Recepti i gotova jela
Recepti na ivanečkom dijalektu
„Da se melja zmljela, jake je dišala… Melja se nakladala v kuorpicu z vijaču ili je direktno, kak se mljela, curela dolje. Kuorpica se nesla na glave dimo, a na glave je bil podvijaljek. Da se melja donesla dimo, pretežno su se delali z karuzne melje žgonci i unda su se polejali z kosunu mašču. Dielala se i karuzna zlievka, a mljela se i pšenična melja, herž, a hajdina ređe.“
Kazivačica: Vesna Štrukljec
Mlin obitelji Levanić
Simon, 7. b
Žgonci z karuzne melje
V meljin se ednese damača karuza, žota ili biela.
Zmelje se na sriednje grubo.
Duoma se presije na site.
V lanec se dene vuoda na špuoret kuo zavri i male se pasoli.
V šake se zeme te melje i spusti se v kruopec kak kupčec (nike se ne mieša).
Paklopi se z puoklopcem.
Tak se kuha jen čas.
Unda se atklopi i z kuhaču se na tuom kupčecu napravi križ kuo bo čez njega išla para dok se bo vrele.
Pamale se kuha na špuoretu.
Dok se nakuha, unda se pamale zmieša z kuhaču.
Tuo su žgonci.
Mieša se tie čas dok se ne počne advajati ad lanca.
Dasoli se če trieba.
Žgonci se moru jesti z mljijekom, z verhnjem, z saftem i z kuosunu mašćo.
Kazivala: Štefa Bolfek (1942. god.), zapisala: Franka Roginek, 5. c
Mlinčeni kolač
Treba: melja, sol, voda i svinjska mast
U zdelu desti melju, sol i jednu žlicu masti i na se to vlejat mlačnu vodu. Zmiesiti da ne tiesto pretverdo, ali nesme biti ni premeko. Ostaviti da si počine pol vure. Sukačem razvaljati tiesto na stolu koji smo potepli z melju. Kad je tiesto debelo oko pol centimetra, trieba ga namazati z mašču i preklopiti jednu stron prek druge i pa naze razvaljati pa pak namazati i tak nekoliko pot. Na kraju namastiti kostrolu i desti peč. Kad se speče, z vodu poškropiti i z kerpu pokriti. Pri riezunju se muoraju videti listeki šteri se odvajaju jeden od drugoga i to je to. Zapisala: Alegra Žulić, 5. d
Fuorfići
V meljin se adnese pšenica.
Zmelje se kuo je melja liepa, biela, glatka.
Duoma se adsije čez site v pasodu ili na tunjier.
Dene se vuoda v lanec na šporet kuo zavri kak kruopček.
Vuoda se asoli.
V melju štera je v pasode ili v tunjieru pamale de dadavlje vuoda i med persti se drabi tie čas dok se patraši sa melja.
Tuo su fuorfići.
Uni se pamale dievlju v kruopčec kuo se prevre.
Skuhuni su da se zdignu guore v lancu.
V tavicu se dene kosune masti i mujne biele melje kuo se napravi tienki emprem.
Tuo se siplje v fuorfiće.
Naze male prevri.
Kazivala: Štefa Bolfek (1942. god.), zapisala: Franka Roginek, 5. c
Zarejeni vugorki
Nareži vugorke, posoli i deni nek se male spacaju. Male ih ožmekni i deni kuhat u vodu i s malo češnjaka sitno narezanog. Zmiješaj v mlijeku karuznu melju i siplji v vugorke šteri se kuhaju. Moule pasoli i mujne deni perpra. Nek se još male zavre i gotovi su. Zapisao: Bartol Canjuga, 5. d
Zljevka od hajdine melje
50 dkg brašna - hajdinog, 1 dcl olja, malo soli, 1 jajce, 3 dcl mljeka, 1 žličica sode-bikarbone, cukora po želji. Sastojke zmiešaj - tiesto mora biti malo gošće neg za palačinke. Protvan namaži sa svinsku mašču i rasporedi smesu. Prije pečenja po smesi deni pol litre damačega verhnja. Nek se peče oko 40 min na 180*C se dok se ne zažari. Zapisao: Niko Kušen, 5. d
Štruklji
Za tiesto treba: meka melja, mlačna voda, malo soli, malo octa. U vodu desti malo octa, u zdelu sipati brašno, posoliti, u tiestu napraviti rupu i nutra desti malo olja i vodu i zamiesiti glatko tiesto. Tiesto mora miruvati oko polo vure, a onda se naponi i zarola, zrežu se štruklji i denu se u zamaščenu kastrolu i pečeju na 200 stupnjeva oko trifrtalj vure ili jednu vuru. Zapisala: Elena Šoštarić, 5. d
Zlijevka
Jeden lonček karuzne melje, jeden lonček mlijeka, male verhnja i par jajec, male soli i se zmiešati. Ak je rietke, još šaku karuzne melje i se zliej v protvun i speči. Da je pečene, gore premaži s putrom.
Zapisao: Bartol Canjuga, 5. d
Slanci
1 kg melje, 1 kvas, 1 žlica cukora, 2 žlice soli, 3 žlice ulja, 1 jajce, 6 dcl mljeka
Zamiesi tiesto i deni ga zdigati. Razvalja se za prst debelo i namaže s jednim cielim margarinom.
