प्रदेश आपतकालीन कार्यसञ्चालन केन्द्र
Provincial Emergency Operation Centre (PEOC)

प्रदेश आपतकालिन कार्यसञ्चालन केन्द्रले विपदबाट हुन सक्ने सम्भावित जोखिमलाई मध्यनजर राख्दै विपद् पूर्वतयारी तथा प्रतिकार्यलाई प्रभावकारी,व्यवस्थित र परिणाममुखी बनाउन तथा विपद्जन्य घटनाको तथ्याङ्क एवं सूचना प्रणालीलाई चुस्त दुरुस्त राख्न महत्वपूर्ण भूमिका खेल्ने गर्दछ ।

यसका मूख्य कार्यहरु: 

• विपद् प्रतिकार्यका लागि पूर्वतयारी अवस्थामा रहने,

• विपद् सम्बन्धी घटनाहरुको सूचनाको संकलन, अद्यावधिक, विश्लेषण एवं प्रवाह गर्ने,

• प्रतिकार्यका लागि खोज तथा उद्धार टोली र सुरक्षा निकायको परिचालन गर्ने,

• खोज तथा उद्धारमा संलग्न निकायहरुका विद्यमान जनशक्ति, औजार, उपकरण र अन्य स्रोत साधनहरुको अभिलेखिकरण एवं विश्लेषण गर्ने र प्रतिकार्यका लागि गर्न पर्ने थप कार्यहरुको विषयमा सिफारिस गर्ने,

• राष्ट्रिय आपत्कालीन कार्यसंचालन केन्द्र (NEOC), जिल्ला आपत्कालीन कार्यसंचालन केन्द्रहरु (DEOCs)   तथा स्थानीय आपत्कालीन कार्यसंचालन केन्द्रहरु (LEOCs) संग समन्वय गर्ने,

• प्रतिकार्यका लागि खोज तथा उद्धार क्षमताको विकास सम्बन्धी कार्य गर्ने,

• विपद् प्रतिकार्यको पूर्वतयारीका लागि भावी प्रतिकार्य योजना तर्जुमा गर्ने,

• विपद् सम्बन्धी सम्पूर्ण सूचनाहरु संकलन तथा अध्यावधिक गर्ने,

• विपद् प्रतिकार्यको समयमा विषयगत क्षेत्रलाई परिचालन (Cluster Activation) गराउने, समय र मौसम अनुसार आउने तथा आउन सक्ने प्रकोप र विपद्का घटनाका सम्बन्धमा आपतकालीन अवस्थामा गर्नुपर्ने तयारी र प्रतिकार्यका विषयमा सरोकारवालाहरुसँग छलफल र अन्तरकिया संचालन गरी तयारी अवस्थामा राख्ने