Listavor í Sögu

Hönnun og smíði  

„Græn stund" er smiðja á vegum Hönnunar- og smíðavals MVS þar sem tálgaðar eru dularfullar verur eða annað úr mjúkum íslenskum trjávið. Kynnt verða einföld læst hnífsbrögð og áhersla lögð á persónulega sköpun. Þátttakendur styrkja tengsl sín við náttúruna og rækta núvitund í gegnum einfalt handverk. Allir aldurshópar eru velkomnir að fikta og prófa. 

Kennari: Signý Traustadóttir 

Leiklist  

Í þessari vinnusmiðju sem er á vegum Rannsóknarstofu í leiklistarfræðum verður unnið með aðferðir leiklistar og leikja í námi m.a. með áherslu á samþættingu við greinar eins og stærðfræði, íslensku, samfélagsfræði og landafræði. Þátttakendur fá tækifæri til að vinna á fjölbreyttan hátt að skapandi og praktískum verkefnum. 

Kennarar:  

Rannveig Björk Þorkelsdóttir

Jóna Guðrún Jónsdóttir 

Halldóra Rósa Björnsdóttir

Sjónlistir 

Sjónlistastofan er nýtt sérhæft kennslurými á Menntavísindasviði sem styður skapandi listkennslu og þróunarverkefni. Boðið verður upp á örsmiðju þar sem þátttakendur kynnast fjölbreyttum efniviði og tækni. Markmiðið er að efla samtal, miðlun reynslu og tengsl milli vettvangs, háskólasamfélags og skapandi skólastarfs. 

Kennari: Hanna Ólafsdóttir 

Textíll og hönnun 

Í smiðjunni verður hugað að eldri og nýjum textílaðferðum og viðraðar hugmyndir um hvernig þær muni birtast í námi og kennslu faggreinarinnar séð til framtíðar. Þátttakendur eiga síðan samtal um áherslur og tengingu textílgreinarinnar milli allra skólastiga; leik-, grunn-, framhalds- og háskóla. 

Kennari: Ásdís Ósk Jóelsdóttir  

Tónlist  

Í tónlistarsmiðju verða kenndir fjölbreyttir tónlistarleikir sem byggja á virkni og þátttöku nemenda í skólastofunni. Kenndir verða söngvar, klappleikir, dansar og hljóðfæraleikir sem nýtast beint í kennslu barna. Kynnt verður ný vefsíða með kennsluhugmyndum og efnivið fyrir tónmenntakennara og aðra sem vilja flétta tónlist inn í sína kennslu. 

Kennari: Helga Rut Guðmundsdóttir 

Dr. Anne Bamford

Á listavori í Sögu mun prófessor Anne Bamford  ræða við okkur um nýjustu rannsóknir sínar á sviði listmenntunar á heimsvísu. Hún mun einnig fjalla um stöðu Íslands í samanburði við aðrar þjóðir, sem og þróunina hér á landi fráþví að ný aðalnámskrá leit dagsins ljós árið 2013. Anne Bamford hefur verið gestaprófessor við Menntavísindasvið HÍ en hún vann skýrslu um list- og menningarfræðslu á Íslandi sem vakti mikla athygli sem kom út 2011.