المستوى اسمه Level 0  ومن اسمه هتعرف اننا هنبدأ من الصفر خالص ومش محتاج تكون مذاكر او عارف أى حاجه قبل ما نبدأ المستوى ده.

 
طب وهناخد ايه فى المستوى ده؟

هنتعلم مع بعض يعنى ايه برمجة و problem solving من البداية خالص علشان يبقى فيه اساس قوي نبنى عليه باقى محتوى المستويات واللى بنمر فيه بتوبيكس مهمه زى ال strings , arrayes , conditions , loops , functions.

واللى هيوصلك بعدهم لتوبيكس لازم تتعلمها لانه من اهم الحاجات في مجال الــ Computer Science  وهو ااـ Time complexitiy وده هنتعلم فيه ازاى تقدر تقييم البرنامج بتاعك هل هينفع يتنفذ ولا لأ بالاـ Resources المتاحة.

نظامنا ان بيكون فيه محاضرتين كل اسبوع , المحاضرة  الاولى  بتبقى شرح لتوبيك معين وبعدها بينزل شيت  تحله علشان خر الاسبوع نتقابل فى المحاضرة التانية واللى هنتناقش فيها فى المشاكل اللي وقفت معاكم من الشيت.

ده غير المتابعة المتوفرة خلال الاسبوع للرد على اسألتكم ومساعدتكم فى فهم التوبيك بشكل افضل من خلال الاسئلة على سيرفر الديسكورد واللى فيه تيم كامل مهمته الاساسية انه يجاوب عليكم فى اسرع وقت (يعنى هتلاقى الرد قبل ما تسأل السؤال 😅)

Registeration Link

بعد ما سجلت خلاص جه الوقت نعرفكم هنتواصل مع بعض علي ايه 🤔و هنكمل على انهى منصة عشان التواصل ما بينا يتم بسهولة و نظام احنا لينا سيرفر على ديسكورد و هو باختصار وسيلة تواصل مختلفة شوية و منظمة اكتر من غيرها.

.مطلوب ان كلكم تبقوا متواجدين عليه لأن هيبقى متابعتنا ليكم من عليه و التنبيهات و التاسكات و الماتريال كل الكلام هتبقى على ديسكورد سواء سجلت اونلاين او  اونسايت

و من متطلبات انك تخش سيرفر الديسكورد عشان تبدأ الترينينج معانا و لازم تعمل شوية حاجات 😡 و من ضمنها لازم يبقى عندك اكونت علي Codeforces و دi ببساطة الموقع هيبقي عليه الجروبات و الشيتات و المسابقات اللي هتنزل.

و كمان مهم تعرف هنكتب الـ Code علي ايه او هنستخدم ايه للــ C plus plus؟

ممكن تستخدم اي IDE زي CLion, Visual Studio او Code Editor زي Visual Studio Code, Geany, Vim.

بس احنا هنستخدم Codeblocks لأنه خفيف علي أغلب الأجهزة و سريع و طريقة تحميلة سهلة لكن لو حابب تنزل اي حاجة غيره طبعا عادي.

ودى شوية فيديوهات قصيرة خالص تقولك ازاى تعمل كل ده.