Q&A
虹ヶ咲学園スクールアイドル同好会，又稱虹ヶ咲、虹学（ニジガク）、虹團、火火、野女。呢度主要解答知LL背景或者棄左坑回家嘅人睇，主要解釋而家最新嘅發展，如果你連LL本身講咩都唔知建議睇wiki，佢寫得好過我
- ラブライブ！世界而家係點樣運作緊？
上面d名我係冇打錯，你細心留意返你會發現虹咲個名係特別騎呢古怪。https://www.lovelive-anime.jp/ 大家可以禁入去望下三個嘅logo就好易見到個差別。咁你會發現虹團個名而家係改返做日文字，但呢個改動係宣佈左動畫化之後先實行，重要改d唔改d。
可以直接睇總論就係，明眼人都睇得出邊一個project先係真正嘅傳承而邊一個係屬於side project。
係2021年呢個時間點睇黎，而家各團嘅情況係：水團 — 應該唔打算執，點都拖落去虹團 — 動畫完左，暫時未見有第２季，最快都下年我諗坦團 — 一出道唔夠兩個月即動畫化，史上最快
如果你係成個LL系列都推嘅，影響不大，但如果你係虹團推ONLY，咁你要有心理準備係呢個環境之下會發生咩事，就算有一日無啦啦執左你係完全唔奇。
2. LLPDP係咩project？聽講係咁加人入黎？聽講有香港人？
LLPDP係當年就係以SIF嘅路人R卡做投票，頭3名可以加入新團做重要角色，成個計劃嘅主張就係打破LL本身局限9人嘅限制，推廣「School Idol」呢樣野多過單單咁推廣「μ's 」/「Aqours」。因為咁樣，所以當時嘅公佈角色嘅圖片係寫住「...and more」呢兩隻英文字。
當時其實冇咩人當係一回事，但係LLAS（最新手遊）呢隻垃圾game推出左之後官方同你講並唔係講笑。2019年，宣佈新角色「三船栞子」直接加入，呢一個加入並唔係以往咁樣加入做對手，而真係令個組合變成10人組合。
三船嘅加入其實已經引起好大反應，但當然接受嘅日本人係居多，可以將呢單野視為試水溫。但係，更加過火嘅黎啦，2020年LLAS主線無啦啦插入左兩個全新角色 - 「鍾嵐珠」同「ミア・テイラー 」。有左三船嘅先例大家最擔心就係到底呢兩條友會唔會插入黎成為12人組合，而呢一樣野到而家重係未知數。與此同時，呢2個新角色嘅相關劇情係引發左LL系列史上最大嘅炎上之一。
3. LLAS大炎上係發生咩事？
根據返上面所講，LLAS遊戲有兩次加人嘅經驗，講左第一次先。
其實三船無啦啦加入已經以起一部份人反感（亦係我地post嘅立場），因為首先佢破壞左LL系列 fans=第10人呢樣野。更加過份嘅野佢為左比三船上位就強行將佢推到女主角之位+弱化其他角色。本身虹咲已經比人屌左好多年d角色完全冇故事，本來以為LLAS可以睇到D故事，點知出到黎變左三船無雙。三船聲優小泉萌香更加比人感覺係唔認真對待個project同時年幾過去佢都好似同其他人冇咩交集咁，令到唔同番組只要有佢出場就會變到好無聊。
三船部份講完，其實就唔係好多人屌三船嘅，因為佢始終係一個正正常常設定嘅角色，但精彩部份就黎啦。上面講左「鍾嵐珠」同「ミア・テイラー 」，咁ミア就鬼婆黎，除左識英文之外冇咩特別啦，所以就多關佢事嘅。
呢一part嘅女主角嵐珠人設係香港人黎，但出到黎就夾雜普通話+廣東話，搞到好古怪。佢本身係中國人（日狗係咁覺得架啦）呢個設定已經令到好多人反反地。燒到咁大件事嘅原因係LLAS劇情嘅負責人 - 雨野智晴先生（點都要提一提佢個死人名）寫到嵐珠變左一個超級大仆街，重要為左寫嵐珠人格謀殺左本身同好會嘅角色，簡單講就係咁：
一、嵐珠將同好會分裂，搶走左愛同果林，係下一章重搶走埋しずく
二、做左25仔嘅角色見到本身嘅戰友傷心難過（見到小霞冇左同好會喊，愛竟然可以無視），竟然可以為左D唔知咩堅持繼續25
三、聲優對於份垃圾劇本總之不滿，已經有好幾個聲優明示暗示咁樣屌柒條主線，例如集體rt唔講野 / 話咩請大家支持動畫入面嘅果林啦
四、嵐珠係故事入面行事手法同共產黨無異，例如派人監視、封你練習場地、蝦蝦霸霸等等
總結以上問題加埋就係成個twitter就連平時咩都話好嘅日狗都群起而出屌柒垃圾game，youtube負皮更加係爆足幾千個，真係咁耐以黎都未見過。
4. 動畫同LLAS劇情有冇關連？虹團同舊嘅兩團有咩差別？
第一條，如果你玩過SIF（LL隻舊音game）就知道動畫同驚係平行時空黎。一樣嘅地方係人設only，除此之外劇情及發展等等完全可以分開處理，你當完全冇關都冇問題。虹呢度特別要講下就係第10個角色三船栞子暫時只係會係game出現（下面會講架啦），而game入面嘅「你」就會以高咲侑呢個名做動畫主角。詳見LLAS劇情 。
第二條，係game世界係三團人都識，fd子黎，但我諗應該只限game入面，你唔洗幻想動畫會出現上兩代嘅人。原因係，無論你信唔信都好，2017年呢個被稱為「PDP」嘅project本來只係為左出手機遊戲先存在。即係本身根本就冇計劃要出動畫，你當係以前SIF果d假卡咁上下（虹團有2個角色係SIF R卡角轉化過黎），下面會再詳講。如果講到運作上嘅分別，虹ヶ咲一改以前LL出9人團歌嘅習慣，以solo為主體，一隻碟會有9首solo，而member之間亦係競爭對手關係。當然唔係話從此冇左團體歌，只係solo先係最主要。
或者我簡單講一句，對fans黎講，動畫就係我地想要嘅野，每一集都可以重睇幾次。LLAS就係一舊屎。
5. LL咁多資源講到咁撚慘做咩姐？入左黎就一帆風順啦
當然唔係要鬥慘，LL點都有錢過人，但官方一路都冇當呢隊野係第三代，只係當你一個手機遊戲嘅團體，以下係爛鐵呢3年對待我地嘅手法：
公佈聲優後等足一年先有第一隻碟（FYI水團係4個月），兩年先有第一場正式live（重係mini live）
接完個project就同佢地講你地唔會有動畫，你地係為左llas而生（後尾聲優自己講因為大家支持賣得，先出比佢），本身呢個唔係問題，但...
