН ЛАБОРАТОРИ МЭРГЭД СУРГУУЛЬ

БАГА, ДУНД, АХЛАХ АНГИЙН СУРАГЧДЫН ГЭРИЙН ДААЛГАВАР БОЛОВСРУУЛАХ ЗӨВЛӨМЖ

ЗОРИЛГО: Гэрийн даалгавар нь сурагчдын сурах арга барил, бүтээлч сэтгэхүй, бие даах чадварыг хөгжүүлэх, тухайн судлагдахуунаар эзэмших агуулга, арга зүйг бататгах, амьдрал ахуйд хэрэглэж сургах, хүүхдийн хөгжлийг дэмжихэд оршино.

БАРИМТЛАХ ЗАРЧИМ:

1.Сурагчдын хэрэгцээ сонирхолд нийцсэн, зорилго, зорилтыг хэрэгжүүлэхэд чиглэнэ.

/Судлагдахуун бүрээр суралцах суурь чадвартай хүүхэд, Гар утасны зохистой зөв хэрэглээтэй хүүхэд, Эх хэлээрээ зөв цэгцтэй сайхан бичдэг хүүхэд, Бусдыг хүндэлдэг цаг баримталдаг хүүхэд/

2.Сурагчдын ачааллыг багасгаж, өөрийгээ хөгжүүлэх, чөлөөт цагаа зөв өнгөрүүлэх боломжийг бүрдүүлсэн байна.

3. Сурагчдын нас сэтгэхүйн онцлог, сурах арга, ялгаатай байдлыг харгалзсан сонголттой байж болно.

4.Гэрийн даалгаврыг 7 хоног, сар, улирлаар төлөвлөн тухайн ангийн хичээл хоорондын интеграци, агуулга, цагийн тоог харгалзан хичээл ордог багш нар хамтран боловсруулна.

5. Даалгавар нь ажиглах, бичих, сонсох, унших, харилцан ярих, гүйцээж нөхөх, бүтээх, эрэл хайлт хийх, мэдээлэл цуглуулах, дүгнэлт гаргах, туршилт судалгаа хийх, бүтээлч чадварыг хөгжүүлэхэд чиглэсэн байна.

6.Гэрийн даалгавар хийх хугацаа нь өдөр тутам, 7 хоног, сар, улирлын аль нэгээр төлөвлөсөн, багш ил тод, шударга үнэлэх, хүүхэд хийсэн үр дүнгээ хялбар харах , ойлгох боломжтой, цаасан суурьтай, цахим болон биеэр гүйцэтгэх хэлбэртэй байна.

7. Бага ангид 1 өдрийн даалгавар 1 цаг, дунд ангид 2 цаг, ахлах ангид 2,5 цаг зарцуулахаар хичээл орж байгаа багш нар хамтран төлөвлөнө.

8. Даалгавар нь хүүхдийг амьдрах ухаанд сургах, эцэг эх найз, нөхөд, бусдыг хүндэтгэх, эх орон, байгаль эх дэлхийгээ хайрлах үзэл төлөвшүүлэх, хамтрах, багаар ажиллах чадвар суулгах, зан байдал, харилцаа хандлагын эерэг төлөвшлийг олж авахад дэмжлэг өгөхөөр боловсруулагдсан байна.

9. Гэрийн даалгавар өгсөн багш заавал үнэлж, үр дүнг суралцагч, эцэг эхчүүдэд тайлбарлах, хамтран сайжруулах ажлыг тогтмол хийнэ.

ЕБ-ЫН ЛАБОРАТОРИ МЭРГЭД СУРГУУЛИЙН ЗАХИРГАА