திருவிளக்குப் பூஜை என அழைக்கப்படும் ஸ்ரீ வரலட்சுமி அம்பாளின் விரதபூஜை எதிர்வரும் 08.08.25 ஆம் திகதி வெள்ளி மாலை வாரதுன் கோர்ட் மண்டபத்தில் நிகழவுள்ளது. இப் பூஜைக்குத் தேவையான நைவேத்தியப் பொருட்களை  உபயமாக வழங்க விரும்புவோர் இந்த இணையத்தளத்தில் உள்ள தொடர்பு பக்கத்தின் வழியாக அல்லது எமது மின்னஞ்சலுக்கு  தங்கள் உபயம் பற்றிய விபரங்களை முன்கூட்டியே எமக்குத் தெரியப்படுத்துமாறு கேட்டுக்கொள்ளப்படுகின்றீர்கள். இப் பூஜையில்  கலந்துகொள்ள விரும்பும் பெண்கள் முன்னதாகவே தமது இடங்களைப் பதிவுசெய்து கொள்ளலாம்.

பூஜை மாலை 6:30 மணிக்கு ஆரம்பமாகும் ஆதலால் ஆயத்தவேலைகளில் முன்னின்று உதவ விரும்பும் அடியார்கள் குறிப்பாக மகளிர்,  பூஜை வழிபாடுகள் தொடங்குவதற்கு குறைந்தபட்சம் ஒரு மணி நேரத்துக்கு முன்பாக மண்டபத்திற்கு வந்து ஆயத்தப் பணிகளில் கலந்துகொள்ளவும். பூஜையை சிறப்பான முறையில் நிகழ்த்துவதற்கு உங்கள் அனைவரது ஆலோசனையும்  வழிகாட்டலும் இன்றியமையாதது என்பதுடன் உங்களால் முடிந்த வரை ஸ்ரீ வரலட்சுமி அம்பாளின் புகழைத் தேவாரம், பஜனைப் பாடல்கள்,  சிற்றுரை  என்பனவற்றின் மூலம் ஏனைய அடியார்களுக்கு எடுத்துரைக்கவும் நீங்கள் முன்வரலாம். பூஜைக்கு வேண்டிய பொருட்களின் பட்டியல் கீழே தரப்பட்டுள்ளது.