一路厄班聲優等llas出，如果你有理過隻game都知佢delay到賽馬娘咁，咁等隻閪game出嘅時間比咩job人做呢？見下點
無止境生放送地獄、低成本打3ds吹下水打足十幾集、簡單d講有2年時間做緊d同LL可以話完全冇關嘅事
（你唔難發現虹團人嘅個人場外發展比起上兩團係多非常多，並唔係佢地上進，而係營運係本應嘅黃金期放養佢地長達兩年半時間）
已經冇咩人識重要搞每月人氣投票，排名1-9全公佈直接公開處刑，令到大部份member係1st live因為呢樣野崩潰爆喊，覺得自己冇努力為個角色做野
好啦終於等到llas出啦，原來虹團係冇UR，因為未畫好😂😂😂😂，等多3個月先出比你，你玩住水團先，睇返上面d字係咪好好笑？
我都唔想講3周年官方出個post提下都冇，武肺搞到要cancel竟然係水團無觀客虹團照比人入，野女d命係唔值錢。最後係你食左3年屎開始有d甜野食果陣插多個三船入黎分身家，想知你係member會點諗？見到d日狗話「營運對佢地越仆街，fans就越鐘意佢地」可能呢d係新式營銷手法掛
最後，一句總結
μ's 2010年6月30日 「LoveLive!」企画展開 - 2013年1月6日 アニメ第1期 921日
Aqours 2015年4月30日 「LLSS」を発表 - 2016年7月2日 アニメ第1期 429日
虹ヶ咲 2017年3月30日 「PDP」を発表 - 2020年10月3日 アニメ第1期 1283日 😉
6. 關於小泉萌香
睇完上面果段你應該明白member呢4年黎嘅體驗。
首先，小泉萌香本人係生放送話呢件事2年前已經決定好，其他人都一早知呢件事，但我地得出嘅事實係：
生放送為左強推三船每一次都塞佢入黎，同其他member明顯完全唔識咁，角色gag都理解唔到，好難說服到人真係2年前就知
周邊商品相冇三船（9+1咁出）、動畫冇三船、動畫歌都應該冇三船，講到呢度你自己思考下信定唔信呢個所謂2年前
LL歷史上嘅主打歌都係有背景有故事，係live演出嘅時候夾雜埋你對角色對聲優嘅情感令首歌昇華（例如start:dash）。虹咲擁有自己嘅Love U my friends，為左紀念呢3年辛酸嘅歌（歌詞大意係即使我地呢幾年面對咁多困難，但我仍然將我地之間嘅相遇視為最好嘅寶物），竟然可以因為要就三船改成10人版然之後格硬比佢一齊唱，想問下佢憑乜野？呢度點解話格硬其實係好明顯睇得出，本身嘅舞步就係排好晒unit、年生咁樣出，三船係段段都唔關佢事格硬塞入黎。
最近嘅一次Live（shuffle live）係直接因為三船搞死左成個rundown，要將d神嘅9人曲用黎做開場（照常理點都係高潮位先唱），因為要就佢第十人，唔可以最尾先唱9人曲，更加係就快完場先搞call & respond。
其實就我都知佢都係被迫，但你咁樣搞法我好難唔反感啦。
8. 有冇谷入？
https://t.me/joinchat/FcX3MQyodmTQ2U0hl1bSbw
冇咩版規果d，只希望唔好入黎傾第2d野就可以，歡迎冇連登ac嘅你入黎吹水，生放送、member出tweet果d都會有人即討
大live、細live、角色聲優生日都會夾錢搞下野，例如整下蛋糕咁（你fb見過果d就係出自我地手），歡迎所有人參與但希望唔好為左做免費仔先入黎
9. 更多文 / 感想
https://sites.google.com/view/lihkg-nijigasaki/resource/collection
呢度有晒咁多集動畫我地寫嘅分析 / neta / 個人感受，你睇完再睇嘅可能同對一集有更多理解