الكل شعر بالهزة الأرضية.. لا أحد درى .. بهزات نفسية..!
ناس كتير في رمضان دا بتسأل إيه الإعلان اللي يستحق ياخد 10/10 ونجمة
من وجهة نظري إعلانات زين دايما هي اللي بتفوز بإجابة السؤال دا، من أول الـ message اللي بتقدمها للـ call to action الصح إعلان دايما بيكون متعوب في فكرته....
لكن النتيجة بتكون إعلان لمس قلب كل حد شافه
رسالة إعلان زين في اللحظة الإولى تفتكر إنها بتتكلم على الزلزال لكن بعد ثانيتين هتوضحلك إن حجم الضرر اللي بيسببه الزلزال لايقل عن الأضرار اللي بتسببها المشاكل النفسية في حياه أي إنسان
وهنا زين استخدمت الـ double meaning بطريقة جبارة مفيش أي منافس يقدر يستخدمها، لإنها ببساطة كان ممكن متنجحش والإعلان يتعرض لـ crisis رهيبة في الموسم الرمضاني
"انهدمت علاقة.. سقط سقف صداقة.. قطع تيار الود.. فاضت أمطار الفقد.. خرج قلب مارد"
الـ concept في الإعلان إتوثق بطريقة صح مش بس بإختيار الـ Lyrics وربطها بين الزلزال والعلاقات الإنسانية، لكن كمان بإختيار باسل خياط وربطه باللي حصل في سوريا عشان جنسيته وكمان المشاكل النفسية اللي كان بيعاني منها في مسلسل الثمن
"لاتبقى تحت الأنقاض.. لوح بآه... ولو بدمعة"
من ضمن الـ call to action اللي أثرت على المشاهد وبتبين مدى فهمها للمشاكل اللي بتواجها الناس وهي إنهم مش بيقدروا يعبروا عن أوجاعهم
زين كمان قدرت تخاطب الـ target audience من خلال مشاهد مختلفة بين أعمار مختلفة
ونقطة إن معظم الناس بتواجه مشاكل نفسية لكن مابتقدرش تحلها أو تعالجها مشتركة بين كل الأعمار
"قد يفقد الإنسان حياته في الحروب، الكوارث الطبيعية والأوبئة
بينما تفتقده الحياة بأكملها لما يكون مريضاً نفسياً"
رسالة تاخد 10/10 ونجمة
| #IMFND | #IMFND_Writer2 Integrated Marketing Foundation