Onda se namota i zveže na trake, treba 2 - 3 pot zavrnoti. Zapisala: Iva Jagetić, 5. d
Štruklji
V zdele zamiesi tieste od melje, soli i vode. Napravi mole hljepčeke i namži s oljem. Da male postoji, razvaljaj i rastegni tieste. V druge zdele zmiesi sir, verhnje i jajco, male posoli i deni male cukora - probaj! Če je dobre, maži po tiestu i zarolaj - reži mole štrukljece i zdievaj v protvun. Gore zalijej z verhnjem - čim više, i peči. Zapisao: Bartol Canjuga, 5. d
Pita od oreha
Tiesto: 30 deka melje, 20 deka putra ili 18 deka masti, 10 deka cukora, 2 žutanjka i male soli, 1 - 2 žlice verhnja, pol praška.. Filja: 4 žutanjka mieša se s 10 deka cukora, limunove kore, smesu od 6 belanjkov i 13 deka oreha. Zapisao: Niko Kušen, 5. d
Štruklji
Za tiesto: pol kile glatke melje, 2 žlice bieloga olja, 3 deci mlačne vode, sol (kak što oče). Za nodiv: 500 do 600 grama friškog sira, 300 grama verhnja, 1-2 jajci, sol (kak što oče). Premaz: okoli deci verhnja. Postopek: 1. Zamiesite elastično tiesto, ne sme biti ni premehko ni preterdo. Tiesto mesite tak da ga druzgate z šaku. 2. Pokrite tiesto z kerpu i ostavite ga da se počivle na toplom po prilike 45 minot pa ga razdelite na 3 loptice i ostavite da si i une počineju 15 minot. 3. Zemite jenu lopticu i rasučite je z sukačom čim več morete, potem pa dobre premažite s oljem ili mašču. 4. Denite tiesto na jenu roku, a s drugom rokom ga pomalem vlečite prema vun sa sih stroni. Unda pa denite tiesto na stol i vlečite ga z rokami kolko god ide da se ne sterga i dok ne dobite tienko testo. Na kraju tiestu obavezno zrežite robe z sih krajov! 5. Na tiesto denite 1/3 smese tak da je hičete žlicu jednak po cieloj površini, pa unda saki kupček smese malo žlicu poravnajte. Unda pa tiesto jednak polijte z pol žlic olja. Zaferknite tiesto, najleži si je pomoči z kerpu na štere ste razvlačili tiesto. 6. Štruklje režite tunjirom zato koa vum ne išel nadev vunj, a lepše bo zgledalo. 7. Postupek ponavljajte i z druge 2 loptice. Štruklje denite na namščeni protvan (olje ili mast) gosto jen do drugoga jer buju tak rasli prema gor, a na kraju ih premažite z verhnjem. 8. Pečite na 200 stupnjeva dok štruklji ne dobe liepu farbu, unda pa ih naze još jemput premažite z verhnjem (najbolje domačim) i denite malo nazaj v pečnicu da se zapeče. Zapisala: Lea Težak, 5. d
Koruzna zlievka
Treba: 8 dcl mlieka, 2 deci kisielog verhnja, 60 deka koruzne melje, 2 jajca, suol, maslac ili mast. U razmučena jajca vlejati trieba verhnje, mlieko, desti koruznu melju i suol. Zmiešati dobro. Smesu vlejati u posodu premazanu z maslacem ili mašču. Speči u pečnici na srednje temperature. Jesti tuoplu zlievku. Zapisala: Tena Cerovec, 5. d
Vodenjaci
Treba: 50 deka brašna, 1 kvas, 2 deci rastopljene masti, 1 jajco, 2 deci mlieka, 1 žličica cukora, male suoli. Se zmiešaj i ostavi stati 2 vure u merzle vode. Unda rasuči, zreži na trokutiće i filjaj. Vroče posipaj s štap-šećerom. Dobar tek! Recept od prabake Ruže zapisao: Jan Putarek, 5. d
Štruklji
Prvo denemo pol kile glatke melje, unda malo suoli i to zamesimo z mlačnim mliekom da tiesto bode mefko. Tiesto mora odstati jenu vuru. Za to vrieme zmešamo kilu sira, dva jajca, male suoli. Tiesto rasučemo da bo tienko i na njega denemo sir. Sir mora biti po cielom mlincu. Mlinec unda duplo zavrnemo da pokrijemo sir, odrežemo dio koji smo zavernoli i tak do kraja. Unda da bi dobili komadiče štruklji, taj dugi zavernuti mlinec režemo na komade. Denemo u kastrolu, prelijemo z verhnjem i pečemo na 200 stupnjeva do se liepo ne speče. Zapisala: Lara Brezovec, 5. d
Zlevanka
Treba: 3 jajca, 3 žlice cukora, žlička soli, 2 i pol šalice karuzne melje, liter mlieka, 2 deci verhnja, jen kvas, uolje. Za jeden protvan zlevanke zeme se oko liter mlieka, stopi se, malo se dene cukora i kvas se zdrobi pa se pusti zdiči. Unda se dva-tri jajca stočeju z žlicu pa se doda zdignjeni kvas vu jajca. Zeme se karuzna melja pa se zalieva z znadignutim mliekom i dobre z kuhaču zmieša, da se kak zlevanka naredi. Tak redeče tiesto pusti se znadiči na toplom mestu oko pol vure. Zdignuto se zlije vu dobro zamaščeni protvun. Unda se na jednake razmake dene male pekmeza od sliv. A unda se vu vručem roljinu peče dok se od protvuna ne počne odvajati. Na kraju se z žlicu verhnja prelije pa se još male dene vu vroči roljin da se verhnje vupije. Zapisala: Lea Težak, 5. d
Sekcija "Domaćinstvo"
Laura priprema kukuruzne žgance - žgonci z melina
Ring tuorta
Tradicijska jela sekcije "Domaćinstvo"
Simona je za vrijeme nastave na daljinu napravila pravu kukuruznu zlijevku, a Vanesa štruklje 👏🏻