畢業作品發表會

　　若欲做這種「比較」的主題，需要去解讀逐位研究者的所寫的內容，有當時仔仝一个概念佇無仝研究者个記錄內底就會有無仝个講法，這著愛先去理解𪜶所想欲講的彼个物件敢有仝款，袂使家己假𠢕來亂解說。

　　所以若有想欲做「比較研究」相關的主題，若像就會使免去外口走傱，干焦需要提別人的成果來寫寫咧就會使交差矣，但是實際上絕對毋是按呢。對引用別人的文獻到提出家己的看法，猶閣需要經過誠久長的時間佮拍拚，這對諸位前輩的論文佮專冊內底就會使看的出來。

　　也因為按呢，若是有人嘛選擇欲來做「比較」，這凡勢會誠痛苦佮無聊，毋過猶是祝你/恁佇咧研究的過程內底揣著好耍的所在。畢竟，會當共家己的興趣結合家己所想欲做的代誌，原仔嘛是畢業作品的精神之一。

　　以上，無論你/恁是想欲做啥物主題佮類型的，攏祝福你/恁會當媠氣閣快活的度過這段時間。

　　真心祝福。

寫佇民國114年07月17號

作品名稱：《臺灣詔安客語音韻系統比較》/ "Tâi-uân Tsiàu-an Kheh-gí im-ūn-hē-thóng pí-kàu"

發表學生：邱良宥 / Khu Liông-iū

指導教授：程俊源 / Thiânn Tsùn-guân

作品形式：論文

作品介紹：

　　詔安客語佇臺灣無仝所在生湠，受著生活環境周圍無仝族群的影響，呈現出多元的音韻系統。

　　本論文欲以雲林、桃園佮宜蘭的詔安客語的音韻調查結果。分做聲母、韻母佮聲調三个部份來比較這三个地區互相「仝款」佮「無仝款」的所在。