រដ្ឋមន្ត្រីក្រសួងអប់រំ បន្តថា បណ្ណាល័យនីមួយៗមានកន្លែងអានឆ្លើយតបទៅនឹងអ្នកអានដែលមានតម្រូវការខុសៗគ្នា បន្ទប់កុំព្យូទ័រ បន្ទប់ពហុបំណង ព្រមទាំងបន្ទប់  និងកន្លែងបំពេញការងាររបស់បណ្ណរក្សផងដែរ។  លើសពីនេះ បណ្ណាល័យទាំងមូលមានបំពាក់គ្រឿងបរិក្ខាទំនើបទាន់សម័យ កន្លែងអង្គុយមានផាសុកភាព ម៉ាស៊ីនត្រជាក់ កុំព្យូទ័រក្នុងការស្រាវជ្រាវ ព្រមទាំងសៀវភៅភាសាអង់គ្លេស បារាំង និងខ្មែរជាច្រើនទៀត។ 

រដ្ឋមន្ត្រីក្រសួងអប់រំ យុវជន និងកីឡា ក៏បានវាយតម្លៃខ្ពស់ចំពោះក្រុមការងាររៀបចំបណ្ណាល័យនៅតាមមជ្ឈមណ្ឌលភូមិភាគ ឱ្យទៅជាបណ្ណាល័យមួយថ្មីមានស្តង់ដាខ្ពស់ មានសោភណ្ឌភាព ដែលអាចទាក់ទាញគរុសិស្ស គ្រូឧទ្ទេស ចូលអានក្នុងការបង្កើនចំណេះដឹងថ្មីៗបន្ថែមទៀត សម្រាប់ពង្រឹងការបណ្តុះបណ្តាលធនធានមនុស្ស។ 

ជាមួយគ្នានេះ ឯកឧត្តមរដ្ឋមន្ត្រីក្រសួងអបរំ ក៏​បានផ្តាំផ្ញើដល់លោកគ្រូ អ្នកគ្រូដែលជាបណ្ណារក្សចូលរួមជួយថែរក្សាបណ្ណាល័យ និងសម្ភារបរិក្ខាទាំងនេះឱ្យបានគង់វង្សទុកជាប្រយោជន៍ដល់កូនចៅយើងទាំងអស់៕